NEC agwala Onyeisiala Tinubu ka o wezuga atụmatụ inwogharị ụgwọ ụtụisi
Akụkọ ndị dị mkpa n'ọnwa Ọktoba.
Mkpuchi Na Eme Ozugbo
Michael Ngene, Chinonso Ugorji, Jessica Nwankwo, Michael Ilediagu, Ikechukwu Kalu, Uche Akolisa, Adline Okere.
Agbanweela Onyeisiala Ethiopia dịka ya na Prime Minister nwechara nghọtahie
Ebe foto si, Reuters
Ndị omeiwu
Itiopịa akwadoola nhọpụta onyeisiala ọhụrụ ga-anọchi anya nwaanyị mbụ bụụrụ
onyeisiala mba ahụ bụ Sahle-Work Zewde.
Taye Astike
Selassie bụụrụ minista na-ahụ maka ihe na-eme na mba ndị ọzọ kemgbe ọnwa Febụwarị
ewerela ọkwa ahụ .
Na mba Itiopịa,
ọ bụ Praịm Minista ka ikikere ọchịchị dị n’aka. Onye ji ọkwa Praịm Minista mba
ahụ ka ọ dị ugbua bụ Abiy Ahmed.
Sahle-Work
na Abiy nwere nghọtahie na nso nso a.
Nkwado Praịm
Minista ahụ nyere ka a họpụta Sahle-Work dịka onyeisiala n’afọ 2018 bụ nke ọhanaeze
weliiri aka dịka agamnịihu maka ịdị nhatanha nwoke na nwaanyị na ndọrọndọrọ ọchịchị
Itiopịa.
Pope Francis ahọpụtala 'Cardinal' ọhụrụ 21
Ebe foto si, Getty Images
Nkọwa foto, Pope Francis na foto ndị kadịnal ụlọụka katọlik
Onyeisi ụlọụka
katọlik bụ Pope Francis ekwuola ahụpụtala kadịnal 21 ọhụrụ. Nhọpụta pụtara
na Pope Francis ahọpụta kardinal dị pasenti 80 ndị ga-ekwuputa onye ga-anochi ya dịka
onyeisi ụlọụka katọlik.
Pope
Francis kwuru nke a n’ogige ụlọụka St Peter’s Square. Akụkọ kwụrụ na a ga-ahọpụta
ma doo ndị kardinal asọ ụbọchị Sọnde 8 Disemba 2024 n’ogige Vatican n’emume ‘Solemnity of the Immaculate Conception’.
Ndị ga-ahọpụta kadịnal ndị a si na kọntinent isii, gụnyere Australia,
Kanada, Indoneshia na Iran.
N’ime kadịnal 21 ọhụrụ ahụ,
20 erubeghi afọ iri asato (80) ma bụrụ ndị ga-esonye na ntụliaka ịhụpụta onye
ga-anọchiteanya Pope Francis. Nhọpụta kadịnal ọhụrụ ndị a ga-ebugo ọnụọgụ kadịnal
ụlọụka katọlik 140, nke gafere ọnụọgụ 120 nke Pope Paul VI hibere n’afọ 1975.
Aha kadịnal 21 ọhụrụ ahụ gụnyere:
Archbishọpụ Angelo
Acerbi, Apostolic Nuncio;
Archbishọpụ Carlos
Gustavo Castillo Mattasoglio nke Lima, Peru;
Archbishọpụ Vicente
Bokalic Iglic Cm, Archbishop nke Santiago Del Estero (Primate mba Argentina).
Archbishọpụ Luis Gerardo
Cabrera Herrera, Archbishop nke Guayaquil, Ecuador.
Archbishọpụ Fernando
Natalio Chomalí Garib Archbishọpụ Santiago De Chile, Chile.
Archbishọpụ Tarcisio Isao
Kikuchi nke Tokyo, Japan;
Bishọpụ Pablo Virgilio
Siongco David nke Kalookan, Philippines.
Archbishọpụ Ladislav
Nemet nke Belgrade; Serbia.
Archbishọpụ Jaime
Spengler nke Porto Alegre, Brazil.
Archbishọpụ Ignace Bessi
Dogbo nke Abidjan, Ivory Coast.
Archbishọpụ Jean-Paul
Vesco nke Algiers, Algeria.
Bishọpụ Paskalis Bruno
Syukur nke Bogor, Indonesia;
Archbishọpụ Dominique
Joseph Mathieu nke Tehran Ispahan, Iran.
Archbishọpụ Roberto
Repole nke Turin, Italy.
Bishọpụ Baldassare Reina,
Auxiliary Bishop nke Rome na Vicar General Diocese Rome.
