रशियन सैन्य राजधानी कीव्हमध्ये शिरण्याच्या टप्प्यावर - झेलेन्स्की

लाईव्ह कव्हरेज

1. 26 एप्रिल 2023चेर्नोबिल पृथ्वीवरील सगळ्यांत धोकादायक जागा का मानली जाते?

2. 24 फेब्रुवारी 2023रशियाने युक्रेनवर हल्ला का केला? जाणून घ्या 5 मुद्द्यांत

3. 7 मे 2022व्लादिमीर पुतीन राशियाच्या राष्ट्राध्यक्षपदी असे आले

4. 26 एप्रिल 2022चेर्नोबिल शहराचे तुम्ही आजवर न पाहिलेले 10 फोटो

5. 19 एप्रिल 2022रशिया-युक्रेनमध्ये 'व्लादिमीर' नाव इतकं लोकप्रिय का आहे? व्लादिमीर द ग्रेट कोण होते?

6. 9 मार्च 2022नाटो काय आहे? रशियाचा नाटोवर विश्वास का नाही? भारत नाटोचा सदस्य आहे का?

7. 26 फेब्रुवारी 2022रशिया - युक्रेन संघर्ष, कीव्हजवळ धुमश्चक्री

   रशिया - युक्रेन संघर्षाचे 26 फेब्रुवारीचे लाईव्ह अपडेट्स वाचण्यासाठी या नवीन लाईव्ह पेजवर जा - https://bbc.com.im/marathi/live/international-60535138%3C/a%3E%3C/p%3E%3C/div%3E%3Cdiv dir="ltr" class="css-1k9op6x e17x9cvu0">

   या पानावरील अपडेट्स इथेच थांबवतो आहोत.

   धन्यवाद!

8. 26 फेब्रुवारी 2022कीव्हमध्ये धुमश्चक्री सुरू

   कीव्हमध्ये स्फोट होत असल्याचे तसंच संपूर्ण युक्रेनमध्ये तीव्र संघर्ष सुरू असल्याचे वृत्त समोर येत आहे.

   राजधानी कीव्हमध्ये मेडन स्क्वेअर परिसरात एक मोठा स्फोट झाल्याचं ऐकायला आलं आहे. तसंच त्रोएश्चना शहराच्या परिसरातही अनेक स्फोट झाल्याचं वृत्त आहे.

   काही प्रत्यक्षदर्शींनी दिलेल्या माहितीनुसार कीव्हवर करण्यात आलेल्या काही तोफांच्या हल्ल्यांचे आवाज अनेक मैल दूरपर्यंत ऐकायला आले.

   कीव्ह इंडिपेंडंटच्या मते शहरातील प्राणीसंग्रहालय आणि शुलियावाका परिसरात जवळपास 50 स्फोट आणि मोठ्या प्रमाणावर मशीनगनद्वारे गोळीबार झाल्याचं पाहायला मिळालं.

   राजधानीवर सध्या हल्ला करण्यात आला असून एकाचवेळी अनेक बाजुंनी हल्ला केल्याचं फॉक्स न्यूजच्या परराष्ट्र प्रतिनिधी ट्रे यिंग्स्ट यांनी म्हटलंय.

   राजधानी कीव्हच्या ट्रोइस्चिना जिल्ह्यातील CHP-6 या ऊर्जा केंद्राजवळ संघर्ष सुरू असल्याचं युक्रेनच्या स्टेट स्पेशल सर्व्हीसनं सांगितलं आहे. शहरातील वीजपुरवठा तोडण्याच्या उद्देशानं हा हल्ला करण्यात आल्याची शक्यता आहे.

   कीव्हच्या पेरेमोही अॅव्हेन्यू परिसरात वाहनांची तोडफोड आणि आग लागल्याचं पाहायला मिळालं आहे.

   वासिलकीव्हमधील हवाई तळाजवळ मोठ्या प्रमाणावर संघर्ष झाल्याची माहिती आहे. या ठिकाणाचा वापर रशियाचे पॅराट्रूपर्स कीव्हवर हल्ला करण्यासाठी स्प्रिंगबोर्डसारखा करत असल्याची माहिती आहे.

   काळ्या समुद्रातील मायकोलायव्ह शहरातून रशियाच्या सैन्याला यशस्वीरित्या परतावून लावल्याचा दावाही युक्रेनच्या लष्करानं केला आहे.

