Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Дүйнө климаттык кризисти баштан кечирүүдө, андыктан жылына бир жолу дүйнөлүк лидерлер БУУнун конференциясында глобалдык жылуулануу шартында адамзаттын аман калышын талкуулоо үчүн жыйналышат. Быйыл алар глобалдык жылуулануунун негизги булактары болгон мунай жана газ аркылуу байыган күнөстүү Дубайга COP 28-саммитине агылды.

Аарылар балга каршы. Дубайдагы  климаттык саммит

Европада кар калың түштү, Британияда -12°С

Европа ушуну менен үчүнчү жылытуу мезгилин Орусия менен болгон газ согушунун шартында баштаганы турат. Бул жолу Евробиримдик (ЕБ) мүмкүн болушунча даярданып, бир ай мурун европалыктар эми жазга чейин тоңбойбуз деп ишенишкен. Бирок бул айда Европаны кайрадан энергетикалык кризистин босогосуна алып барган эки окуя болду.

Путин менен ХАМАС Европанын энергетикасына таасир этеби? 

12-октябрда Россия президенти Владимир Путиндин Кыргызстанга мамлекеттик сапары башталат. Кийинки күнү Бишкекте КМШ саммити өтөт. Кремлдин кожоюнунун бул сапары Россия эл аралык масштабдуу санкцияларга кабылып, Батыш менен эрегиш күч алган жана Борбордук Азия үчүн геосаясий оюндар кызыган учурда өткөн жатат.

Путиндин сапары: Кызыган геосаясий оюндар 

Берлинде Германия менен Борбордук Азиянын беш өлкөсүнүн башчылары жолугуп жыйын курууда. Эксперттердин баамында бул саммит Батыштын Борбордук Азия регионунда Москванын позициясын алсыздандырууга багытталган стратегиясынын өзүнчө бир уландысы. Бул өлкөлөрдүн лидерлери менен АКШнын президентинин жолугушуусу жакында эле Вашингтондо болду. Эми кезекте Шольц. 

"Москванын күчүн кетирүү". Германия-Борбор Азия саммити 

Манчестердин соту  жети ымыркайдын өлүмүнө күнөөлүү деп табылган медайым Люси Летбини өмүр бою түрмөгө кесип, аны ырайым алуу жана мөөнөтүнөн мурда бошоо укугунан да ажыратты. Бул Британиянын сот системасындагы эң катаал өкүм болуп калды. 

Жети ымыркайды өлтүргөн медайым өмүр бою кесилди

Бул жума рублдун төмөндөшү менен башталды: өткөн аптада доллардын курсу 100 рублден, ал эми евро 110 рублден ашты. Мунун баары орус Борбордук Банкынын рублдун кунун түшүрбөй кармап туруу аракетине карабастан болду. Борбордук банк өтө жумшак саясаты үчүн буга чейин Кремлдин сынына кабылган. Рубль эмне болот жана ал дагы канчага чейин төмөндөйт? 

Бир долларга жүз рубль. Орус валютасы эмне себептен арзандоодо?

«Чоң жетиликтеги» өлкөлөрдүн лидерлери жана Украинанын президенти Вильнюстагы саммиттин соңку күнүндө Украинага аскердик жардам жана коопсуздугунун кепилдиги жөнүндө декларацияга кол коюшту.

НАТО саммити: G7 Украинанын коопсуздугу үчүн милдеттенме алды

Владимир Путин «Вагнер» менчик армиясынын кожоюну Евгений Пригожин менен ал козголоң чыгаргандан кийин жолугуп сүйлөшкөнүн дүйшөмбүдө президенттин басма сөз катчысы Дмитрий Песков кабарлады. Андан мурда бул тууралуу батыштын чалгын маалыматтарына таянып француз газетасы Libération жазып чыккан эле.

Путин менен Пригожин козголоңдон кийин жолуккан

Украинага кассет куралдарды берүү маселесинде АКШнын союздаштарынын арасында ажырым болуп жатат. Батыш өлкөлөрү биринин артынан бири Вашингтондун чечимине кабатыр билдирүүлөрдү жасоодо. Атап айтканда, Улуу Британия, Канада, Жаңы Зеландия жана Испания аталган куралдарды колдонууга каршы чыгууда

Украинага кассет куралдарды берүүгө АКШнын союздаштары каршы

Орус-кыргыз өнүктүрүү фонду: Бельгия бекитип койгон активдер

Россиянын Федералдык коопсуздук кызматы, Кремль убада кылгандай, вагнерчилердин козголоңу боюнча кылмыш ишин кыскартты. Путин кыска видео кайрылуу жасап,  чыккынчылыкка каршы турганы үчүн элге, коопсуздук кызматына ыраазылык билдирди.

