تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کرېکټ: افغانستان شري لنکا ته په درې منډو ماتې ورکړه
افغان کرېکټ ملي لوبډله له خپلې سیالې شري لنکا لوبډلې سره خپله ورستۍ او درېیمه یو ورځنۍ لوبه کې شري لنکا لوبډلې ته په درې منډو ماتې ورکړه.
افغان لوبډلمشر ابراهیم ځدراڼ نن هم د لوبې پچه وګټله او د توپوهنې پرېکړه یې وکړه.
افغان لوبډلې په نننۍ سیالۍ کې د ټولو شل اورونو له لوبې وروسته پنځه وېکټې له لاسه ورکړې، ۲۰۹ منډې یې وکړې او شري لنکا لوبډلې ته یې د ۲۱۰ منډو هدف وټاکه.
خو شري لنکا لوبډلې د شپږ وېکټو له لاسه ورکولو وروسته د ۲۰م اوور په وروستي توپ ۲۰۶ منډې وکړې او په درې منډو یې لوبه بایلوده.
د یادونې ده، چې په پرلپسې نهو نړیوالو لوبو کې له ماتو وروسته افغانستان نن شل اوریزه لوبه وګټله.
په نننۍ لوبډله کې ځینې بدلونونه راغلي وو. د دغې لوبلړۍ په بهیر کې په لومړي ځل محمد اسحق او وفادار مومند ته ځای ورکول شوی و، دغه راز د ګلبدین نایب پر ځای فرید ملک لوبډله کې شامل کړای شوی و.
افغانستان لوبه چټکه پیل کړه او په لومړیو شپږو اوورونو (پاور پلې) کې یې ۷۲ منډې وکړې.
رحمان الله ګربز د افغانستان له لوري تر ټولو ډېرې ۷۰ منډې وکړې ورپسې حضرت الله ځاځی و، چې له ۲۲ توپونو یې ۴۵ منډې ترلاسه کړې.
افغانستان د شل اوریزو لوبو دوه سیالۍ وار دمخه بایللي دي. افغان لوبډلې دغه راز د یو ورځنیو لوبو لړۍ او یوازنۍ ټېسټ لوبه هم شري لنکا ته وبایللې.