Afcon 2021: Wa zai kai zagayen gaba tsakanin Burkina Faso da Gabon?

Ranar Lahadi za a fara wasan zagaye na biyu a gasar cin kofin Afirka, inda za a kece raini tsakanin Burkina Faso da Gabon a karawar da za su yi a Limbe.

Rana: 22 January 2022

Lokaci: 17:00 agogon Kamaru (16:00 GMT)

Wuri : Limbe Stadium, Limbe

Tun daga 2003 tawagogin sun fafata sau tara a tsakaninsu a dukkan haduwa, inda Gabon ta ci wasa uku da canajaras hudu, yayin da Burkina Faso ta yi nasara a biyu.

Burkina Faso ta yi rashin nasara a wasa daya daga tara baya da ta yi, wadda ta ci hudu da canjaras hudu.

Gabon ba ta yi rashin nasara ba a wasa shida baya a Afcon mai nasara daya da canajaras biyar, koda yake wasa daya ta ci a fafatawa takwas da canjaras biyar da rashin nasara biyu, tun bayan da ta doke Burkina Faso 2-0 a 2015.

Idan Burkina Faso ta yi nasara za ta kai quarter finals kenan karo na uku a gasa hudu a Afcon, wadda ta yi ta hudu a 1998.

Wasannin da suka buga a tsakaninsu:

Wasan sada zumunta 2 ga watan Janairu 2022

Gasar kofin Afirka 18 ga watan Yunin 2017

Gasar kofin Afirka 17 ga watan Junin 2015

Gasar kofin Afirka 15 ga watan Oktoban 2014

Gasar kofin Afirka 11 ga watan Oktoba 2014

Wasan shiga gasar kofin duniya 7 ga watan Satumba 2013

Wasan shiga gasar kofin duniya 9 ga watan Yunin 2012

Wasan sada zumunta 9 ga watan Yunin 2012

Wasan sada zumunta 8 ga watan Nuwamba 2003