Southeast insecurity: Ihe mere Ohanaeze Ndigbo jiri nye ndị gọvanọ izuụka abụọ ihibe Ebubeagụ na steeti ha

Onyeisi Ohanaeze Ndigbo bụ George Obiozor ekwuola ka ehibe atụmatụ nchekwa Ebubeagụ na mpaghara Ọwụwa Anyanwụ Naịjirịa niile tupu afọ 2021 abịa na ngwụcha.

Ọ sị na ihe a bụ imezu nkwa gọvanọ ndị a kwere, nke ọ sị ga-enye nka nke ukwuu banyere nchekwa mmadụ na akụnaụba ọha.

Maazị Obiozor kwuru nke a dịka ọ na-agbasa ozi Ekeresimasị ya n'Owere n'ụbọchi Fraịde.

Ihe i kwesịrị ịma maka George Obiozor bụ onyeisi ọhụrụ Ohanaeze Ndigbo

Ndị ọjọọ agaghị etinyenwu ọgbaaghara n'etiti ndị Igbo na ndị Yoruba - George Obiozor

Ipob asaala George Obiozor nke Ohanaeze Ndigbo maka okwu ọ gwara Nnamdi Kanu

O kwuru na afọ 2021 tarala ụwa dum ma ndị Igbo akpụ dịka ndi ntoroọbịa malitere inye nsogbu.

Ọ sịkwa na mmekpa ahụ ndị ọrụ nchekwa sokwa na nsogbu zutere Ọwụwa Anyanwụ n'afọ 2021.

Mana, banyere nchekwa adịghị etu o siri kwesi na mpaghara ahụ, Maazị Obiozor ihe amalitela ịgbanwe ugbua.

Ọ bụ ndọrọndọrọ ọchịchi butere nchekwa adịghị n'Ọwụwa Anyanwụ

Obiozor sịrị na ọ bụ site na ndọrọndọrọ ọchịchi ka mkpa mkpa na-akpa n'Ọwụwa Anyanwụ siri malite. Ọ sịrị na nke a bụ iji meghara ihu ndị Ọwụwa Anyanwụ na nke ndị Naịjirịa.

Dịka o siri kwuo: "Nchekwa adịghị bu ajọ ụta a gbara Ọwụwa Anyanwụ. Anyị bụ Ohaneze na-ekwu na ndị kpara nkata a adara ajọ ada.

Okwu maka inye Ọwụwa Anyanwụ ọchịchị Naịjirịanwonw

Dịka onyeisi Ohanaeze Ndigbo siri kọwa, atụmatụ nchekwa adịghị etu o siri kwesi abụghị ihe ga-eme ka aghara inye ndị Ọwụwa Anyanwụ Naịjirịa ohere ịchị mba ahụ dịka onyeisiala.

Ohanaeze Ndigbo na ụfọdụ ndị ndọrọndọrọ ọchịchị Naịjirịa na-ekwu na afọ 2023 bụ oge ndị Ọwụwa Anyanwụ Naịjirịa kwesiri iwepute onye ga-azọ ọchịchị onyeisiala Naịjirịa n'okpuru patị abụọ seputere isi ọfụma.

Mana ruo ụgbụa, pati "All Progressives Congress" (apc) na pati "Peoples Democratic Party" (PDP) ekwubeghị ma ha a ga-enye ohere.

Patị APC ekwuola na ha ga-enye ndị ndịda Naịjirịa ohere ịzọ ọkwa ahụ, mana PDP ekwubeghị mpaghara ọbụla ma ncha.

Obiozor siri na ndị Igbo kwenyere n'ịdị n'otu Naịjirịa mana ọ bụghị ịdị n'otu nke ga-eme ụfọdụ eze ma mee ụfọdụ ndị odibo.

Ọhanaeze sị na atụmatu ime ndị Ọdịda Anyanwụ Naịjirịa ka obi dị ha mma ma mezie ọnọdụ Naịjirịa mere e jiri nye ha ohere ịzọ ọkwa onyeisiala n'afọ 1999.

Ugbua, dịka Maazị Obiozor siri kwuo, inye onye Ọwụwa Anyanwụ ohere ịbụrụ onyeisiala Naịjirịa ga-eme ka ndị Igbo kwenyere na ha kwụsị ike na Naịjirịa.

Ihe ndị ọzọ Obiozor metụrụ ọnụ bụ mkpa mkpa ọgwụike a na-akpọ mkpụrụ mmiri na akpa n'Ọwụwa Anyanwụ.

Ọ dọrọ ndị ntoroọbịa aka na ntị banyere itinye aka n'ụdịrị ihe a.

Ọ sịkwa na aka ọgwụike a dị n'ọgbaghara na-ada na mpaghara Ọwụwa Anyanwụ na nso nso a.