Etu nwoke si gbuo ụmụnwaanyị abụọ nye ezi ozu ha ka o rie
Ebe foto si, Ezinaụlọ Makgato
Maria Makgato dị afọ 45 na Lucia Ndlovu dị afọ 34 ka e kwuru na ha abụọ nwụrụ oge ha na-achọ nri n’ugbo dị na Polokwane na mba Saụt Afrịka.
A gbagburu ha abụọ n’onwa Ọgọst ma nwere ozu ha nye ezi ka ọ rie.
Makgato bụ otu nwaanyị n'ime ndị nwụrụ bụ nne nwere ụmụ anọ si afọ ise rue afọ iri abụo na abụọ.
A na-ekpe onye nwe ugbo ahụ bụ Zachariah Johannes Olivier dị afọ 60 bụ onye ọcha na ndị ọrụ ya bụ Adrian de Wet, dị afọ 19, nakwa William Musora, dị afọ 50 ikpe igbu ọchụ.
Ugbua ụlọikpe na-atule ka ha mara na ha a ga-atụghapụ ha atọ na mkpọrọ ka ikpe na-aga n’iru ma ọ bụ jide ha dịka ikpe ha na-aga n’iru.
Ndị na-eme ngagharị iwe na-agwa ụlọikpe ka ha ghara ịkwe ka a tọghapụ mmadụ atọ ndị ahụ.
Walter Mathole bụ nwanne Makagatho gwara BBC na ajọ agwa ahụ akpalitela ọzọ ọgbaaghara dị na-etiti ndị ọcha nakwa ndị ojii na mba ahụ.
Nke a bụ esemuokwu dịwara kemgbe afọ iri atọ garaaga na-agbanyeghị na a machiri ọchịchị ikpa oke.
Mmadụ atọ ndị ahụ na-arụ ọrụ n’ugbo na-azakwara ọnụ ha n’ebubo e boro ha na ha chọrọ ịgbagbu dị Ndlovu bụ onye so nọrọ ogbe a gbara ha egbe ahụ.
Mabutho Ncube zọtara isi onwe ya mgbe mkpamkpa ahụ na-akpa ma jịsịike kpọọ ndị dọkịnta bụ ndị bịara ma nyere ya aka.
O kwuru na ya kpesara n'aka ndị uweoji bụ ndị mechere chọpụta ozu nwunye ya n’ebe a na-akpa ezi n’ime ugbo ahụ, nke na-egosi na ọ dị ka ha nyere ezi ozu ya.
Ezinaụlọ Makgato kọwara ọnwụ nne ha dịka ihe mgbanwa obi nke tisara ndụ ha.
Ụmụ ya ndị nwoke dị mmadụ anọ nọ na-agbata afọ iri abụọ nakwa afọ ise.