Archbishọpụ Francis Leo nke
Toronto, Canada.
Archbishọpụ Rolandas
Makrickas, coadjutor Archpriest nke Papal Basilica, Saint Mary Major.
Bishọpụ Mykola Bychok nke
Yukrenu Eparchy Saints Peter na Paul nke Melbourne, Australia.
Dominican Fr. Timothy
Peter Joseph Radcliffe, onye bụbu masta nke Dominican Order.
Fr. Fabio Baggio.
Msgr.George Jacob
Koovakad,
Ọrịa otoro egbuola mmadụ 350 na Naịjirịa – Ụlọọrụ NCDC
Ebe foto si, AFP
Nkọwa foto, Ndị na-ekute mmiri n'ime obodo
Ụlọọrụ
na-arụ ọrụ maka mgbochi na mfesa ọrịa NA NaỊjirịa bụ National Centre for
Disease Control (NCDC) ekwuola na mmadụ ruru 350 anwụọla site n’orịa otoro na
Naịjirịa n’ime ọnwa itoolu, nke gosiri na e nweela mbelata pasenti 239 n’ọnụọgụgụ
nke afọ 2023.
Dịka ụlọọrụ
NCDC siri kwu, ọrị otoro bụ nke na-efesa site na mmriri abụghị ihe ọhụrụ na Naịjirịa
mana ndị ọrụ ahụike na-ekwu na ọrịa a na-aga n’efesa n’ihi enweghị mmiri dị ọcha.
Onyeisi ndị
uweojii Naịjirịa bụ Kayode Egbetokun enyela iwu ka e mepee isi ụlọọrụ okpuruọchịchị
23 dị na Riva Steeti.
Ozi si n’aka
ọnụ na-ekwuru ndị uweojii Riva steeti bụ Grace Iringe-Koko mere ka a mata na kọmishọna
ndị uweojii ọhụrụ steeti ahụ bụ Mustapha Bala nyere iwu mmepe isi ụlọọrụ okpuruọchịchị
ndị ahụ n’aha Kayode Egbetokun.
Cheta na ndị
uweojii machiri isi ụlọọrụ okpuruọchịchị Riva steeti n’ọnwa Juun dịka e nwere
esemokwu dị n’etiti Gọvanọ Siminalayi Fubara na ndị bụbu ndị isioche okpuru ọchịchị
steeti n’eruwere Nyesom Wike isi.
Mmepe isi ụlọọrụ
okpuru ọchịchị ndị a na-abịa dịka Gọvanọ Rivas steeti Siminalayi Fubara duru ndị
isioche okpuru ọchịọchị 23 turu ugo na ntụliaka okpuru ọchịchị e mere na steeti
ahụ ụbọchị Satọde 5 Ọktoba 2024 n’iyi ọrụ.
Gọvanọ
Fubara duru ha n’iyi ọrụ ụbọchị Sọnde 6 Ọktoba, 2024 n’ọbị ochịchị steeti ahụ dị
na Port Harcourt, isi obodo Riva steeti.
Aka na-achị
Rivas steeti bụ Siminalayi Fubara eduola ndị isioche Okpuru ọchịchị iri abụọ na
atọ (23) ahọpụtara ọhụrụ na steeti ahụ n’iyi ọrụ.
Fubara
haziri mmemme ahụ n’ụbọchị Sọnde 6 Ọktoba 2024 n’ụlọ ezumeezu Executive Council
Chambers dị n’obi ọchịchị Rivas steeti.
Cheta na ụlọọrụ
Rivers State Independent Electoral Commission (RSIEC) haziri ntụliaka Okpuru ọchịchị
na Rivas steeti n’ụbọchị Satọde 5 Ọktoba 2024.
Oge ọ na-akpọpụta
mpụtara ntụliaka ahụ n’ụbọchị Sọnde, Onyeisi ụlọọrụ RSIEC bụ Justice Adolphus
Enebeli kwupụtara ndị pati Action Peoples Party iri abụọ na abụọ (22) na otu
onye paty Action Alliance (AA) dịka ndị nwetara mmeri.
Bala
Mohammed bụ aka na-achị Bauchi steeti na Onyeisioche otu jikọtara ndị gọvanọ
PDP hụrụ ka mmemme idu n’iyi ọrụ ahụ siri gaa.
Anwụchiela nwaanyị Canada bubatara ọgwụike na Lagos
Ebe foto si, NDLEA
Ụlọọrụ National Drug Law Enforcement Agency, NDLEA, anwụchiela Adrienne Munju bụ nwaanyị mba Canada bubatara ọgwụike na Legọs steeti.
