Ndịagha Naịjirịa ruru 26 ebutela ọrịa coronavirus

Mkpuchi Na Eme Ozugbo

1. 11 Septemba 2020Mba Zambia emepeela ụlọakwụkwọ na ụlọ ịṅụ mmanya

   

   Ebe foto si, Getty Images

   Onyeisiala mba Zambia bụ Edgar Lungu ekwuola ka ụlọakwụkwọ na ebe a na-aṅụ mmanya jiri nwaayọ n’ihi coronavirus.

   Lungu kwuru nke a mgbe ọ na-agwa ndị ụlọomeiwu okwu na Lusaka banyere usoro a ga-ji na-emepe obodo n'ihi coronavirus.

   Ọ sị na ụlọakwụkwọ ga-amalite ọzọ n’ụbọchị iri na otu nakwa ụbọchị iri abụọ na atọ nke ọnwa Sepụtemba.

   N’otu aka ahụ ụlọ ebe a na-aṅụ mmanya ga na-agbape n’ụbọchị Fraịde ruo Sọnde site n’elekere isii ruo elekere iri na otu nke abalị.

   "N'ọnwa Maachị, enyere m iwu sị ka a gbachie obodo n'iji buo agha megide coronavirus. Anụla m ahụhụ ndị nwe ọdọ mmanya nakwa ebe a na-agba awantị maka mmechie a... Ya mere m ji kwuo ka e mepetu ebe ndị a malite na Fraịde." O kwuru.

   Ndị buterela coronavirus na Zambia dị 13,214 kamgbe ọ malitere n'ọnwa Maachị, mmadụ 300 anwụọla dịka Mahadum John Hopkins si kwuo.

2. 11 Septemba 2020Nkeji Coronavirus

   Gere akụkọ banyere coronavirus n'Afrịka n'otu nkeji

3. 11 Septemba 2020Ọnụọgụgụ ndị bu Coronavirus na mba India na-arị elu ọjị

   

   Ebe foto si, Getty Images

   Ọnụọgụgụ ndị na-ebute nje coronavirus na mba India na-agbali elu n'ike n'ike.

   N'ụbọchị Tọzde, mmadụ 96,551 butere nje a na India, nke a bụ ọnụọgụgụ kachasị a na-ahụ na mba ọbụla n'otu ụbọchị.

   Ihe karịrị otu puku mmadụ ka ọrịa coronavirus na-egbu na mba India kwa ụbọchị n'ime ụbọchị iri gara aga.

   Dịka Mahadum Johns Hopkins si depụta, ihe karịrị mmadụ nde anọ na ọkara ebutela nje coronavirus na India.

   Naanị na mba Amerịka ka ọnụọgụgụ ndị bu nje a karịrị nke India. Brazil bụ mba nke atọ.

4. 11 Septemba 2020Mmadụ 197 butere nje Covid-19 ụbọchị Tọzde

   

   Ebe foto si, NCDC

   Otu narị na iri itoolu na asaa bụ ọnụọgụgụ ndị a chọpụtara nje coronavirus n’ahụ ha n’ụbọchị Tọzde, dịka ngalaba National Centre for Disease Control si gụpụta.

   Na mpaghara ọwụwa anyanwụ, naanị mmadụ anọ n’Imo steeti butere nje a ọhụrụ.

   Lee ka ha si depụta ya:

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

5. 11 Septemba 2020Ụnụ apụtala ụra?

   Ụtụtụ ọma nụ ụmụ Igbo.

   Anyị amalitela mgbasaozi nke taa bụ Fraịde ahịa Nkwọ.

   Ndewo dịka ị na-esonyere anyị.

6. 10 Septemba 2020Ka chi foo

   Daalụ maka ịnọnyere anyị taa.

   Bịa nọnyekwara anyị echi ka anyị wetara gị akụkọ ga-amasị gị.

7. 10 Septemba 2020Gọọmentị Naịjirịa ehiwela "Survival Fund NG" maka azụmahịa ndị Covid-19 tipiara

   Gọọmentị Naịjiria ehiwela ihe a kpọrọ Survival Fund NG, nke bụ enyemaka ha chọrọ inye maka azụmahịa ntakịrị ndị mkpamkpa Coronavirus metụtara.

   Ha na-atụ anya inyere ihe ruru mmadụ otu nde na ụma asaa aka, dịka azụmahịa ụmụnwaanyị nwe ga-eketa pasentị iri anọ na, ebe ndị nwere ọrụsị ga-eketa pasentị ise.

