Украина-Россия согушу: Украин качкындарынын саны бир миллионго жетти

Түз алып баруу

1. 25 февраль 2022Орусиянын бийлиги Донбасстан 120 миң адам эвакуацияланганын айтууда

   Орусиянын Федерация кеңешинин вице-спикери Андрей Турчак билдиргендей, ДЭР жана ЛЭР аттуу өз алдынча эгемендигин жарыялап алган аймактардан эвакуациялоо жөнүндө жарыялангандан бери Орусияга болжолдуу 120 миң киши чыгып кеткен. Убактылуу жайгашуу жайлары Орусиянын 15 аймагында ачылган.

   Ростов облусунун бийлиги соңку суткада ДЭР жана ЛЭР аймактарынан 7 миң киши чыгып кеткенин кабарлады. Эвакуациялангандардын бир бөлүгү, 12 миң адам, Ростов облусунун бийлигинин маалыматы боюнча, поезд менен башка аймактарга жөнөтүлгөн.

2. 25 февраль 2022Украиналыктар жер астындагы метро станцияларда баш калкалап жатышат

   

   Сүрөттүн булагы, EPA

   Орусия Украинага кол салган биринчи күнү украиналыктар метро станцияларга жашынып баш калкалашты.

   Сүрөттөрдөн көптөгөн тургундар жана үй-бүлөлөр Киевдеги жана Харьковдогу метро станцияларда түнөгөнүн көрүүгө болот. Алардын арасында кары-картаңдар жана коляскадагы бөбөктөр дагы бар.

   Көпчүлүгү жууркандарга жана калың кийимдерин оронуп, жанында жеке буюмдары салынган баштыктары турат.

   

   Сүрөттүн булагы, EPA

   Украинада кечинде коменданттык саат ишке кирип, метро станциялар бомбадан коргонуу үчүн ачык бойдон калган.

   Кошуна мамлекеттерде коопсуз жашоо үчүн миңдеген украиналыктар үй жайын таштап кетишкен. БУУнун качкындар боюнча жогорку комиссарынын баасы боюнча, бул сан 100 миңден ашат.

   Украинанын батышындагы Польша согуш качкындарынын агымына даярдануу үчүн чек арада кабыл алуу борборлорун ачты.

   

   Сүрөттүн булагы, EPA

3. 25 февраль 2022Соңку окуялардын топтому

   Орусиянын Украинага чабуулу экинчи күн катары менен уланып жатат. Бул соңку ондогон жылдардагы Европада болуп жаткан ири согуш. Төмөндө Украинадагы кырдаал боюнча соңку маалыматтар:

   • Украинанын президенти Владимир Зеленский өз элин кайрылуу жолдоп, жума күнү таңга маал Орусиянын бир нече ракетасы борбор шаар Киевге жана өлкөнүн башка аймактарына атылганын ырастады
   • Биз 2,8 млн калкы бар Киев шаарындагы имараттардын зыянга учураганын жана жарылуулардын сүрөт-видеолорун көрдүк. Тургундар абадан салынган айгайдын дабышынан ойгонуп, бункерлерде баш калкалап туруу айтылды
   • Орусия Украинанын чыгышындагы, түндүгүндөгү жана түштүгүндөгү шаарларга бастырып кирген соң борбор шаарына чабуулун күчөтүп жатат. Биз өлкө боюнча салгылаштарды көрдүк, эң эле катуу согуш өлкөнүн чыгышындагы аймактарда жана экинчи чоң шаар Харьков жергесинде болду
   • Бүгүн Зеленский өз сөзүндө Батыш санкцияларынын күчүнөн шек санады. “Кечээгидей эле, дүйнөнүн эң күчтүү державалары алыстан карап турушат”, — деди Зеленский

4. 25 февраль 2022Украинанын күчтөрү Черниговду коргоп калышты

   Украинанын куралдуу күчтөрүнүн башкы командачысы Чернигов багытын коргоп калышканын жана Чернигов шаарына кире бериште орус күчтөрүнүн чабуулун токтотушканын билдирди.

   Анын сөзүнө ылайык, орус техникасы Черниговдон Седневди, Городниден Семеновкага көздөй чегинүүгө аргасыз болгон.

