'A Tribe Called Judah' abụrụla ihe onyonyo Nollywood kachasị dọbata ego

Mkpuchi Na Eme Ozugbo

Jessica Nwankwo, Uche Akolisa, Chimezie UcheAgbo and Ikechukwu Kalu

1. 4 Disemba 2023Ndịagha Philippines aṅụọla iyi ibuso otu Daulah Islamiyah maka ịtụ ndị na-aka 'mass' ogbunigwe

   

   Ebe foto si, Philippines Army /X

   Ndịagha mba Philippines aṅụọla iyi ibuso otu agha nnupuisi Jihad bụ Daulah Islamiyah agha maka aka ha ịtị na ogbunigwe a tụrụ ndị na-aka Mass Ụbọchịụka.

   Ndị bu egbe e chere na ha bụ otu Jihad a kpọrọ Daulah Islamiyah tụrụ ndị Katọlik gbakọrọ maka ofufe nro Ụbọchịụka, abalị atọ nke ọnwa Disemba, na mahadum 'Mindanaso State University' (MSU) dị na Marawi, nke gburu mmadu anọ,ebe mmadu 44 meruru ahu.

   Onyeisiagha na mba ahụ bụ Romeo Brawner Jr. mere ka a mata nke a n' isiụlọọrụ ndịagha a kpọrọ '103rd Infantry Brigade' dị na Marawi ka ya na ndị ọzọ welitere ịsị n' ọrụ agha na Phillippines nwechara mkparịtaụka ebe ọ nọ gwa ha na Onyeisiala ha bu Ferdinand Marcos Jr enyela ha ikike ka ha banye ndị ọjịegbe ahu ọgu.

   O gwa kwara ma ọnye ịsị ndị Uwe Ọjịị nakwa ndị ọzọ na mba ahu ka jikọọ aka ọnụ na ọge a.

   N'okwu ya, Ọ sịrị, “Anyị ga-abanye ndị omekaome a ọgu. "

   "Anyị ga-ejị ịhe nịle anyị nwere mee ka ihe dị ọtu a ghara ime ọzọ.”.

   Na nsonso a, ndịagha mba ahụ na ndị otu Daulah Islamiyah kwatara nke riri isi ndị otu ahụ 11.

2. 4 Disemba 2023Ndeewonu!

   Igbo mma mma nụ o!

   Ndeewonụ!

3. 3 Disemba 2023Aka akparala dibịa chegharịrị bụrụ pastọ a sị tọgburu nwunye ya

   

   Ebe foto si, Pexel

   Ndị uweojii ekwuola na ha na-enyocha okwu metụtara otu ụkọchukwu maka ịtọgbu nwunye ya na nsonso a.

   A nwuchiri Pastọ Abiodun Sunday, nke Ido-Ile, dị n'Ekiti maka ebubo ịtọgbu nwunye ya n'ebe Elekere Itoolu nke abalị 19 nke ọnwa Novemba, afọ 2023.

   Akụkọ kwuru na ụkọchukwu ahụ bụbụ onye dibịa tupu ọ bụrụ pastọ ma rụkwa ọrụ n'ụlọụka CAC dịka ụkọchukwu tupu ha chụọ ya n'ọrụ.

   Aka kpara ya oge ọ chọrọ ịgbapụ n'obodo.

   Onye nọ ebe ihe mere kwuru na nkọwa nwoke ahụ nyere banyere etu nwuye ya sị nwụọ bụ ihe kpalitere inyo ya enyo.

   Mkpamkpa ahụ kpalitere ndị ntorobia ime ngagharịiwe megide ụkọchụkwu .

   Eze obodo ahụ bụ Aderemi Obaleye onye gwara ndị ntaakụkọ sị, na ọ bụ ihe jọgburu onwe ya dịka "ndị ntorobia mere ngagharịiwe megide Pastọ" kpokuru ndị weojii ka ha mee ezi nnyocha .

   Kọmishọna ndị uweojii Ekiti steeti, onye kwuru na ha anwuchiela nwoke ahụ, gara n'ihu kwuo na nnyocha ihe mere amalitela.

4. 3 Disemba 2023Mmadụ anọ anwụọla dịka ogbunigwe gbara ebe ndị Katọlik na-aka ‘Mass’

   

   Ebe foto si, Getty Images

   Mmadụ anọ anwụọla dịka ogbunigwe gbara n’ebe ndị ụka Katolik na-enwe ofufe nro n’ụtụtụ Ụbọchịụka.

   Ya bụ ọdachị mere n’ụlọ egwuregwu dị na mahadum 'Mindanao State University' dị na Marawi,' bụ mpaghara ndị ụka Alakụba kachasị na mba Philippines.

   Mmadụ 42 merụrụ obere ahụ dịka ndị ọrụ gọọmentị si kwuo, sị na ihe nile adajụọla’.

   Onyeisiala ha bụ Ferdinand Marcos Jr katọrọ ọgbunigwe ahụ a gbara, sị na "arụ ka akụ" ahụ bụ "ndị oyinduegwu si mba ọzọ" kpara ya.

   Mana ọ kọwaghị okwu ya ahụ nke ọma.

   Ọ rịọrọ ọ ha ndị mmadụ ka ha deere jụụ. “ Anyị ga-abụ na ndị kpara mkpamkpa zaara ọnụ ha n’ụlọịkpe.” Onyeisi ndị uweojii na mpaghara ahụ bụ Brig-Gen Allan Nobleza kwuru na o nwere ike ịbụ ndị out ụka Alakụba a kpọrọ, The Daulah Islamiyah-Maute’ bụ ndị aka ha dị n’ogbunigwe ahụ gbara Ụbọchịụka.

