Аялдардын эл аралык күнүндө Стамбулдагы "феминисттердин түнкү жүрүшү"

Миңдеген түрк аялдар Аялдардын эл аралык күнүндө Стамбул шаарында жүрүшкө чыгып, алардын эркиндигин чектеген ар кандай тыюуларга каршы ураан чакырыктарды жасашты. Алар өздөрүнүн акциясын "феминисттик түнкү жүрүш" деп аташты.

Полиция аларды шаардын ортосундагы Таксим аянтына өткөрбөй койду, бир топ убакыт байкоо салып туруп, көз бууган газ менен кууп таркатты.Жүрүштүн бир нече катышуусун полиция кармап кетти.Оппозициядагы Элдик-республикачыл партия өлкөдөгү аялдардын абалы жөнүндө отчет жарыялап, Түркияда 2021-жылдан бери, президент Реджеп Тайып Эрдоган өлкөнү үй-бүлөдөгү зомбулуктарга каршы чаралар тууралуу Стамбул конвенциясынан алып чыгып кеткенден бери өлкөдө эркектердин колунан 600 аял ажал тапканын билдирди.