   Украин аскерлери орусиялыктардын техникасын жана жеке маалыматтары менен документтерин колго түшүрүштү.

   

   Сүрөттүн булагы, Украинанын куралдуу күчтөрүнүн башкы командачысы

   

   Сүрөттүн булагы, Украинанын куралдуу күчтөрүнүн башкы командачысы

   

   Сүрөттүн булагы, Украинанын куралдуу күчтөрүнүн башкы командачысы

5. 25 февраль 2022Зеленский: Биз өлкөбүздү жалгыз коргоп жатабыз

   Владимир Зеленский Батыштагы шериктештерине дагы бир жолу Украинага жардам берүү жана Орусиянын катаал чабуулун токтотуу боюнча кайрылды.

   “Бүгүн таңда өлкөбүздү жалгыз коргоп жатабыз. Кечээгидей эле, дүйнөнүн эң күчтүү державалары алыстан карап турушат”, — деди Зеленский өз элине жолдогон видео кайрылуусунда.

   “Орусия кечээ салынган санкцияларга ынандыбы? Биздин асманыбызда жана жерибизде көрүп жаткандай, ал жетиштүү болгон эмес окшойт”.

6. 25 февраль 2022Чукул кабар, Зеленский таңга маал атылган ракеталарды ырастады

   Киевдин сааты боюнча 7:30да (Бишкек сааты 11:30) Украинанын лидери Владимир Зеленский өз элине видео кайрылуу жолдоду. Украинче да, орус тилинде да сүйлөгөн президент ок атышууну токтотуу боюнча Орусияга кайрылды.

   “Орусия чабуулун жана басып кирүүсүн токтотуу жөнүндө эртеби-кечпи биз менен сүйлөшүшү керек болот”, — деди ал.

   “Сүйлөшүү канчалык эрте башталса, Орусиянын жоготуусу ошончолук аз болот”.

   Чабуул токтогонго чейин “биз өлкөбүздү коргой бермекчибиз”, — деп кошумчалады ал.

   Бир түн мурда эле ал борборго чабуул коюу күчөй турганын эскерткен болчу. Ал борбордон чыгып кетүү ниети жок экенин жана ал Орусиянын номур биринчи бутасы экенин билерин айткан.

   Зеленскийдин айтымында, ракеталар жума күнү жергиликтүү саат менен таңкы 4тө атылган.

   Ал кошумчалагандай, Орусиянын ракеталары аскердик жана жай тургундар турган аймактарды бутага алган. Орусия мурдараак жарандарды бутага албаганын билдирген.

   Бирок биз мурдараак кабарлаганыбыздай, борбор Киевде бүгүн таңга маал жарылуулар катталып, анын ичинде көп кабаттуу турак-жай да катуу зыянга учураган.

   

   Сүрөттүн булагы, Украина президенти/FACEBOOK

7. 25 февраль 2022Чукул кабар, Украинанын Генштабы бүгүн таңга түзүлгөн кырдаал тууралуу

   • Украинанын куралдуу күчтөрүнүн Генералдык штабы, Киев убактысы боюнча саат 6:00гө (Бишкек убактысы 10:00) түзүлгөн кырдаал боюнча төмөнкүлөрдү билдирди:
   • Орус аскерлери Кропивницкий шаарына жакын жерде (Кировоград облусу) украиналык бөлүктөргө абадан сокку урду
   • Украин армиясы Вильково жана Тирасполго жакын аймактарда орус тик учактарынын аракеттерин каттады (экөө тең Молдова менен чек арага жакын жайгашкан)
   • Украинанын Куралдуу Күчтөрүнүн десанттык-чабуулчу аскерлери көп сандагы орус бронетехникасы кирген Даймер жана Иванков (Киев облусу) аймактарында салгылашууда. Генштаб Тетерев дарыясындагы көпүрөнүн жарылуусу тууралуу маалыматты тастыктады
   • Дагы бир тактикалык топ азыр Киевдин жанындагы Антонов (Гостомель) аэродромун кармап турат. Кечээ ал орус аскерлеринин көзөмөлүнө өткөн учур болгон
   • Эртең менен саат 4:00дөн баштап абадан коргонуу системасы Киевге урулган эки соккуну (Генштабдын билдирүүсүндө алар “туугандардын” “ажалдуу белектери” катары сүрөттөлөт) тосуп калды.

