शरद पवार यांना कोरोनाची लागण, डॉक्टरांच्या सल्ल्यानुसार उपचार सुरू

राष्ट्रवादीचे अध्यक्ष शरद पवार यांना कोरोनाची लागण झाली आहे. स्वत: शरद पवार यांनीच त्यांच्या सोशल मीडिया हँडल्सवरून याबाबत माहिती दिली.

शरद पवार यांनी ट्वीट करून सांगितलं की, "माझी कोरोना चाचणी पॉझिटिव्ह आली आहे. मात्र, चिंतेचं कारण नाही."

"डॉक्टरांच्या सूचनेनुसार मी उपचार घेत आहे," अशीही माहिती शरद पवार यांनी दिली.

याचसोबत, शरद पवार यांनी त्यांच्या संपर्कात आलेल्यांना चाचणी करून घेण्याचे आवाहन केले आहे.

"मी सर्वांना विनंती करतो, गेल्या काही दिवसात माझ्या संपर्कात आलेल्यांनी चाचणी करून घ्यावी आणि आवश्यक ती खबरदारी घ्यावी," असं आवाहन शरद पवार यांनी केलंय.

शरद पवार यांनी कोरोनाची लागण झाल्याचे ट्वीट केल्यानंतर राजकीय क्षेत्रासह सर्वच क्षेत्रांमधून चांगल्या प्रकृतीसाठी सदिच्छा व्यक्त करण्यात आल्यात.

काँग्रेसचे नेते आणि महाराष्ट्राचे महसूलमंत्री बाळासाहेब थोरात म्हणाले की, "शरद पवार यांची प्रकृती लवकरात लवकर बरी व्हावी, यासाठी प्रार्थना करता. काळजी घ्या आणि लवकर बरे व्हा."

राष्ट्रवादीचे नेते आणि महाराष्ट्राचे गृहनिर्माण मंत्री जितेंद्र आव्हाड म्हणाले की, "आदरणीय पवार साहेबांची कोव्हिड टेस्ट पॉझिटिव्ह आली आहे. त्यांच्या प्रकृतीला लवकरात लवकर आराम पडो, या सदिच्छा..! आदरणीय पवार साहेब, आराम करा आणि काळजी घ्या."

राष्ट्रवादीचे खासदार सुनील तटकरे यांनीही पवारांना लवकर बरे होण्याची प्रार्थना केलीय.

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)