Liverpool ta yi kaca-kaca da Barcelona

Rahoto kai-tsaye

1. 7 Mayu 2019Saura minti 15 a tafi hutun rabin lokaci, Liverpool 1-0 Barcelona

   Liverpool na ci gaba da kokari amma kwallayen da suke kai wa bakin ragar Barcelona ba wasu masu hadari ba ne.

2. 7 Mayu 2019Robertson, Liverpool 1-0 Barcelona

   Robertson ya tsige kwallo mai hadarin gaske zuwa bugun kwana.

   Barcelona sun bugo kwana amma babu hadari ga Liverpool

3. 7 Mayu 2019Robertson, Liverpool 1-0 Barcelona

   Robertson ya dada kwallon mai zafin gaske. Da kyar da yarfe gumin goshi Stegen ya buge ta.

   Liverpool na ci gaba da matsawa kuma da alama suna kokarin samun wani abu a farkon wasan nan

4. 7 Mayu 2019Wasa ya sake daukar zafi, Liverpool 1-0 Barcelona

   Wasa ya sake daukar zafi, inda Barcelona ta kai wa Liverpool hari amma babu ci.

5. 7 Mayu 2019Messi, Liverpool 1-0 Barcelona

   Messi ya kusa jefa kwallo a ragar Liverpool. Ya yi kokarin yanke Van Dijk amma inaaaa. Van Dijk ya sakace kwallon

6. 7 Mayu 2019Yadda wasan ke gudana, Liverpool 1-0 Barcelona

   Yadda wasan ke gudana bayan minti 15 da farawa.

7. 7 Mayu 2019Messi, Liverpool 1-0 Barcelona

   Messi ya kai harinsa na farko a wasan, kuma da kyar Alisson ya yi wa kwalloin gada zuwa bugun kwana.

   An bugo kwanar amma babu wani hadari ga Liverpool

8. 7 Mayu 2019Liverpool, Liverpool 1-0 Barcelona

   Liverpool sun kama da wuta sosai, inda suke aiki tukuru a 'yan mintunan da aka yi zuwa yanzu.

9. 7 Mayu 2019GO! Origi ya jefa kwallo a ragar Barcelona, Liverpool 1-0 Barcelona

   Liverpool ta zura kwallo a ragar Barcelona a minti na bakwai da fara wasa.

   Henderson ne ya shigo da kwallon shi kadai cikin tsakiyar yadi na 18 din Barcelona, inda ya yanke mutum biyu kuma ya buga ta raga. Da kyar Stegen ya kare ta. Nan take kuma Origi ya kara buga ta kuma ta kwanta cikin ragar Barcelona.

10. 7 Mayu 2019Wasa ya fara daukar zafi, Liverpool 0-0 Barcelona

    Wasa ya fara daukar zafi duka bangarorin sun fara kai wa juna hare-hare, sai dai har yanzu babu ci.

11. 7 Mayu 2019Liverpool ta kai kora, Liverpool 0-0 Barcelona

    Mane ya jawo kwallo cikin yadi na 18, inda Henderson ya kusa jefa ta cikin ragar Barcelona. da kyar 'yan bayan Barcelona suka fitar da ita bugun kwana.

    Wannan shi ne yunkuri na farko a wasan

12. 7 Mayu 2019An fara wasa!, Liverpool 0-0 Barcelona

    Wajibi ne Liverpool ta ci 4 a wannan wasa kafin ta samu damar wucewa.

13. 7 Mayu 2019Sau biyar Barcelona da Liverpool suka taba lashe kofin gasar

    Sau biyar kowanne daga cikin kungiyoyin biyu suka taba lashe kofin gasar.

14. 7 Mayu 2019Ra'ayoyinku daga Facebook, Liverpool da Barcelona

15. 7 Mayu 2019Ana shirye-shiryen fara wasa

    Ana shirye-shiryen fara wasa a filin wasa na Anfield duka 'yan wasan kungiyoyin biyu suna tsinka jini.

16. 7 Mayu 2019Ra'ayoyinku, Liverpool da Barcelona

17. 7 Mayu 2019Ra'ayoyinku, Liverpool da Barcelona

18. 7 Mayu 2019Mohammed Salah, Liverpool da Barcelona

    Yau sarki daya ne a cikin fili, kuma ba wata tantama shi ne Messi.

    Sai dai daya sarkin na Liverpool Mo Salah yana shawartar abokan wasansa da magoya baya da kada su karaya.

    Abin da aka rubuta a rigarsa: "Kada ku sake ku karaya"

19. 7 Mayu 2019'Yan wasan da za su taka wa Barcelona leda, Liverpool da Barcelona

    Wadannan su ne 'yan wasan da ake sa ran za su fara yi wa Barcelona wasa

20. 7 Mayu 2019'Yan wasan da za su taka wa Liverpool leda, Liverpool da Barcelona

    Wadannan su ne 'yan wasan da ake sa ran Liverpool za ta fara wasa da su