8. 25 февраль 2022Украинанын тышкы иштер министри Орусияны “үрөй учурган ракеталык чабуулу” үчүн сындады

   Украинанын тышкы иштер министри Дмитро Кулеба Орусия Киев шаарына “үрөй учурган ракеталык чабуул” кылып жатканын айтты. Ал муну Экинчи дүйнөлүк согуш учурундагы фашисттик Германиянын Украинага койгон чабуулу менен салыштырды.

9. 25 февраль 2022Украин аскерлеринин шаардагы салгылашуу видеосу

   Украин аскерлери өлкөнүн түндүк-чыгышындагы Суми шаарынын коргоочулар менен орус аскерлеринин атышып жаткан видеосун жарыялашты.

   Суми шаарында 26 миңден ашык киши жашайт. Суми шаары - регоиналдык борбор, Украин-Орусия чек арасынан 30 км аралыкта жайгашкан.

   Жергиликтүү администрациянын башчысы Дмитро Живитски орус аскерлеринин ири колоннасы Сумиден чыгышка карай өтүп, Киевди көздөй бара жатканын айтты.

   Ал ошондой эле коңшу Конотоп шаары курчалганын дагы билдирди.

   X баракчаны өткөрүп жиберүү, пост

   X мазмуну көрсөтүлсүнбү?

   Бул макалада X мазмуну бар. Алар кукилерди ж.б. технологияларды колдонушу мүмкүн. Ошондуктан жүктөөрдөн мурда сизден уруксат суралат.

   Accept and continue

   Эскертүү: Би-Би-Си тышкы сайттардын мазмуну үчүн жооп бербейт.

   X посттун аягы

10. 25 февраль 2022Донецк облусунун тургундарынан сурамжылоо

    Би-Би-Си Донецк облусунун тургундарынан сурамжылоо жүргүздү. Аларга Украинадагы окуялар сиздерге кандай таасирин тийгизип жатат деген суроо узатылган. Көчөдөгү элдин көз карашы ар башка. Сурамжылоого катышкан бир киши “Мен эмне кылып жатам? Дары сатып алдым, артка бара жатам” деп жооп берди. Толугу менен видеодон орус тилинде көрө аласыз.

11. 25 февраль 2022Согуштун биринчи күнүндө эмнелер болду?, Дүйнө жүзүндө мамлекеттер Москвага каршы санкцияларды киргизип жаткан чакта Орусия Украинага чабуулун улантууда.

    Бизге жаңыдан эле кошулуп жаткан болсоңуз, төмөндө соңку окуялардын топтому:

    • Орусия Украинага толугу менен кол салгандан бир күн өтүп борбор Киевде коменданттык саат күчүндө турат
    • Жума күнү таңга маал Киевде жарылуулар жана учак атып түшүрүлгөнү туурасында маалыматтар чыкты
    • Украинанын президенти Владимир Зеленский мурдараак борбор шаарга “диверсанттар” кирип келгенин билдирди
    • Ага чейин өлкө боюнча чыгыштагы Харьков жергесинде, түндүктө жана түштүктөгү Кара деңиз аймагындагы Одесса жактарда катуу салгылаштар жүргөн
    • Түндүктөгү радиоактивдүү Чернобыль өзөктүк полигонунда дагы бир салгылаш болгон. Аны орус күчтөрү алган. АКШ ал жакта украин жоокерлери туткунга алынганын билдирди
    • Миңдеген украиналыктар согуш талаасындагы шаарлардан качып, бир топ тынчыраак батышка багыт алышты. Көптөгөн адамдар Польша менен Румыниянын чек арасынан өтүп, коопсуздук издеп жатышат
    • Бирок көптөгөн украиналыктар жер астындагы метро станцияларында жана бункерлерге жашынып калып калышкан. Курал-жарак көтөрө алган бардык жарандарга өз өлкөсүн коргоо үчүн жалпы мобилизация жарыяланды
    • Евробиримдик, Австралия жана Жапония жума күнү жаңы санкцияларды ачыкка чыгарышты. Алар Орусиянын банктарына, компанияларына жана олигархтарына каршы киргизилген. Батыштагы мамлекеттер дагы украин күчтөрүнө көмөк жана аскердик жардам бере турганын айтышты
    • Франциянын президенти Эммануэль Макрон Владимир Путинге чабуулду токтотуу өтүнүчү менен телефон чалганын, сүйлөшүү “ачык, түз жана ыкчам” болгонун айтты
    • Орусиянын шаарларында миңдеген адамдар көчөлөргө чыгып, согуш баштоо чечимине каршы акция өткөрүштү, жүздөгөн митингчилерди кармап кетишти
    • Бейшембиде орус күчтөрү Украинанын аймагына тез эле бастырып кирип, өлкө боюнча бир нече фронтто жарылуулар жана аба салгылаштары, атышуулар жөнүндө маалыматтар айтылды
    • Орусиянын күчтөрү Чернобылда көзөмөлдү колго алышты. Аталган комплексте 1986-жылы өзөктүк катастрофа болуп, ал бүгүнкү күнгө чейин радиоактивдүү бойдон турат. Көзөмөлдүн орустарга өтүүсү эл аралык байкоочулардын тынчсыздануусун жаратты
    • Украинанын президенти Владимир Зеленский күрөштү улантууга убада берди. Ал “жаңы темир тор” түшүрүлүп жатканын жана анын милдети өз өлкөсүн тордун батыш тарабында калышына жетүү экенин билдирди
    • Ошондой эле ал салгылашуунун биринчи күнүндө Украинанын 137 жараны каза болгонун айтты. Алардын арасында аскерлер да, жай тургундар да бар
    • Батыштагы өлкөлөр Орусиянын банктарына жана жогорку мансаптуу аткаминерлерине каршы каржылык санкцияларды күчөттү. АКШ Орусияга жогорку технологиялык өндүрүштөрдү экспорттоону токтотту. Бирок НАТО өлкөлөрү Украинага аскерлерин жөнөтпөйт
    • АКШ Европага кошумча 7000 аскерди жиберди
    • Кырдаал курчуп тураган шартта Бириккен Улуттар Уюмунун баасы боюнча, 100 миңден ашуун киши турак жайын таштап кетсе, Польша, Венгрия жана Молдова сыяктуу кошуна өлкөлөрдөгү чек арачылар мигранттардын үй-бүлөсү келип жатканын көрүшкөн

    

    Сүрөттүн булагы, Reuters

12. 25 февраль 2022Киевдеги өрттөнгөн үйлөр

    Украинанын Киев шаарында өрттөнүп жаткан турак-жайлардын сүрөттөрү. Алдын ала болжолдоо менен бул үйлөргө ракета тийген болушу мүмкүн. Бул тууралуу Украинанын ИИМнин кеңешчиси Антон Геращенко билдирди.

    

    Сүрөттүн булагы, Антон Геращенко

    

    Сүрөттүн булагы, Антон Геращенко

    

    Сүрөттүн булагы, Антон Геращенко

    

    Сүрөттүн булагы, Антон Геращенко

13. 24 февраль 2022Россиялык согуштук техника Украинанын чек арасын көздөй өтүп жатат

    Си-эн-эн кабарчысы Фредерик Плейтген Россия тараптан Белгород областынын чек арасында иштөөнү улантууда. Ал жактан өтүп жаткан согуштук техникаларды тартып, улам жаңы видеолорду чыгарууда.

    Анын соңку видеосунда десанттардын согуштук машиналарын, ошондой эле "Урал" жана "КаМАЗ" аскердик машиналарын көрсө болот. (КС)

14. 24 февраль 2022Британия россиялык активдерди тоңдура баштады

    Британиянын премьер-министри Борис Жонсон парламентке кайрылуу сөзүндө Россияга жаңы санкциялар жөнүндө айтты. Жаңы санкциялар россиялык мамлекеттик компаниялар - ВТБ банкы менен "Аэрофлотко" салынат.

    "Аэрофлот" Британияда эми иштей албайт, ал эми россиялык банк, премьердин айтымында, британиялык системадан толугу менен чыгарылат. (КС)

15. 24 февраль 2022Президент Владимир Зеленский орус аскерлери Чернобыль обочолонгон зонасына кирүүгө аракет кылып жатышканын айтты

    X баракчаны өткөрүп жиберүү, пост

    X мазмуну көрсөтүлсүнбү?