9. 26 फेब्रुवारी 2022रशियानं संयुक्त राष्ट्रांत केला वीटोचा वापर

   संयुक्त राष्ट्रांच्या सुरक्षा परिषदेत युक्रेनशी संबंधित एका प्रस्तावावर रशियानं त्यांच्या वीटोचा वापर करून हा प्रस्ताव थांबवला आहे.

   संयुक्त राष्ट्रांच्या सुरक्षा परिषदेत युक्रेनवर रशियानं केलेल्या हल्ल्याचा निषेध करण्याच्या प्रस्तावाच्या बाजूने 11 सदस्यांनी मतदान केलं. पण रशियानं स्थायी सदस्य असल्यानं वीटो पर्यायाचा वापर करत तो प्रस्ताव रोखला.

   प्रस्तावाच्या बाजूने 11 सदस्यांनी मतदान केलं. मात्र, भारत, चीन आणि यूएईनं मतदानात सहभाग घेतला नाही.

   रशिया, युक्रेन किंवा युक्रेनच्या नागरिकांच्या विरोधात युद्ध छेडत नसून दॉनबसमधील लोकांना वाचवण्यासाठी ही पावलं उचलत असल्याचं, संयुक्त राष्ट्रांतील रशियाच्या राजदूतांनी म्हटलं.

   युक्रेनमधील ताज्या घडामोडींनी भारत विचलित असून येथील हिंसाचार लवकरात लवकर संपवावा असा आमचा आग्रह आहे, असं भारताचे प्रतिनिधी टी.एस. तिरुमूर्ती सुरक्षा परिषदेत म्हणाले.

   संयुक्त राष्ट्रांच्या सुरक्षा परिषदेत युक्रेनवर रशियानं केलेला हल्ला थांबवण्यासाठी आणि लष्कर बोलावण्यासाठी मतदान घेण्यात आलं. रशिया सुरक्षा परिषदेच्या स्थायी सदस्यांपैकी एक असून त्यांच्याकडे वीटोचा अधिकार आहे. रशियाशिवाय अमेरिका, चीन, फ्रान्स आणि ब्रिटन यांच्याकडेही वीटोचा अधिकार आहे.

   दरम्यान संयुक्त राष्ट्रांतील अमेरिकेच्या राजदूत लिंडा थॉमस ग्रीनफील्ड यांनी रशियाचं कृत्य हे पायाभूत सिद्धांतावर हल्ला असल्याचं म्हटलं आहे. रशिया वीटो वापरण्याच्या अधिकाराचा गैरवापर करत असल्याचंही त्यांनी म्हटलं आहे.

   युक्रेनचे राष्ट्राध्यक्ष वोलोदिमीर झेलेन्स्की यांनी संयुक्त राष्ट्रांच्या सुरक्षा परिषदेत युक्रेनवरील हल्ल्याचा मुद्दा उपस्थित केल्याबद्दल सदस्य देशांचे आभार मानले आहेत. रशियानं वीटोचा वापर करणं म्हणजे सुरक्षा परिषदेत रशियाच्या नावावर रक्ताचा डाग लागण्यासारखं असल्याचं ते म्हणाले.

10. 26 फेब्रुवारी 2022रशिया युक्रेन वाद : आतापर्यंत काय घडलं?

    रशियानं युक्रेनवर केलेल्या हल्ल्याच्या दुसऱ्या रात्री अनेक प्रकारच्या घडामोडी घडल्या आहेत. त्यातील काही प्रमुख घडामोडींवर नजर टाकूयात...

