Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Labarai da sharhi game da yadda Liverpool da Barcelona ke karawa a wasan kusa da na karshe a gasar Zakarun Turai a filin wasa na Anfield.
Kocin Barcelona Ernesto Valverde ya ce "Ni ban san ta yadda wannan wasan zai shafi aikina ba, amma dole koci ya dauki alhalkin duk abin da ya faru.
"Abin takaici ne a wurinmu, karo na biyu kenan da haka take faruwa da su".
dan wasan tsakiyar Barcelona Sergio Busquets ya nemi afuwar magoya bayansu.
Ya ce: "Bayan abin da ya faru a Rome shekarar da ta gabata ta kuma faruwa. Abu ne mawuyaci a cinye ka bayan kana da nasarar 3-0. Muna bayar da hakuri."
Rio Ferdinand ya ce ba za ka taba samun irin wannan ba sai a kwallon kafa.
Ya ce: "Ni dan wasan kungiyar adawa ne amma wajibi ne ka jinjina wa Liverpool da magoya bayansu a wannnan dare. Mun zo kallon Messi ne don ya yi nasara".
Liverpool ta kai wasan karshe a gasar cin kofin Zakarun Turai na Champions League, bayan da ta yi nasara a kan Barcelona 4-0 ranar Talata a Anfield.
Liverpool ta ci kwallaye biyu ta hannun Divock Origi, sannan shima Georginio Wijnaldum ya ci biyu a karawar.
Barcelona ce ta ci 3-0 a makon jiya a Nou Camp, amma Liverpool ta zare su sannan ta kara daya a raga, inda ta kai wasan karshe da kwallo 4-3.
Liverpool tana ta biyu a teburin Premier, za ta buga wasan karshe da Wolverhampton ranar Lahadi.
Wayyo Allahna!!!!
Wannan wane irin dare ne. Duniyar kwallon kafa na cikin wani yanayi na karya tarihi.
Yayin da ka tabbatar kana da lasisin zuwa birnin Madrid😛😝🕺🕺🕺
Liverpool na kan hanyarsu ta zuwa wasan karshe a karo na biyu a jere
Alkalin wasa ya kara minti biyar kafin a tashi wasan. Idan aka tashi wasan a haka Liverpool ta yi nasara ke nan.
Daniel Sturidge ya shigo cikin fili, inda ya canji Shaqiri a minti na 90
Barcelona sun matsa kora, amma masu tsaron bayan Liverpool sun kare gidansu.
Van Dijk ya tare kwallo mai hadari a cikin yadi na 18 dinsu
Gomez ya karbi Origi
Wannan wani salo ne daga Klopp don tabbatar da nasarar da suke da ita a yanzu.
Gomez dan wasan baya ne kuma ya canji na gaba, wanda shi ne ma ya ci kwallo 2 daga ciki
Origi ya fadi a tsakiyar fili yana karbar kulkawa.
Saura minti 6 a tashi daga wasa.
Origi ya cilla kwallo ta 4 a ragar Barcelona.
Dama taken Liverpool shi ne "ba za mu bar ka kai kadai ba"
An bai wa Samedo katin gargadi
Arthur ya canji Vidal a minti na 74.
Vidal ya yi kokari sosai ganin yadda ya rika kaiwa da komowa a tsakiyar fili.
Minti 73, kuma komai na tafiya yadda Liverpool ke bukatarsa.
Liverpool na kokarin zama kungiya ta 3 da ta ci wasa bayan an ci ta 3-0 a wasan farko a matakin kusa da karshe a gasar Zakarun Turai ta Chamapions Leahgue da kum Europa.
Muna jiran ganin karshen wannan dare mai cike da tarihi