Mai Brescia ya ce ya yi kuskure da ya dauki Mario Balotelli

Karanta rubutu kawai domin rage cin data
Massimo Cellino and Mario Balotelli

Asalin hoton, Getty Images

Bayanan hoto, Mario Balotelli ya ci kwallo biyu a wasa takwas da ya buga a bana
An wallafa

Mai kungiyar Brescia, Massimo Cellino ya ce ya yi da-na sani da ya dauki tsohon dan wasan Manchester City da Liverpool, Mario Balotelli.

Balotelli, mai shekara 29 ya ci kwallo biyar tun bayan da ya koma kungiyar a bara.

Sai dai kuma Cellino ya ce Balotelli zai iya barin kungiyar wadda take ta karshe a kasan teburin Serie A

Ya kara da cewar ''Dan wasan bai zuwa atisaye, bai damu da kungiyar ba balle makomarta''

Cellino ya kuma ce ''Balotelli yana da kwantiragi a gasar Serie A, bai da ita a Serie B, saboda haka da zarar mun fadi shi kuwa zai zauna bai da kungiya.''

Balotelli ya yi fama da kalaman wariya a lokacin wasa karo biyu a kakar bana a Serie A, har sai da aka ci tarar Lazio Yuro 20,000, bayan da magoya bayanta suka yi masa kamalan wariya.