NDLEA mere ka a mata nke n’akwụkwọ ozi onyeisi ha na ngalaba mgbasaozi bụ Femi Babafemi binyere aka ma kesaa n’akara mgbasaozi ha n’ụbọchị Sọnde 6 Ọktoba, 2024.
Femi Babafemi kwuru na “NDLEA nwụchiri Adrienne Munju dị afọ iri anọ na otu (41) n’ọdọụgbọelu Murtala Muhammed International Airport dị na Legos”.
“Ọgwụike a hụrụ n’akpa ya gụnyere nke a na-akpọ “Canadian Loud”. O kwukwara na ha chọpụtara na Adrienne Munju bu ọgwụike n’akpa ya oge ụgbọelu ha sị Canada were daa na Legọs n’ụbọchị Tọzde 3 Ọktoba 2024.
Ọ gbakwunyere na nke a bụ nke mbụ Adrienne na-abata na Naịjirịa.
Ebe foto si, NDLEA
Ebe foto si, NDLEA
APP ekpokọrọla mmeri n’Okpuru ọchịchị 22 na Rivers State
Ebe foto si, Action Peoples Party (APP)/Facebook
Otu Action
Peoples Party (APP) enwetala mmeri ndị isiọche Okpuru ọchịchị iri abụọ na abụọ
(22) n’ime iri abụọ na atọ (23) na ntụliaka a haziri na Rivas steeti.
Onyeisi ụlọọrụ
Rivers State Independent Electoral Commission (RSIEC) bụ Justice Adolphus
Enebeli kpọpụtara mpụtara ntụliaka ahụ n’ụbọchị Satọde 5 Ọktoba 2024 na Pọtakọt.
Ihe a bụ
nke mbụ pati anọghị n’ọkwa na-enweta mmeri na ntụliaka Okpuru ọchịchị Rivas steeti
kemgbe afọ 1999.
Enebeli
kwuru na ọ bụ mpụtara ntụliaka Okpuru ọchịchị Etche ka akpọpụtabeghị n’ihi na a
ka na-agụkọ vootu ndị mmadụ.
Ọ kọwara na
ụlọọrụ RSIEC ga-akpọpụta mpụtara ntụliaka Okpuru ọchịchị Etche nakwa nke ndị nnọchiteanya
Councillor narị atọ na iri na itoli (319) oge agụkọchara vootu niile.
Ebe foto si, Action Peoples Party (APP)/Facebook
Etu nwoke si sugbo nwunye ya dị ime ma gbaa ya ọkụ maka...
Ebe foto si, Getty Images
Ndị uweojii anwụchiela otu nwoke e nyere aha ya dịka Motunrayo Olaniyi maka igbu nwunye ya ọhụrụ n'ebe ha bi n'Ikorodu dị na Legọs.
N'ozi nke ọnụ na-ekwuru ndị uweojii na Legos bụ Benjamin Hundeyin wepụtara, ọ sị na nwoke ahụ mara nwunye ọhụrụ ya bụ Olajumoke mma ọtụtụ oge, kpọchie ya n'ime ụlọ ma mụnye ebe ahụ ọkụ dịka ha na-ese okwu.
O kwukwara na nwoke aha merụrụ onwe ya ahụ dịka o mechara nke ahụ.
Kepu kepu na-ekwu na ihe butere esemokwu n'etiti nwoke ahụ na nwunye ya bụ nwoke ahụ ịbo nwaanyị ebubo ịgba n'ezi ma kwuo na afọ ime o bu abụghị nke ya.
"Mgbe ndị uweojii ruru ebe ahụ, ha menyụrụ ọkụ na-agba were chọpụta ozu nwaanyị ahụ n'ime ụlọ" bụ ihe ozi ya kwuru.
Dịka ihe si kwụrụ ugbua, ha kpọgara nwoke ahụ ụlọọgwụ ebe ọ natara ọgwụgwọ tupu ha anwụchie ya.
He ebugala ozu nwaanyị nwụrụ anwụ n'ụlọ nchekwa ozu dịka nyocha banyere ihe mere ka na-aga ihu.
Idemmiri na-achọ iri anyị - Trinitarian Foundation for Orphans and the Helpless Ebonyi
Ndị isi na
ndị nlekọta ụlọ ụmụ enweghị nne na nna bụ Trinitarian Foundation for Orphans
and the Helpless arịọla Gọọmenti Ebonyi steeti ka ọ gbatara ha ọsọ enyemaaka n’ihi
nsogbu oke idemmiri.
