Tristan da Cunha: Mutanen da ke rayuwa a garin da ke kan tsauni a tsakiyar teku

Karanta rubutu kawai domin rage cin data

Tsibirin Tristan da Cunha na karshen kudancin teku — Bayanan hoto, In kaga wani tudu mai kama da dutse mai aman wuta a tsakiyar teku to yankin Tristan da Cunha ne

An wallafa 4 Oktoba 2020

"Ba zan iya rayuwa a ko ina ba" Harold Green ya shaida wa BBC a 'yan shekarun baya.

Amma Tristan da Cunha, ko kuma TDC ba wajen zaman matsorata ba ne.

Za a iya cewa duk abin da ake cewa a kansa ana rage darajarsa ne.

Idan kana son ganin wajen da ake rayuwa kamar a duniya kamar a ƙarnin baya to ga shi:

Ka fara hawa jirgi zuwa Cape Town da ke Afrika Ta Kudu
Sai a hau kwale-kwale
Tafiyar kwanaki 18 cikin teku mara daɗin tafiya a duniya, babu fatan samun hutu a wajen da yayyafin ruwa ke neman haɗewa da samaniya, kuma ido ya fara hango wani ƙaton tudu abin birgewa
Ka fara shirye-shiryenka, ka kuma yi addu'a kada iska mai ƙarfi ta taso ta kifar da kwale-kwalenka.
Ka gyara kwale-kwale kafin iska ta gwara shi da duwatsu ya kakkarye - ko kuma ka yi ban kwana da shi - kai kuma wani ya tsintoka a wani wajen wata rana
Ka yi sallama da Edinburgh da ke tsakiyar teku mai hawa bakwai, babban birnin Tristan da Cunha wanda shi ne kuma mazauninsu tilo

Ba shakka za ka iya amfani da kwale-kwale masu sauri: ka mayar da tafiyar ta kwana shida a jirgin ruwan da ake kira SA Agulhas - sai dai shi kuma matsalarsa tafiyar kilomita 2,810 yake yi sau daya a shekara, kuma taƙaitattcen filin ajiye kaya ne da shi. Ko kuma za ka iya samun ragin hanya a jiragen kamun kifi da suke zuwa suna komawa.

Haka yake da wahala zuwa yakin Tristan de Cunha ko kuma zama a can.

"Rayuwar abokai"

'Yan yankin Tristan de Cunha a mashaya — Bayanan hoto, Mashaya mafi kyau a garin - kuma ita daya tilo

Duk mutanen yankin su 245 mata 133 sai kuma maza 112 a lokacin da aka yi ƙidayar karshe. Kuma dukkansu sana zama a Edinburgh ne.

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

Garin na da wajen shan shayi, da dakin zamantakewa, da wajen aika wasika da kuma mashaya.

Akwai wani ɗan karamin asibiti na zama da kuma wata makaranta ƙarama.

"Sai dai idan ka bar tsibirin, amma mutanen da ka yi makaranta da su, su ne mutanen da za ka ƙare sauran rayuwarka da su," in ji Alasdair Wyllie wadda ta rike matsayin mai ba da shawara a ɓangaren noma, amma ta bar yankin a bayan nan.

Tsibirin Tristan da Cunha a taswirar Google — Bayanan hoto, Tun da kamfanin Suez canal ya bude a 1869, hanyar mashigar ruwan yankin ta daina aiki

Anan ne za ka iya haduwa da wadda za ka aura, tun kafin ka fara tunanin aure.

Watakila kuma wani abin mamaki shi ne, in dai kai dan asalin tsibirin ne, da yiwuwar ka riƙa amsa daya daga cikin sunayen yankin shida: Lavarello da Repetto da Rogers da Swain da Green da kuma Glass.

Akwai kuma mazauna yankin biyu da ba a haifesu ba a yankin: wani mutum da matarsa da suka yi aure suka yanke shawarar zama da iyalansu a yankin.

Akwai kuma likita da malami da suke zuwa na wani lokaci daga Burtaniya, saboda yankin a ƙarkashin kulawar Burtaniya yake.

Nishaɗi

Aerial view of TDC — Bayanan hoto, TDC daya ne daga cikin duwatsun da ke aman wuta- Queen Mary's Peak - wanda ya yi aman wuta na karshe a 1961

"Wajen ba hayaniya, za ka rika jin motsin ciyayi" in ji Harold, wadda ta ce tana son zaman lafiya da kuma shirun da mahaifarta ke da shi.