    • रशियाचं सैन्यदल राजधानी कीव्हवर हल्ला करण्यासाठी आणि नेतृत्वाला पायउतार करण्यासाठी रात्रभर प्रयत्न करेल असं युक्रेनच्या अधिकाऱ्यांनी म्हटलं आहे.
    • राष्ट्राध्यक्ष वोलोदोमीर झेलेन्स्की यांनी कीव्हमध्ये लढा देण्याची शपथ घेतली आहे. शहर हातून गमावणं युक्रेनच्या नागरिकांना परवडणार नाही, असा इशारा त्यांनी दिला. त्यामुळं अत्यंत कठीण रात्रीसाठी सज्ज राहा, असा संदेश त्यांनी दिला.
    • रशियाचे राष्ट्राध्यक्ष व्लादिमीर पुतीन यांनी युक्रेनच्या लष्कराला शरणागती पत्करण्यास सांगितलं. त्यांनी झेलेन्स्की आणि त्यांच्या सरकारवर ड्रग्ज व्यसनी आणि निओ-नाझींची टोळी असल्याचा आरोपही केला.
    • कीव्ह शहरात काही वेळापूर्वीच स्फोट झाल्याची माहिती मिळाली आहे. तसंच दक्षिण, उत्तर आणि पूर्व युक्रेनमधील शहरांमध्ये संघर्ष सुरू असल्याचं चित्र आहे.
    • अमेरिका, युके, कॅनडा आणि युरोपीयन महासंघानं प्रथमच रशियाचे राष्ट्राध्यक्ष व्लादिमीर पुतीन आणि परराष्ट्र मंत्री सर्जी लाव्हरोव्ह यांच्या विरोधात थेट कारवाई केली आहे.
    • संयुक्त राष्ट्रांनी रशियाच्या हल्ल्याचा निषेध करत सादर केलेल्या प्रस्तावाविरोधात रशियान वीटो पर्यायाचा वापर केला.
    • व्यावसायिक एअरलाईन्स आणि खासगी जेट दोन्हींसह रशियाच्या हवाई वाहतुकीवर अनेक देशांनी बंदी घातली आहे.

11. 26 फेब्रुवारी 2022ब्रेकिंग, "ही रात्र कठीण असेल, पण पहाट नक्कीच होईल."

    युक्रेनचे राष्ट्राध्यक्ष वोलोदोमीर झेलेन्स्की यांनी रात्री उशिरा एका व्हीडिओच्या माध्यमातून इशारा दिलाय. पुढच्या काही तासांमध्ये रशिया युक्रेनची राजधानी कीव्ह वर हल्ला करेल, असं ते म्हणाले.

    "ही रात्र कठीण असेल, पण पहाट नक्कीच होईल," असं ते म्हणाले.

    "शत्रू आज रात्री आमचा प्रतिकार पूर्णपणे रोखण्यासाठी त्यांच्याकडे असलेल्या सर्व साधनांचा वापर करेल. आजच्या रात्री ते हल्ला सुरू करतील," असं झेलेन्स्की म्हणाले.

    "हा क्षण युक्रेनचं भवितव्य ठरवणारा आहे. त्यामुळं आपण खंबीर राहणं गरजेचं आहे."

    रशियानं त्यांच्या सैन्यानं युक्रेनच्या मेलिटोपोल शहरात प्रवेश केल्याचं म्हटलं आहे. रशियाच्या सैनिकांना कोणत्याही विरोधाचा सामना न करता या शहरात प्रवेश मिळाला असल्याचं रशियाच्या संरक्षण मंत्रालयानं म्हटलं आहे.

    रशियाची वृत्तसंस्था Tass नं हे वृत्त दिलं. युक्रेनचे राष्ट्राध्यक्ष झेलेन्स्की यांनी मात्र शहरात मोठ्या प्रमाणावर संघर्ष झाल्याचं म्हटलं होतं. बीबीसीने हे वृत्त पडताळलेलं नाही.

12. 26 फेब्रुवारी 2022युक्रेनमध्ये अडकलेल्या तुमच्या नातलगांना या हेल्पलाईनद्वारे मदत करा

13. 25 फेब्रुवारी 2022रशिया-युक्रेन युद्धात अडकलेली 8 मराठी मुलं म्हणतात, 'आमच्याकडे 4 दिवसांचंच रेशन'

14. 25 फेब्रुवारी 2022रशियाने युक्रेनच्या शहरांवर केला बॉम्बवर्षाव, तिथले भारतीय कसे आहेत?

15. 25 फेब्रुवारी 2022सीरियाच्या राष्ट्रपतींनी केलं युक्रेनवरील रशियाच्या हल्ल्याचं कौतुक

    सीरियाचे राष्ट्रपती बशर अल-असद यांनी रशियाच्या युक्रेनवरील हल्ल्याला 'इतिहासातील सुधारणा' म्हटलं. त्यांनी रशियाचे अध्यक्ष व्लादिमीर पुतीन यांच्याशी आज (25 फेब्रुवारी) टेलिफोनच्या माध्यमातून संवाद साधला.