Ọ bụ ụlọụka
Katọlik hiwere ụlọ ahụ n’okporoụzọ Oterufie Ugwuachara dị n’Abakaliki bụ isi
obodo Ebonyi steeti.
Oge ha
na-ekwu okwu gbasara ya bụ ọnọdụ ọjọọ, ndị na-elekọta ụlọ ahụ bụ Rev. Sister
Rosepurisima Nwosu, Rev. Sister Mary Agnes Onyejeli na Rev. Sister Lucy Anekwe
kwara arịrị maka ọnọdụ ọjọọ oke idemmiri na-etinye ha kwa mgbe kwa mgbe.
Nwosu kwuru
na oge ụfọdụ ha na-amụ anya abalị iji nwee ike kupusịa mmiri ndị gbabatara n’ime
ụlọ ha.
Ọ kọwakwara
na ha enweghị ọnụụlọ zuru oke maka ụmụaka ndị ha na-elekọta, bụ ndị nọ n’ogogo
agụmaakwụkwọ dị iche iche.
Ha kpọkụrụ Gọọmenti
Ebonyi steeti na mmadụ ndị nwere obi ebere ka ha gbatara ha ọsọ enyemaaka tupu
oke idemmiri erie ụlọ ha.
Ntụliaka Okpuru ọchịchị amalitela na Rivas steeti
Ụlọorụ
Rivers State Independent Electoral Commission (RSIEC) amalitela ịhazi ntụliaka
Okpuru ọchịchị n’ime Okpuru ọchịchị iri abụọ na atọ (23) e nwere na Rivas steeti.
Ọ bụ n’ime
wọọdụ narị atọ na iri na itolu (319) tinyere ogige ntụliaka puku isii, narị atọ
na iri isii na isii (6366) dị na steeti
ahụ ka a ga-ahazi ya bụ ntụliaka.
Dịka ụlọọrụ
na-ahazi ntụliaka na Naịjirịa bụ INEC siri kwuo, Rivas steeti nwere mmadụ karịrị
nde atọ debanyere aha ha maka ịtụ vootu n’afọ 2023.
Pati iri na
asatọ (18) n’ime iri na itolu (19) e nwere na Naịjirịa ga-esonye na ntụliaka ahụ.
Pati na-agaghị esonye na ya bụ ntụliaka bụ pati ji ọkwa ọchịchị steeti ahụ bụ
Peoples Democratic Party (PDP).
N’oge gara
aga, ọ bụ PDP na-enwetekarị mmeri na ntụliaka Okpuru ọchịchị Rivas steeti mana
nke ugbua edoola ewu na ọkụkọ anya na ọ bụ pati ndị ọzọ ga-anọ n’isi Okpuru ọchịchị
dị iche iche na steeti ahụ, nke mbụ ya kemgbe afọ 1999.
Ikpe amaala otu nwaamadị na-edina ụmụnwaanyị n’ike
Ebe foto si, NPA
Nwaafọ Saụt Afrịka na-edina mmadụ n’ike ugboro ugboro, onye dinara obere nwata gbara afọ
itolu n’ike anatala amamịikpe iri anọ na abụọ (42).
Nkosinathi
Phakathi bụ onye e boro ebubo iri itoli (90) maka idina ndị mmadụ n’ike site n’afọ
2012 ruo 2021.
Oge ụfọdụ,
nwoke ahụ gbara afọ iri anọ (40) na-agwa ụmụaka ka ha na-ekiri ya oge ọ
na-edina mmadụ n’ike.
Ụlọorụ National
Prosecuting Authority (NPA) nke mba Saụt Afrịka kwuru na nwaamadị ahụ na-amanye
ụmụaka ndị nwoke ka ha dinaa ndị enyi ha nwaanyị n’ike.
Ebe Phakathi
nọọrọ na-eme arụ ndị ahụ bụ na mpaghara Ekurhuleni dị n’ọwụwa anyanwụ
Johannesburg.
N’ụbọchị
Fraịde 4 Ọktoba 2024, Ụlọikpe ukwu Johannesburg nụrụ na Phakathi na-anata amamịikpe
iri anọ na abụọ (42) n’ihi ebubo e boro ya maka idina mmadụ n’ike, ntọrị, izu
ohi na mmetọ.
NPA sịrị na
Ọkaikpe kwetara na Phakathi egosighị “mwute dịka ọnọdụ ya bụ nke ekweghị mmeta”.
Dịka NPA
siri kwuo, ọtụtụ n’ime ndị o dinara n’ike bụ ụmụakwụkwọ dịka nke obere n’ime ha
gbara naanị afọ itolu ebe onye nke kachasị okenye gbara afọ iri anọ na anọ
(44).