8. 10 Septemba 2020Gere akụkọ gbasara coronavirus dịka ọ dị n'Afrịka taa

9. 10 Septemba 2020Anyị gbachibidoro nsogbu nkọ nri oge coronavirus- Buhari

   

   Ebe foto si, Muhammadu Buhari/Twitter

   Onyeisiala Naijiria bụ Muhammadu Buhari ekwuola na ọchịchị ya gbara mbọ gbuchie nsogbu ụkọ nrị oge coronavirus site na itinye ego n' ọrụugbo.

   Buhari kwuru nke a n'ọgbakọ ngalaba na-ahụ maka nchekwa nri bụ 'National Food Security Council' nwere nzukọ n’ụbọchị Tọzde, ebe ha kpara nkata maka ụzọ dị iche iche gọọmentị ga-esi nyere ndị na-akọ nri aka. Abuja.

   “N'afọ ise a gara aga, achị mere ọtụtụ ihe pụrụ iche . N'agbanyeghị na ihe Naijiria na-emepụta (GDP) ji pasent 6.1 were gbadaa, n'ọkara afọ 2020, n'ihi nsogbu coronavirus, ọrụ ugbo gara n'ihu n'ihi atụmatụ pụrụ iche gọọmentị tụgara."

   O kwuru mkpa ọ dị itinyekwu uchu n'ịkọpụta nri n'uju ma kwee nkwa na gọọmenti ga-eji atụmatụ ịkwado ọrụugbo gaa n'ihu.

10. 10 Septemba 2020'Donald Trump kpachiri ịgbasa ozi maka coronavirus'

    

    Ebe foto si, Getty Images

    "Donald Trump, onyeisiala mba Amerịka, kpachapụ anya jụ ịgbasa ozi maka ọrịa coronavirus, n'agbanyeghi na ọ ma nke ọma etu ya bụ ọrịa si jọọ njọ."

    Onye kwuru nke a bụ Bob Woodward, onye ntaakụkọ nakwa onye odeakwụkwọ.

    Woodward dere akwụkwọ ọhụrụ ebe ọ kọwara mkparịtaụka ya Trump nwere n'ọnwa Febụrụwarị afọ 2020 oge coronavirus abatabeghi n'Amerịka..

    Trump gwara ya n'oge ahụ na ya bụ ọrịa jọgburu onwe ya ma bụrụkwa ihe na-egbu mmadụ ngwangwa. Mana ọ ma ụma kpachie mgbasa ozi maka ọrịa coronavirus n'ihi na ọ chọghị ime ka ụjọ jide ndị mmadụ.

    Oge ọrịa coronavirus malitere ọhụrụ n'Amerịka, Trump gwara ndị mmadụ na ya bụ ọrịa bụ obere ihe nke ga-ala n'izuụka abụọ maọbụ atọ.

    Mana ugbua, ihe karịrị mmadụ nde isii (six million) ebutela nje a na mba ahụ ebe mmadụ otu puku narị na puku iri itoolu (190,000) anwụọla.

    Ọtụtụ ndị mmadụ na-ata Trump ụta maka na o meghị ihe o kwesịrị ime dịka ezigbo onye ndu iji dọọ ndị mmadụ aka na ntị gbasara ọrịa Covid-19, mana ọ na-agọrọ isi onwe ya, na-ekwu na o sighi ya n'aka.

11. 10 Septemba 2020Mmadụ 175 ọhụrụ butere coronavirus na Naịjirịa n'ụbọchị Wenesde

    Ụlọọrụ na-ahụ maka mgbochi ọrịa na Naịjirịa bụ NCDC ekwuola na ọ bụ mmadụ otu narị, iri asaa na isii ka a chọpụtara coronavirus n’ahụ ha na Wenesde.

    N’ime ndị a, mmadụ iri na anọ si Enugwu, anọ si Ebonyi.

    Nke a mere ọnụọgụgụ ndị buterela ọrịa a na Naịjirịa ji dị 55,632, ndị gbakerela dị 43,610 ebe ndị nwụrụla dị 1,070.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

12. 10 Septemba 2020Igbo kelee nụ

    Ụmụ Igbo, ụnụ asaala chi.

    Anyị na-anabata gị na mgbasa ozi nke taa bụ ahịa Afọ.

    Ya gaziere gị.

13. 9 Septemba 2020Ka chi foo!