Козголоң иши жабылды, Путин элге кайрылды

Атлантика океанында чөгүп кеткен «Титаник» лайнерине түшүрүлгөндөн кийин жоголуп дайны жок болуп жаткан «Титан» батискафынын сыныктары табылды. Анын бортундагы беш адам курман болду.

Жоголгон «Титандын» сыныктары «Титаниктин» жанынан табылды

Европа Биримдиги Россияга каршы санкциялардын он биринчи пакетин макулдашып бүттү. Евробиримдик элчилери макулдашкан чаралар жума күнү толук жарыяланат.

Брюсселдин каары жана Россияга жардам берген үчүнчү өлкөлөр

Украин президенти мурдагы позициясында бекем турат: Россия украин аймагынан аскерин толук алып чыгып кетмейинче аны менен эч кандай сүйлөшүүлөр болбойт, ал эми Путиндин өзөктүк курал колдонуу коркунучу анчалык эмес. Украинанын президенти Владимир Зеленский Би-Би-Си кабарчысы Ялда Хакимге 20-июнда берген маегинде ушул маселелерге токтолду. 

Владимир Зеленский: “Орус аскери кетмейинче эч кандай сүйлөшүүлөр болбойт”

Би-Би-Си кабарчысы Украинанын куралдуу күчтөрүнүн 68-егердик бригадасынын карамагындагы жаңы эле бошотулган Благодатное кыштагына барып келди. 

Украинанын контр чабуулу кандай жүрүп жатат? Би-Би-Си кабарчысы фронттун алдыңкы чегине чейин барды

Бельгиянын энергетика министри эгер газдын баасы түшпөсө, Евробиримдик беш-он жыл кыш азабын тартат деп эскертти.
Газдын баасын бүт Европанын масштабында чектөө жана аны электр кубатынын баасынан бөлүп кароого чакырыктар күчөп жатат. 

Евробиримдикти газы жок азаптуу кыш күтүп турат 

Европаданы ысык күндүн аптабы адамды алсыратып, жамгырдын аздыгы бүт континентте кургакчылыкты күчөтүүдө. 

Сүрөт баян: Европадагы кургакчылыктан Гарда көлү жана Рейн дарыясы соолуп калды

Бул апта Батыш Европаны мурдагыдан да алсыраткан ысык каптады. Метеорологдор кырдаалды "температуралык апокалипсис" деп аташты, ал эми Британияда температура рекорду жаңырды. Бишкектин өзүндө да аптаптан айласы кеткендер аз эмес. Сөздү Европа чөлкөмүндөгү куйкалаган аптап менен баштап, анан Кыргызстандагы жана коңшу өлкөлөрдөгү аба ырайына токтололу.

"Температуралык апокалипсис": Европаны өрт каптады, Британияда рекорддук ысык

Россия Европага газ жеткирүүнү кайрадан кыскартты. Евробиримдик энергия үчүн согушта Кремль “Газпромду” союл кылып алганынан күмөн санабайт. Европалыктар газ жеткирүүдө мындан ары Орусия тараптын “техникалык мүчүлүштүк” деген жүйөсүнө ынанбайт. Ошондон улам газ толук бөгөттөлүшунө камынууда. 

Орусия Европаны газ менен коколоп тургусу келет

Германияда жумушка орношуу деген маселе коомдо кызуу талкууланып жаткан учур. Айлыгынан уламбы же Орусияда мигранттардын иш орду кыскарды деген маалыматтардан уламбы, Европаны көздөп турган кыргызстандыктар аз эмес. Май айында ишин баштаган Германиядагы элчи Өмүрбек Текебаев Кыргызстанга келди.

Текебаев: Элчи болуңуз дегендин “тамыры” кайда экенин ачык айтпай келдим эле...

Украинага Германия, Франция жана Италиянын лидерлери келишти.  Италиянын премьер-министри Марио Драги, Франциянын президенти Эммануэль Макрон жана Германиянын федералдык канцлери Олаф Шольц Украинага келишкенин италиялык басылмалар кабарлашты. 

"Украина эгемендиги үчүн күрөшүп жатканда жардамыбызды беребиз". Үч лидердин Киевге сапары 

"Фронттун линиясы 1000 кмден ашык. Мен күн сайын биздин коргоочулардан “Биз туруштук беребиз, турабыз, курал качан келээрин эле айтып койгулачы” деген билдирүүлөрдү алып жатам. Брюссель чечимиңиздерди күтөбүз”, - деп жазды Подоляк.

АКШ Украинага дагы миллиард долларлык курал берет. Киев эмнелерди алат? 

Королева Елизаветанын платина юбилейин майрамдоо үчүн британиялыктар июнь айынын башында төрт күн эс алат.
Февраль айында королева Британия монархиясында 70 жыл кызмат өтөп, тактыда эң узак турган киши болуп калды.