NPA kwuru
na Phakathi na-emesokarị ha omume ahụ oge ha na-aga maọbụ na-alọta akwụkwọ ebe
oge ụfọdụ ọ na-aga n’ụlọ mmadụ ndị ahụ kụrụ na ya bụ onye na-edozi ọkụ latrik,
naanị iji nwee ohere ịbanye ma rịa ha elu n’ike.
Ndị nchekwa awakpoola ogige IPOB dị n’Imo steeti, napụta ndị e ji eji
Ngalaba ụlọorụ
ndị uweojii Imo steeti na-ebu agha megide ntọrị awakpọọla ogige a na-enyo enyo ịbụ
nke ndị otu ESN na IPOB dị n’okeọhịa Ezioha, Okpuru ọchịchị Mbaitoli nke steeti
ahụ.
Ọnụ
na-ekwuru ndị uweojii Imo steeti bụ Henry Okoye kpuhere nke a n’ụbọchị Fraịde 4
Ọktoba 2024 oge ya na onye ntaakụkọ BBC Igbo nwere mkparịtaụka n’ekwentị.
Okoye
kpuhere na ndị uweojii kpara ike ahụ na njikọaka ha na ụlọọrụ nchekwa ndị ọzọ dị
n’Imo steeti.
Ọ sịrị na ndị
ọrụ nchekwa napụtara mmadụ anọ ndị ekperima ahụ tọọrọ n'okporoụzọ siri Owerri gawa Orlu nke gụnyere Eze Okoro bụ nwaafọ Orlu, Maazị na Oriakụ Anthony Nwosu gbara afọ iri anọ na anọ (44) na iri atọ na otu (31) ma bụrụ ụmụafọ Ohii dị n'Okpuru ọchịchị Owerri West tinyekwara Maazị Bartholomew gbara afọ iri ise na isii (56) ma bụrụ nwaafọ Benue steeti.
Okoye sịrị
na ndị ekperima ahụ na ndị ọrụ nchekwa gbakọrịtara onwe ha egbe oge ha wụchiri
mana ndị ọrụ nchekwa memilara onyendu ha ebe ndị ọzọ bu mgbọ egbe rie mbọmbọ.
Dịka Okoye
siri kwuo, ngwongwo a napụtara ndị otu ahụ gụnyere ụgbọala Toyota Highlander abụọ, otu ụgbọala Toyota Camry na-acha ntụ ntụ, otu
egbe ‘pump action’, mgbọ egbe iri, ogbuniigwe anọ, otu ọkọlọtọ Biafra, otu
nchemgbọ ‘bullet proof’ na ọtụmọkpọ dị iche iche.
Nkọwa foto, Gọvanọ Siminalayi Fubara oge ọ na-agwa ndị ntaakukọ okwu
Gọvanọ Rivas
steeti bụ Siminalayi Fubara ekwuola na ntụliaka okpuru ọchịchị ga-aga n’ihu ụbọchị
Satọde 5 Ọktoba 2024 na steeti ahụ.
Gọvanọ
Fubara kwuru nke a oge ọ gwara ndị ntaakụkọ okwu n’obi ọchịchị ya dị na Port
Harcourt banyere nkwado a na-eme maka ntụliaka ahụ.
Okwu ya
na-abịa dịka ndị uweojii chọrọ ịnọchi ụlọọrụRivers State Independent Electorasl
Commission (RSIEC) n’ụtụtụ Fraịde 4 Ọktoba, 2024.
Gọvanọ
Fubara mere ka a mata na o nwetara ozi na ndị uweojii wuchiri ụlọọrụ RSIEC n’agbanyeghi
ntuziaka Ọkaikpe Lifu nke ụlọikpe ukwu dị
n’Abuja gwara ndị uweojii ka ha wezuga onwe ha na ntụliaka ahụ.
N’okwu Gọvanọ
Fubara “Anyị aghọtaghị ihe ndị uweojii ahụ wuchiri ụlọrọu RSIEC bịara ime, ọ bụ
ya mere anyị ji kwụsị ha, anyị chọpụtara na ha chọro izuru akụrụngwa e ji eme
ntụliaka ahụ”.
Ọ gara n’ihu
kwuo na ọ bụrụ na ndị uweojii achọghị isonye na ntụliaka ahụ, ọ gaghị egbochi
ntụliaka ahụ ma ncha.
