Keylor Navas: Kwazon mai tsaron ragar ne 'zai sa PSG ta lashe Champions League'

Mai tsaron ragar Paris St Germain, Keylor Navas na taka rawagar da ta dace a bana a wasannin Faransa da na Zakarun Turai.

A kakar 2020/21, mai tsaron ragar ya koma kan ganiya musamman karkashin sabon koci Mauricio Pochettino, bayan da yake da Ligue 1 da kuma Trophee des Champions.

Navas ya zama kashin bayan PSG a kokarin da take na kare kofin Ligue 1 da ta lashe a bara.

A wasa 15 da ya tsare ragar PSG a bana, kwallo bakwai ne ya shiga ragarsa da yin wasa 10 ba tare da an ci shi ba.

Ko a wasannin cikin rukuni a Champions League kwallo bai shiga ragarsa ba a karawa biyu da kuda shida da suka shiga ragarsa a gasar.

Kocin Real Madrid, Thibaut Coutois da ake ganin ba kamarsa a bana bai kai kokarin Navas ba.

Courtois, Golan Belgium an ci shi kwallo 15 a wasa 18 da wasa takwas da ba a zura masa kwallo a raga ba.

Shi kuwa Golan Barcelona, Marc-Ander ter Sregen wasa biyar ya yi kwallo bai shiga ragarsa ba, yayin da aka zura masa 11 a wasa 12 a bana.

A bara ne Paris St Germain ta kai wasan karshe a Champions League kofin da take burin ta lashe, wanda Bayern Munich ta yi nasarar dauka.

Wannan kokarin da Navas ke sawa zai iya kai PSG ta lashe kofin Ligue 1 da na Champions League a karon farko a bana.