    Nwanne na-echekwa onwe gị n’ihi na coronavirus amaghị onye wụ onye.

    Ka ọ dị mgbe chi bọrọ.

14. 9 Septemba 2020Ndị nọọsụ Zimbabwe akwụsịla abụbụọrụ ọnwa atọ ha gbara

    Ndị nọọsụ mba Zimbabwe na-akwado ịlaghachị ọrụ dịka ha kwụsịrị abụbụọrụ ha gbawara kemgbe ọnwa atọ.

    Gọọmentị ha kwere nkwa inye ha ngwa mkpuchi ha ga-eji na-echekwa onwe ha, ma kwekwa nkwa ịkwụlite ha ụgwọ ọnwa dị mma.

15. 9 Septemba 2020Jiri naanị otu nkeji gere akụkọ gbasara coronavirus dịka ọ dị n’Afrịka taa

16. 9 Septemba 2020Jirinu ndị NYSC rụwa ọrụ n'ụlọọgwụ mahadum - Gọọmentị etiti Naịjiria

    Gọọmentị Naịjirịa enyela iwu ka ndị isi ụlọọgwụ ndị dị na mahadum malite iji ndị na-efe ala nna otu afọ, na-arụ ọrụ ozugbo.

    Nke a na-abịa dịka ndị dọkịta malitere ịgba abụbụọrụ n’akụkụ Naịjirịa niile n’izu a, maka ụgwọ nchekwa maka ọdachi nke covid-19 e ji ha.

17. 9 Septemba 2020A chụọla ọlọọrụ ahụike mba Liberia

    

    Ebe foto si, Getty Images

    A chụọla Mosoka Fallah bụ onyeisi ngalaba na-ahụ maka ahụike mba Liberia ka ọ nọrọ naanị ọnwa anọ n’ọkwa ahụ.

    Onyeisiala mba ahụ bụ George Weah kwuru na ọ bụ n’ihi na aka enwe bara n’ofe etu o si lụọ agha coronavirus na mba ahụ ka e ji chụọ ya.

18. 9 Septemba 2020Ihe mere e ji kwụsị nwale ọgwụ mgbochi coronavirus na mahadum Oxford

    

    Ebe foto si, Reuters

    A kwụsịtụla mwale ọgwụ mgbochi coronavirus a na-eme na mahadum Oxford dịka otu n’ime ndị e ji anwale ọgwụ a malitere ịrịa ihe ọzọ a na-amaghị ihe ọ bụ.

    Ụlọọrụ nwe ọgwụ a bụ AstraZeneca sị na nkwụsị a bụ ihe a na-eme ma ọ bụrụ ụdị ihe a dapụta.

    The outcome of vaccine trials is being closely watched around the world.

    Ọgwụ a so na otu n'ime ọtụtụ ọgwụ ndị a na-anwale na mbaụwa gbaa gburu gburu ma bụrụkwa otu n'ime ndị kachasị gbapụta ihe.

    Olileanya dị na ọgwụ a nwereike iso na ndị ga-ebu ụzọ bata n'ime ahịa maka nwale nke mbụ na nke abụọ ya mere nke ọma.

    Mmadụ ruru puku iri atọ si mba Amerịka, UK, Brazil na Saụt Afrịka so mee nwale ya nke atọ n'izuụka ole na ole gara gara.

19. 9 Septemba 2020Mmadụ narị abụọ na iri itoolu na isii butere coronavirus na Naịjirịa na Tuzde

    Mmadụ narị abụọ na iri itoolu na isii butere ọrịa coronavirus n’ụbọchị Tuzde dịka ụlọọrụ na-ahụ maka mgbochi ọrịa bụ NCDC si depụta ya.

    Steetị Legọs ka bụ ebe ọrịa a ka gbaa mgbọrọgwụ dịka ndị buterela ọrịa na steetị ahụ dị puku iri na asatọ, narị anọ na iri abụọ na abụọ.

    Ndị buterela ọrịa a na Naịjirịa ugbua dị puku iri ise na ise, narị anọ na iri ise na isii, ndị gbakerala dị puku iri anọ na atọ, narị atọ na iri atọ na anọ.

    Ebe ndị nwụrụla dị puku iri na iri isii na asaa.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

20. 9 Septemba 2020Ụnụ abọọla chi

    Ụtụtụ ọma ụmụ Igbo.

    Ka taa bụ Wenezde, ahịa Orie, wetara onye ukwu na onye nta ihe ọma.