N’aka nke ọzọ,
onye na-ekwuru ndị uweojii Rivas steeti bụ Grace Iringe-Koko kwuru na ha
nwetara akwụkwọ ozi gbochiri ha isonye na ntụliaka ahụ. Ọ gara n’ihu kwuo na e
nwere iwu ụlọikpe ukwu dị n’Abuja nyere ụbọchị Mọnde 30 Septemba, 2024 nke
gbochiri ndị uweojii isonye na ntụliaka okpuru ọchịchị ahụ.
Ndị ọzọ e duru n’iyi ọrụ gụnyere Franklin Nwadialu (Okpuru ọchịchị Ogbaru), Anthony Nwaora (Okpuru ọchịchị Onitsha Nọt), Emeka Orji (Okpuru ọchịchị Onitsha Saụt), Casmir Nwafor (Okpuru ọchịchị Orumba Nọt), Shedrack Azubuike (Okpuru ọchịchị Orumba Saụt) na Emma Nweke(Okpuru ọchịchị Oyi).
Gọvanọ Soludo nyere ndị isioche Okpuru ọchịchị ọhụrụ iwu ka ha nweta ezi mmepe obodo n Okpuru ọchịchị ha dị icheiche. Ọ gara n’ihu gwa ha ka ha na gọọmenti ateeti ahụ jikọọ aka iji hụ na Anambra steeti bụ steeti e ji ama atụ na Naịjirịa gbaa gburugburu.
A gwara ndị isioche ọhụrụ ahụ ka wepụ aka na nrụrụaka n’ụdị ọbụla ma jiri ego ọbụla ruru aka rụọ ọrụ maka mmepe na ọ dịmma ndị Okpuru ọchịchị ha.
Ebe foto si, Governo Chukwuma Soludo/Facebook
Nkọwa foto, Foto Gọvanọ Chukwuma Soludo na dị isioche ọhụrụ steeti Anambra steeti
Ihe ụlọakwụkwọ IMT kwuru banyere nwata akwụkwọ nwaanyị ahụ nwụrụ n’ogige ha
Ebe foto si, IMT Website
Nkọwa foto, Ọnụ ụzọ mahadum IMT Enugwu steeti
Ụlọakwụkwọ
mahadum Institute of Management and Technology (IMT) Enugwu steeti ewepụtala
ozi banyere nwata akwụkwọ nwaanyị ahụ nwụrụ n’ogige ụlọakwụkwọ ha ụbọchị Mọnde 30 Septemba, 2024.
Ozi ahụ
kwuputara aha nwata akwụkwọ ahụ aha ya bụ Chiamaka Ozoigbondu bụ nwata akwụkwọ
na mahadum Peaceland College, Emene ma kwuo na ọ bịara isionyere enyi dechara
ule na IMT ṅụrịa oge njiji ahụ dakwasịrị ya.
Akwụkwọ ozi
ahụ nke onye na-arụ dịka onyeisi ụlọakwụkwọ IMT bụ Emeka Patrick Ejim binyere
aka zigara ezinaụlọ Chiamaka Ozoigbondu ozi itiaka n’obi maka ọnwụ nwa ha
nwaanyị.
N’ịga n’ihu,
Emeka Patrick Ejim kwuru na ụlọakwụkwọ IMT akwusịtụla ule ndị ọzọ e nwere n’ụlọakwụkwọ
ahụ ahụ ruo oge a na-amaghị. Ihe ndị ọzọ ozi ahụ kpebiri gụnyere:
Abalị atọ
iri uju na mahadum IMT nke malitere ụbọchị
Wenezde 2 Ọktoba ruo ụbọchị Fraịde 4 Ọktoba, 2024.
Ụlọakwụkwọ IMT
kwuru na ha ga-enyere ndị uweojii aka na nyocha banyere ihe kpatara njiji ahụ
Ụlọakwụkwọ IMT ga-achụ nwata akwụkwọ ọbụla e jidere na-eme mmeme aṅụrị
ọbụla ma ha lechaa ule n’ogige ụlọakwụkwọ ahụ.
IMT machiri
ụgbọala ịgba oke ọsọ n’ogige ụlọakwụkwọ ahụ ma kwuo na ha ga awuchi onye ọbụla
dara iwu a.
IMT machiri
ndị ọrụ nchekwa ọbụla iso nwata akwụkwọ ọbụla bata n'ogige n’ụlọakwụkwọ ahụ.
Ime nyocha ụmụakwụkwọ n’ọnụ ụzọ ụlọakwụkwọ ahụ.
Itinye mgidi
aja n’ogige ụlọakwụkwọ ahụ nakwa ihe ndị ọzọ ga-ahụ maka ezi nchekwa ụmụakwụkwọ
Ozi ahụ
gara n’ihu kwuo na ụmụakwụkwọ abụọ ahụ meruru ahụ n’ihe mberede ahụ nwetara
nleta n’ụlọọgwụ.