    असद यांचं अधिकृत वक्तव्य क्रेमलिनच्या वेबसाईटवर पोस्ट केलंय, त्यात त्यांनी अमेरिका आणि नेटो यांच्या अस्थिरतेच्या धोरणावर टीका केलीय.

    सीरियाच्या गृहयुद्धादरम्यान राष्ट्रपती व्लादिमीर पुतीन यांनी असद समर्थक सरकारी सैन्याचं समर्थन केलं होतं.

16. 25 फेब्रुवारी 2022युक्रेनने कीव्हमध्ये नागरिकांच्या हाती दिल्या मशीन गन

    रशियाचे सैनिक वेगानं युक्रेनची राजधानी कीव्हच्या दिशेनं येत असताना, युक्रेननं नागरिकांना रशियन सैनिकांना विरोध करण्याचं आवाहन केलंय.

    युक्रेनच्या संरक्षण मंत्रालय आणि गृह मंत्रालयाने कीव्हमध्ये राहणाऱ्या लोकांना आवाहन केलंय की, "रशियन सैन्याच्या हालचालींबद्दल माहिती द्यावी, तसंच पेट्रोल बॉम्ब तयार करावे आणि शत्रूंना नेस्तनाबूत करावं."

    पेट्रोल बॉम्ब बनण्याची माहितीही युक्रेनच्या गृहमंत्रालयानं ट्विटर अकाऊंटवरून शेअर केलीय.

    गृहमंत्रालयाच्या सल्लागारांचं म्हणणं आहे की, "18 हजार मशीन गन कीव्हमधील स्वयंसेवकांच्या हाती सोपवण्यात आल्यात. राजधानी कीव्हचं रक्षण करू इच्छिणाऱ्या प्रत्येकाला हे शस्त्र दिले जाईल."

17. 25 फेब्रुवारी 2022रशियाने हल्ला केल्यानंतर युक्रेनमध्ये किती नुकसान झालंय?

18. 25 फेब्रुवारी 2022युक्रेनमधील भारतीयांच्या मदतीसाठी हेल्पलाइन्स

19. 25 फेब्रुवारी 2022कॉमेडियन ते रशियाच्या आक्रमणाला तोंड देणारे युक्रेनचे राष्ट्राध्यक्ष

    वोलोदिमीर झेलेन्स्की हे सर्वप्रथम टीव्ही स्क्रीनवर युक्रेनचे राष्ट्राध्यक्ष म्हणून झळकले त्यावेळी त्यांनी एका प्रसिद्ध कॉमडी सिरीजमध्ये विनोदी अभिनेता म्हणून काम करताना ते पात्र साकारलं होतं.

    पण नंतर त्यांच्या आयुष्यानं नाट्यमय वळण घेतलं आणि एप्रिल 2019 मध्ये ते प्रत्यक्षात युक्रेनचे राष्ट्राध्यक्ष बनले. सध्या रशियाचा हल्ला झेलत अलेल्या जवळपास साडे चार कोटी नागरिकांचं ते नेतृत्व करत आहेत.

    'सर्व्हंट ऑफ द पीपल' या सिरीजमध्ये त्यांनी एका विनम्र इतिहास शिक्षकाची भूमिका बजावली होती. पण भ्रष्टाचाराच्या विरोधातील त्यांचा शिव्या असलेला एक व्हीडिओ व्हायरल होतो आणि ते थेट राष्ट्राध्यक्ष बनतात, असं त्यात दाखवण्यात आलं होतं.

    ही एक काल्पनिक परिकथेसारखी कथा होती. युक्रेनच्या नागरिकांना राजकारणापासून झालेला भ्रमनिरास यातून दर्शवण्यात आला होता.

    वोलोदिमीर यांनी प्रचारात राजकारणातली घाण स्वच्छ करण्याचं आणि पूर्व भागात शांतता प्रस्थापित करण्याचं आश्वासन दिलं होतं. 'सर्व्हंट ऑफ द पीपल' हेच नाव त्यांनी त्यांच्या पक्षाला दिलं.पूर्ण बातमी वाचण्यासाठी क्लिक करा-सर्व्हंट ऑफ द पीपल

20. 25 फेब्रुवारी 2022पूर्व युक्रेनमधील दोनेस्क आणि लुहान्स्क या प्रांतांमधून लोकांनी पळ काढायला सुरुवात केली आहे