   Nobleza kwuru na e gburu mmadụ 11 ndị out ahụ dịka ha na ndịagha Philipines kwatara ụbọchị Fraide na obodo Datu Hoffer Ampatuan, dị n’agbataobi ebe ọgbunigwe nke Ụbọchịụka gbara- nke mere ka ụfọdụ na-arụ aka na ogbugwe a gbara bụ mbọgwara ka ha bọgwara. N’afọ 2017,

   Ndịagha gọọmentị na otu ha na ndị out ‘Islamic State’ na-egbunye n’otu akpa kwatara n’Marawi ọnwa ise.

5. 2 Disemba 2023Ụlọikpe 'Appeal' ekwuola na Alex Otti bụ gọvanọ Abia Steeti

   

   Ebe foto si, Alex Otti/Facebook

   Ụlọikpe Mkpegharị dị na Legọs nọọrọ n’ụbọchị Satọde 2 Disemba 2023 kpebie hoohaa na ọ bụ Alex Otti ji aha Labour Party zọọ ọkwa Gọvanọ Abia Steeti bụ onye meriri na ntuliaka e mere n’ọnwa Maachị 2023.

   Ụlọikpe a kụchapụrụ akwụkwọ Okey Ahiwe nke Peoples Democratic Party (PDP) na Ikechi Emenike nke All Progressive Congress (APC) gbara megide mmeri Otti ma sị na mkpesa ha achịtaghị aja ọbụla.

   Cheta na ụlọikpe na-ahụ maka ntuliaka kpeburu ikpe a n’ụbọchị 6 Ọktoba 2023 ma sị na ọ bụ Otti meriri na ntuliaka dịka ụlọọrụ na-ahụ maka ntuliaka bụ Inec si kwupụta na mbụ.

   Na ntuliaka ahụ e mere n’ụbọchị 18 Maachị 2023, Alex Otti ji vootu 175,467 merie ebe Okey Ahiwe ji vootu 88,529 na-eso ya.

   Ahiwe agwala ndị otu ya bụ PDP na ndị nkwado ya ka ha dere jụụ dịka ndị ọkaiwu ha na-eleba anya n’ikpe ahụ ụlọikpe mkpegharị kpere.

6. 1 Disemba 2023A ga-emechi ọbaego ọbụla na-enweghi akara BVN na NIN - CBN

   

   Ebe foto si, CBN

   Ụlọakụ etiti nke Naịjirịa bụ Central Bank ekwuola na ha amachi ọbaego ọbụla na-enweghi akara Bank Verification Number (BVN) maọbụ National Identification Number (NIN) malite n’ọnwa Epre 2024.

   Nke a dị n’akwụkwọ ụlọakụ a nyere ụlọakụ niile nọ Naịjirịa ka ha kesaa ndịahịa ma kwuo na onye ọbụla na-enweghi akara a agaghị adọrọ ego, ezipu ego maọbụ mee ihe ọbụla n’ọbaego ya dị n’ụlọakụ.

   Ọ bụ ndị direktọ na-ahụ maka ịkwụ ụgwọ bụ Chibuzo Efobi na nke na-ahụ iwu banyere ego bụ Haruna Mustapha tinyere aka n’akwụkwọ ozi ahụ pụtara na Fraịde ụbọchị mbụ nke Disemba 2023.

   Ha kwuru na akara BVN na NIN ọbụla nke a ga-eji igwe kọmputa na ịntanetị nyochaa nke ọma na ngwụcha ọnwa Jenụwarị 2024.

   Ha kwuru na nke a ga-enye ime ihe banyere ego doo anya nke ọma ma nyere ụlọakụ aka ị maara ndị bụ ndị ahịa n’atụmatụ a kpọrọ ‘know your customer’ (KYC).

   O kwuru na onye ọbụla chọrọ imepe ọbaego ọhụrụ, na a ga-eji akara BVN na NIN nyochaa ma chọpụta ozi banyere onye ahụ.

   Ụlọọrụ a gara n’ihu kwuo na onye ọbụla na enweghi akara ndị a, na ha enyela ụlọakụ niile iwu ịmalite idebanye aha ndị a ka nwee ike nwetere akara ndị a.

7. 1 Disemba 2023Mmadụ ise emerụọla ahụ n'ụgbọelu ndịagha elu kpọkasịrị

   

   Ebe foto si, Screenshot/Other

   Mmadụ ise emerụola ahụ n'ụgbọelu ndịagha elu kpọkasịrị na Potakọt Rivas steeti n'ụtụtụ ụbọchị Fraịde.

   Nke a mere dịka ha bụ ndịagha elu na-akwado ịga kpọchapụ ndị omekome na-enye steeti ahụ nsogbu n'ebe elekere asaa nke ụtụtụ.

   N'ozi nke ọnụ na-ekwuru ndịagha elu bụ Edward Gabkwet binyere aka, o kwuru na o nweghi onye nwụrụ na ya bụ ihe mberede ma kwuo na mmadụ ise bụ ndị niile nọ n'ụgbọelu ahụ merụrụ ahụ.

   "Mmadụ ise ahụ zọtara ndụ ha ma nwee obere mmerụ ahụ, ha na-anata ọgwụgwọ ugbua n'ụlọọgwụ dị n'ọdọ ndịagha elu na Port Hacourt" ka o kwuru.

   Onyeisi ndị aghaelu bụ Hasan Abubakar nọ n'ụzọ a ga Port Hacourt ugbua ịleta ndị ihe mere bụ ihe ọzọ ozi ahụ kwuru.