تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
هند کې نژدې ۴۰ ماشومان د هندوانو مېلې پرمهال ډوب شوي
د هند ختیځ کې سیمهییز چارواکي وايي، د هندو مذهب یوه مېله کې د ۳۷ ماشومانو او اوو ښځو په ګډون لږ تر لږه ۴۶ تنه اوبو کې ډوب شوي دي.
په تېرو ۲۴ ګړیو کې په ۱۵ سیمو کې د مړینې خبرونه تایید شوي دي.
د بحران اړوندې ادارې چارواکو ویلي، قربانیان هغه مهال مړه شول چې د وروستیو سېلابونو له کبله راوتلو سېندونو او ډنډونو کې لمبېدل.
د جیویټپوتریکا په نامه دا مېله چې درې ورځې دوام کوي، هر کال د ماشومانو له لوبو سره پیلېږي او میندې د دوی لپاره روژه نیسي.
په بیهار ایالت کې چارواکو ویلي، د مېلې پر مهال په سېندونو او ډنډونو کې ډېری خلکو د اوبو خطرناکې کچې او ژوروالي ته پام نه و کړی.
داسې وېره شته چې د وژل شویو شمېر به احتمالا ډېر شي.
د یاد ایالت چارواکو ویلي، د قربانیانو کورنیو او خپلوانو ته به تاوان ورکړل شي.
په تېر کې هم د لویو مېلو پرمهال د هند بېلابېلو برخو کې مرګونې پېښې رامنځ ته شوې دي، په تېره کله چې په زیات شمېر خلک د خوندیتابه له لازمو لارښوونو پرته په تنګو ځایونو کې ګڼه ګوڼه جوړه کړې او د ټېل ماټېل پرمهال ګڼ کسان مړه شوي دي.
په تېره جولای میاشت کې د هند شمالي اترا پردیش ایالت یوه مذهبي راغونډېدنه کې د ټېل ماټېل له کبله لږ تر لږه ۱۲۱ تنه مړه شول.
په ۲۰۱۸ کال کې هم د "دسشیرا" په نامه د مېلې پرمهال یو اورګاډی پر تماشاچیانو ورغلی و چې نژدې ۶۰ تنه یې وژلي وو.