    Бул макалада X мазмуну бар. Алар кукилерди ж.б. технологияларды колдонушу мүмкүн. Ошондуктан жүктөөрдөн мурда сизден уруксат суралат.

    Accept and continue

    Эскертүү: Би-Би-Си тышкы сайттардын мазмуну үчүн жооп бербейт.

    X посттун аягы

16. 24 февраль 2022Одесса облусундагы Липецкое айылында 22 киши каза болду

    Одесса облусундагы Липецкое айылындагы аскер бөлүгүнө болгон чабуулдан 22 киши каза болду. Куткаруучулар урандылар астынан 11 эркек, 11 аялдын сөөгүн таап чыгышкан. Дагы 6 кишини тирүү табышкан, алар бейтапканага жөнөтүлгөнүн билдирет.

    Булак: Одесса облусунун жарандык коргонуусу

    

    Сүрөттүн булагы, Одесса облусунун администрациясы

17. 24 февраль 2022Орусиялык тик учактар атып түшүрүлдү, Киевге жакын Гостомел шаарында орусиянын тик учактар атып түшүрүлгөнү видеого тартылып калган

    YouTube баракчаны өткөрүп жиберүү, пост

    Google YouTube мазмуну көрсөтүлсүнбү?

    Бул макалада Google YouTube мазмуну бар. Алар кукилерди ж.б. технологияларды колдонушу мүмкүн. Ошондуктан жүктөөрдөн мурда сизден уруксат суралат.

    Accept and continue

    Эскертүү: Би-Би-Си тышкы сайттардын мазмуну үчүн жооп бербейт. YouTube мазмунунда жарнама болушу мүмкүн

    YouTube посттун аягы

18. 24 февраль 2022Киевде абадан бомбалоо болушу мүмкүн, УНИАН Киевде абадан бомбалоо болушу мүмкүн экенин эскертти

    X баракчаны өткөрүп жиберүү, пост

    X мазмуну көрсөтүлсүнбү?

    Бул макалада X мазмуну бар. Алар кукилерди ж.б. технологияларды колдонушу мүмкүн. Ошондуктан жүктөөрдөн мурда сизден уруксат суралат.

    Accept and continue

    Эскертүү: Би-Би-Си тышкы сайттардын мазмуну үчүн жооп бербейт.

    X посттун аягы

    Би-Би-Си Орус кызматынын журналисти Илья Барабанов, бул видеодон бир нече мүнөттөн соң, Киев шаарынын администрациясы кайрадан айгай (сирена) салынса, шаардыктар жашынуу жайларына өтүшү керектигин эскертти.

19. 24 февраль 2022Украинанын түндүк жана түштүк багыттарында салгылашуулар уланууда

    

    Сүрөттүн булагы, Бириккен күчтөр операциясы

    Украин куралдуу күчтөрү Гостомельский аэродрому, Геническ, Скадовск, Чаплинка шаарлары үчүн күжүрмөн салгылашууда. Бириккен операциялар штабы Счастье жана Луганская станица үчүн оор салгылашуулар жүрүп жатканын айтууда. Билдирүүгө ылайык орус аскерлери дарыяны кечип өтүп, коргонуу чегин бузуп кирүүгө бир нече ирет аракет кылышкан.

    "Счастье азыр толугу менен украин аскерлеринин көзөмөлүндө. Салгылашууда душман күчтөрү оор жоготууларга учурап, чегинүүгө аргасыз болду. Орусиялык баскынчылар колго түштү", - деп билдирет Бириккен күчтөр операциясы.

20. 24 февраль 2022Украинанын бийликтери согуштук учактын кулаганын билдирди

    УНИАН агенттиги: "Украинанын өзгөчө кырдаалдар боюнча мамлекеттик кызматы Киев областында, Жуковцы жана Триполье кыштактарынын ортосунда Обуховск согуштук учагы кулаганын кабарлады. Кабарда беш адам курман болгону айтылат".

    

    Сүрөттүн булагы, УНИАН