Украина-Россия согушу: Украин качкындарынын саны бир миллионго жетти

Түз алып баруу

1. 24 февраль 2022Рубль кунун жоготууда

   Доллар менен еврого карата рублдун куну он пайызга түшүп кетти. Евро жүз рублдан өйдө болсо, доллар 90 рублга жакындап калды. Мындай учур Орусия тарыхында болгон эмес.

   Каржы базарын туруктуу кармоо үчүн Орусия Банкы интервенцияны баштады. Металлинвестбанк төрагасы бул окуяны катастрофа катары баалап, Борбордук банк тыныгуу жарыялашы мүмкүн деген билдирүү менен чыкты.

   Рублдун кунунун түшүп кетиши Орусиянын Украинага кол салуусуна байланыштуу болуп жатат. АКШ жана Европа өлкөлөрү буга байланыштуу Орусияга бир катар санкцияларды киргизүүдө.

   

   Сүрөттүн булагы, SERGEI FADEICHEV/TASS

2. 24 февраль 2022Украина ИИМ: сегиз киши курман болду

   Орусиянын чабуулунан улам Украинада сегиз киши курман болду, ондон ашык киши жаракат алды. Одесса облусунун Подольск шаарында алты киши, Донецкте бир киши, Запорожская облусунда бир кишинин курман болгонун ички иштер министрлиги билдирди.

   

   Сүрөттүн булагы, Getty Images

3. 24 февраль 2022Саат 13:00гө карата негизги маалыматтар

   • Украинанын башкы штабы менен чек ара кызматы кабарлагандай, жергиликтүү саат менен болжолдуу 5:00дө Орусиянын аба жана жердеги күчтөрү кол салууну баштаган
   • Украина бийлиги Луганск облусунун аймагындагы Меловое жана Городище аттуу эки айылда көзөмөлдү колдон чыгарып жиберишти
   • Орусиянын коргоо министрлигинин белгилешинче, Украинанын Абадан коргонуу күчтөрү басылып, авиабазалардагы аскердик инфраструктурасынын түзүлүшү иштен чыккан жана чек арачылары каршылык көрсөтпөй жатат. Украинанын аскерлери, тескерисинче, чабуулга жооп кайтарып жатканын айтууда
   • Киевде жана Украинанын башка шаарларында коркунуч жөнүндө абадан сигналдар угулуп жатат. Адамдар Украинанын борборунан чыгып кетип жатышат, жолдордо тыгын пайда болду
   • АКШ бейшембиде Орусияга каршы катаал санкцияларды киргизерин жарыялады

4. 24 февраль 2022Россия Украинага кол салды, Бүгүн таңга жуук Орусиянын куралдуу күчтөрү Украинанын чек арасын бузуп кирди.

   

   Сүрөттүн булагы, Getty Images

   Украинанын Чек ара кызматынын билдирүүсү:

   “Мамлекеттик чек ара Орусиядан жана Беларустан орус күчтөрүнүн чабуулуна туш болду.

   Болжолдуу саат 5:00 Украинанын Орусия жана Беларус менен чектешкен аймагы Беларустагы орус күчтөрүнүн кол салуусунан зыянга учурады.

   Чек ара бөлүктөрүнө, чек ара нөөмөтчүлөрүнө жана өткөрүү пунктарына кол салууда артиллерия, оор техника жана мылтыктар колдонулган.

   Мындай көрүнүш Луганск, Сумск, Харьков, Черниговск жана Житомир облустарынын аймактарында болууда. Андан тышкары убактылуу басып алынган Крым автономиялуу республикасынын аймагынан да кол салып жатышат.

   Ошондой эле каршылаштардын бүлүнткүч чалгынчы тобунун иши байкалууда.

   Чек ара аймактарында кырдаалга жараша чек арачылар Украинанын Куралдуу күчтөрү жана Улуттук гвардиясы менен бирге душманга ок атууда.

   Чек арачыларыбыздын арасында жаракат алгандар туурасында маалыматтар такталууда.

   Окуянын өнүгүшү