16 ga watan Oktoba 1961: wasu iyalai a kofar gidansu a tsibirin Tristan da Cunha. — Bayanan hoto, Wasu iyalai a 1961, a wajen gidansu - bayan aman wutar da dutsen ya yi, sun yi amfani da ciyayi sun ara gina muhallinsu

Amma intanet "ba shi da ƙarfi a wurin koma in ce ba shi da kyau."

Wani lokacin ma kiran da ake na waya kyauta ne ba a ɗaukar kuɗi.

Akwai wani titi guda da za ka iya tafiyar kilomita uku a jikinsa da ke gefen ruwa, wasu jerin duwatsu ne da aka yi katanga da su saboda kare iska.

Aerial view of "the patches" — Bayanan hoto, Tsohuwar katangar duwatsu da ke kare iska daga shigowa inda mutane suke

Akwai kuma yiwuwar yin tafiyar ƙasa a tsibirin mai cike da korayen ganye - wanda bai fi ɗakin kilomita 10 ba - zai kuma dauke ka mita 2,062 na hawa da saukar da za ka yi kan tudu kafin ka je bakin teku.

A takaice dai babu wani waje da yake lebur, kuma wannan katangar duwatsun da aka yi ta mamaye kaso biyu cikin uku na yankin.

Duka dai kasar wajen ruwa ne

Bayanan hoto, Tsibirin Nightingale, da burbushin baki mai wahalar zuwa - yadda yake daga nesa

Tristan da Cunha, ko kuma kawai yankin Tristan kamar yadda wasu suka fi sani, shi ne ainihin inda duwatsu masu aman wuta suke.

Tsibirin Nightingale nan ne inda ƴan yankin Tristan suke zuwa hutu wani lokacin kuma wuri ne da ba a fiye ninƙaya a cikinsa ba saboda wajen rayuwar manyan kifaye ne.

View from the sea of the island and its perilous cliffs — Bayanan hoto, Ka ga yadda yankin da ba a iya zuwa ya samu sunansa

Babu 'ya'yan itace babu kayan miya

Empty shelves at the supermarket — Bayanan hoto, Dokar kulle a Afrika Ta Kudu na nufin farin abubuwa da yawa a yankin Tristan

Zama a wannan yankin da ake irin rayuwar baya a duniya na nufin babu wata magana ta killace kai - yanayin nisa zai maka wannan aiki.

''Amma don babu mai ɗauke da Covid-19 ba ya nufin cutar ba ta shafe mu ba,'' in ji wata mazauniyar yankin Fiona Kilpatrick.

Dokar kullen na nufin jiragen ruwan Afrika Ta Kudu da suke kawo kaya tsibirun ba za su bar Cape Town ba.

Farin cikin haihuwa

Wheelbarrow races day — Bayanan hoto, Mazaunan yankin na farko sun isa Transtan ne a 1800 kuma wasu har yanzu akwai masu amfani da irin sunayen farko na mutanen

Amma wani abun mamaki, shi ne wata yarinya da aka haifa da cutar a farkon wannan shekarar.

"Domin gudun matsala mata da yawa na tafiya Afrika Ta Kudu gab da za su haihu. Amma saboda dokar kullen ta katse duk wata hanyar sadarwa, don haka aka haifi yarinyar a nan a Trintan," in ji Alasdair.

Amma duk da uwar da 'yar suna lafiya, kuma duka jama'a sun yi farin ciki da haihuwar.

Mutanan farko da suka fara zama a yankin a farkon 1800 suna da yawa, amma tun daga nan yawan jama'ar yake yin gaba ya yi baya, cikin gwamman shekaru dai raguwa yake yi.

1799 engraving showing a general view of the main island of Tristan da Cunha - by Ambroise Tardieu from Voyage dans l'interieur de la Chine. — Bayanan hoto, Wani mai bincike dan kasar Portugal ne ya fara gano yankin Tristão da Cunha a 1506, amma igiyar ruwa ta hana kwale-kwalensa karasawa wurin, sai dai shi ne ya radawa yankin sunan da ake kiransa a yau.

Akwai wani kyakkyawan labari na cewa an kai wasu 'yan mata uku Burtaniya su yi sakandire, kuma ɗaya daga cikinsu za ta ci gaba da karatu mai zurfi, in ji Alsdair.

A karon farko an samu macen da za ta je jami'a a wannan ɗan ƙaramin yanki.

"Shugabannin yankin na cewa ga duk mai sha'awar komawa yankin har abada ƙofa a buɗe take" in ji Alasdair.