Ebe foto si, IMT Enugu
Nkọwa foto, Akwụkwọ ozi mahadum IMT na ogige njiji ahụ mere
Ihe mere n’Enugwu oge osote onyeisiala Naịjirịa, Kashim Shettima bịara
Kashim Shettima biara njem nleta n’Enugwu taata bụ ụbọchị atọ
nke ọnwa oktoba 2024 were gbapee ọtụtụ ụlọ ọrụ na ihe dị icheiche gọmenti rụrụ.
Ihe ndị osote onyeisiala gbapere n’Enugwu taata gụnyere,
“Command Centre”, Int’l Confrence Centre, Ebe nrụpụta akwa n'Anamco, ya na ebe
ọzụzụ ndị ọrụ aka akpọrọ “Expanded National MSME Clinic 2024.
Njem nleta ahụ malitere oge ọdara n'ọdụ ụgbọelu Akanu Ibiam
nke Enugwu. Were ga gbapee ebe nrụpụta ihe na ANAMCO Emene Enugwu.
O si ebe ahụ gaa
n'ụlọ gọvanọ Enugwu nke ochie, ụlọ ọrụ gọmenti Enugwu nakwa Intl confrence
Centre ebe ọ gbapere akụrụngwa dị iche iche.
Sinatọ Shettima kwuputara na ndị niile nwetagoro ọzụzụ n’aka
Gọmenti Enugwu site n’ụlọ ọrụ MSME ha-enweta ọkpụrụkpụ ego di otu nari puku
naira na iri ise (N150,000) iji malite rụpọtawa akụrụngwa ha nwetara ọzụzụ ya.
O toro Gọvanọ Enugwu otito na aka ọrụ ya ihazi Enugwu mara mma.
N’okwu ya, Gọvanọ Enugwu bụ Peter Mbah kwuru na obi juputara ya n’aṅụrị na osote Onyeisiala zara oku akpọrọ ya na agbanyeghị na oji ọrụ n’aka.
“ Otu n’ihe n’echere ndị ọrụ-aka na ndị Ọgba-mbọ nke obere akpọrọ MSME bụ inweta ego mmalite ma ha mụchaa ọrụ. Nkea mere anyị ji akpọku ndị nọ ma agbata MSME ọkachasi ndị mtorobia ka ha zaa oku gomenti etiti Naijiria nakwa nke steeti Enugwu na-akpọ ha ugbua
Mana na-oge Gọvanọ Peter Mba na-anabata osote onyeisiala ka ọ kwuru na “Obi dị m ụtọ na osote onyeisiala bụ onye hụrụ ndị na-agba mbọ nke akpọrọ MSME n’anya”.
Mbah kelere Shettima na o si n’ebe ọ gara nleta ndị mmịrị bụrụ na Maidugiri bia Enugwu ịgbape ihe ndị Gọmenti ya rụpụtara.
“Mmemme akpọrọ “Expanded National MSME CLUNIC 2024” bụ nnukwu ohere ndị mmadụ nwere, ọkachasi ndị ntorobia isonye na ohere oma Gọmenti etiti wepụtara iji nyere ha aka.
“Otu n’ime ihe na-echere ndị MSME aka mgba bụ ịhụ ebe ha ga-ebite ma ọ bụ nweta ego ha ga-eji mee ka ọrụ ha kwụrụ chim chim”
Ọ gwara ndị ọgba mbọ nke onwe ha akpọrọ MSME ka ha sonye n’oku ahụ gọmenti n’akpọ.
Ndị uweojii abụọ anwụọla oge ha na ndị ojiegbe kwakọrịtara mgbọ n’Uruagu, dị n'okpuru ọchịchi Nnewi Nọt nke Anambra steeti.
Mkpamkpa a kpara n’uzọ ụtụtụ Tọzde 3 Ọktoba,
2024.
N’akwụkwọ ozi Tochukwu Ikenga bụ ọnụ na-ekwuru ndị uweoji Anambra steeti weputara, ndị uweoji abụọ ahụ e gburu bụ ndị
na-eme nyocha na mpaghara ahụ.
N'okwu ya “Ndị omekome ahụ malitere ịgbali egbe n'elu ngwangwa ha hụrụ ndị uweojii, ma tuọ ogbunigwe ahụ bụ nke gbagburu ndị
uweojii abụọ ahụ, ndị ọrụ nchekwa dị icheiche amalitela nyocha iji chọpụta ndị omekome ahụ".
