د عکسونو البوم: ننګرهار کې د مالټو حاصلات دوه برابره لوړ شوي دي

دې لپاره چې انټرنېټ مو لږ مصرف شي، یوازې متن ولولئ
    • Author, ذبیح الله رحیمزی
    • دنده, ننګرهار
  • د خپرېدو وخت

د افغانستان په ختيځ کې د ننګرهار د مالټو بڼوال وایي، د تېر کال پر تله یې سږ حاصل دوه چنده ډېرشوی دی. د ډېريدو لامل یي د نيالګيو په سمه توګه پالنه بلل کیږي.

مالټې
د عکس تشریح، د ننګرهار بټي کوټ ولسوالۍ د مالټو په نوي رسيدلي بڼ کې کارګر د مالټو په راټولو بوخت دي.
باغ
د عکس تشریح، دا سیمه چې ډېره موده د سختو ناامنیو شاهده وه، اوس لاهم پکې جګړه بشپړه ختمه نه ده، خو د مالټو بڼونه پکې په غوړېدو دي. دا اووم کال دی چې بيا دا باغونه زرغون شوي دي.
کانال
د عکس تشریح، د ننګرهار بټي کوټ ولسوالۍ کې اوس په درې زره جريبه ځمکه د مالټو نیالګي کرل شوي دي. اووه سوه جرييه ځمکې باندې د مالټو بوټو له پروسږکال راهیسې بار نیول پیل کړي، خو سږ کال یې حاصل دوه برابره ډېر دی.
ننګرهار
د عکس تشریح، گټه یوازې د بڼ لرونکو نه ده، دلته اوس شاوخوا یو نیم سل کارګر د مالټو راټولو ته ګومارل شوي دي.
تجارت
د عکس تشریح، دا راټولې شوې مالټې د هېواد څو ښارونو ته وړل کېږي، خو تمې شته چې په راتلونکې کې د حاصلاتو په لا ډېرېدا به یو وار بيا د بهرنيو هېوادونو بازارونه ته هم ورسول شي.
انار
د عکس تشریح، د جلال اباد ښار په هټيو کې پخوا مالټې تر ډېره له پاکستانه راوړل کېدې، خو اوس دلته سوداګر وايي د کانال مالټې خلک ډېرې خوښوي.
بټي کوټ
د عکس تشریح، په ننګرهار کې چارواکی وايي، د بڼونو د لا ډېرې پراختیا لپاره یې هڅې روانې دي. د ننګرهار کانال رياست په پام کې لري چې د کانال اړوند د یاد فارم په ځمکو نوي نیالګي کېنوي او د پالنې لپاره یې خپل کارکوونکي وګوماري.
کارګر
د عکس تشریح، د ننګرهار هوا او ځمکه د مالټو او نارنجو نايلګيو ته جوړه ده. دلته ۴۵ کاله پخوا د کانال په حکومتي فارم کې پر شل زره هکټاره ځمکه بڼونه جوړ شول.
بایسکل
د عکس تشریح، ۱۹۸۰ کلونو کې د ننګرهار مالټې او نارنج تر روسيې ورسېدل، خو جګړو هم لارې پرې وتړلې او هم يې د دې ونو رېښې پسې وچې کړې.
رحیمزی
د عکس تشریح، په ننګرهار کې اوس د مالټو د بڼونو د بیا زرغونېدو هیلې پیدا شوې دي