Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Labarai da bayanai kai-tsaye game da wasan karshe a Gasar Cin Kofin Kasashen Afirka AFCON 2019.
Umar Rayyan and Umar Mikail
A za muka kawo karshen kawo bayanai da sharhi kan wasan karshe na lashe kofin Afirka.
Muna yi wa magoya bayan Aljeriya murna, tare da taya magoya bayan Senegal bakin ciki.
Sai wani lokacin.
Wannan nasara ba karama ba ce ga Riyad Mahrez, wanda dama tuni ya lashe kofin Firimiyar Ingila tare da Man City.
Yanzu matsayinsa zai kara sama a harkar kwallon kafa.
Shi ne gwarzon dan kwallon kafar Afirka na BBC a 2016 da kuma CAF
Magoya bayan Aljeriya kenan suna murna a birnin Marsel na kasar Faransa
Aljeriya ta sake lashe kofin kasashen Afirka.
Wannan shi ne karo na biyu da suke daga kofin. Sun dauki na farko a shekrar 1990, bayan shekara 29 ga shi sun dauki na biyu.
Alkalin wasa ya ba Mandi katin gargadi.
Aljeriya na dab da daukar kofin Afirka a karo na biyu cikin shekara 62 da aka fara gasar. Rabonsu da kofin tun a shekarar 1990, shekara 29 kenan
Alkalin wasa ya kara minti hudu.
Islam Silaimani ya karbi Baghdad Bounedjah na Aljeriya
An yi wa Keita na Senegal keta, amma an yi bugun tazara kwallon ta fita.
Tahrat na Aljeriya ya canja Feghouli.
Ismaila Sarr na Senegal ya zubar da kwallo mai kyan gaske.
A cikin yadi na 18 ya harba kwallo sama bayan ya gama kintsawa kafin ta diro daga sama, amma ya harba ta saman raga a minti na 83
An bai wa Gassama na Senegal katin gargdi, kuma shi ne na biyu da aka ba su.
Hankalin Aljeriya ba a kwance yake ba a wannan wasa, sun ci amma ba su huta ba, sannan kuma babu alamun za su kara kwallo ta biyu
Djamel Benlamri na Aljeriya ya ji rauni a fuskarsa, ya fita wajen fili don neman magani.
Mbaye Diagne ya canji Henry Saivet na Senegal
Aljeriya ta samu bugun kwana, amma Senegal ta cire kwallon.