Ikenga kọwara ọdachị dịka ihe obi mgbawa ma kwuo na ụgbọala gbara ọkụ oge ihe ahụ mere.
Tochukwu gara n’ihu kwuo na ndị uweojii na-arịọ ọhanaeze maọbụ onye ọbụla nwere ihe ozi banyere ndị kpara mkpamkpa ahụ ka ha kpọtụrụ ndị uweojii n'akara ekwenti ndịa 07039194332 maọbụ 08039334002.
Ụlọọrụ Police Service Commission ahọpụtala kọmishọna ndị uweojii ọhụrụ na steeti anọ
Ụlọọrụ Police
Service Commission (PSC) akwadola nziga kọmishọna ndị uweojii na steeti anọ iji
nweta ezi nchekwa na steeti ndị ahụ.
Ozi si n’aka
ọnụ na-ekwuchitere ụlọọrụ PSC bụ Ikechukwu Ani kwuru na e zigala Abanwonda
Olufemi dịka kọmishọna ndị uweojii Delta steeti. Ọ gara n’ihu kwuo na e zigala Peter
Ukachi dịka kọmishọna ndị uweojii Krọss Riva steeti ebe Mustapha Mohammed Bala
bụ kọmishọna ndị uweojii Rivas steeti.
Akwụkwọ ozi
ahụ nhọpụta ha nke onyeisioche ụlọọrụ PSC bụ bụ Hashimu Argungu binyereaka na
ya, eruola n’aka onyeisi ndị uweojii bụ Kayode Egbetokun ka ọ bụrụ iwu.
Ọrịa Marburg virus egbuola mmadụ 11 na Rwanda dịka a na-atule ọgwụ mgbochi ya
Ebe foto si, Getty Images
Nkọwa foto, Ihe nlele ọbara maka nyocha ọrịa Marburg virus
Mba Rwanda
na-akwado imalite ịgba ọgwụ mgbochi ndị ọrụ nyocha na-akwado imepụta iji gbochie
nfesa ọrịa Marburg virus na mba ahụ.
Mịnịsta
na-ahụ maka ahụike bụ Sabin Nsanzimana kwuru na ọgwụ mgbochi a ga-enyereaka
chekwaa ndị mmadụ bi na mpaghara ebe ọrịa ahụ kacha metụta. Ka ọ dị ugbua,
enweghbeghị ọgwụ mgbochi ọbụla nwegoro nkwado maka ọrịa Marburg virus, mana ndị
ọrụ nyocha na-aga n’ihu imepụta ya.
Nkwuputa a
bụ nke ga-enye ohere ka a malite ịgba ọgwụ mgbochi nke ngalaba ethics kọmịti ụlọọrụ
World Health Organization (WHO) kwadoro nke a ka na-atule.
Nchọpụta
BBC mere gosịrịr na mmadụ 11 anwụọla site n’ọrịa Marburg ebe mmadụ 36 ka e
nwetara ozi na bu ọrịa ahụ.
Mịnịstrị
na-ahụ maka ahụike kwuru na mbọ niile ha na-agba iji gbochie nfesa ọrịa Marburg
virus bụ nke na-amịta mkpụrụ ọma. Ha kwuru na ha agwaala mba gbara ha ogige ka
ha kee nkwọcha iji hụ n’ọrịa ahụ abataghị na mba ha.
Cheta na otu
African Union (AU) na World Health Organization (WHO) ezigala ọtụtụ ndị dọkịta
ahụike na mba Rwanda iji gbochie nfesa ọrịa Marburg virs na mba ahụ.
Netanyahu akatọọla ogbugbu ndịagha Izrel 8 e gburu na Lebanon
Ebe foto si, Benjamin Netanyahu/X
Nkọwa foto, Praịm mịnịsta mba Izrel Benjamin Netanyahu
Praịm Mịnịsta mba Izrel bụ Benjamin Netanyahu akpọọla oku ka mba Izrel niile jikọọ onwe ha ọnụ ma dịrị
n’otu.
Netanyahu
kwuru nke a n’akara soshal mịdịa X ya dịka o zigara ezinaulo ndịagha
Izrel mmadụ asatọ e gburu na Lebanon ozi iti aka n'obi ụbọchị Wenezde 2 Ọktoba, 2024..
Ọ gara
n’ihu kwuo na agha ahụ dị n'etiti mba Izrel na Iran bụ nke siri ike maka na mba Iran chọrọ ikpochapụ mba Izrel, mana ọ bụrụ na Izrel jikọọ aka ọnụ, ha ga enweta mmeri.
