BBC News, Hausa
Tsallaka zuwa abubuwan da ke ciki

Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.

Koma shafi mai hoto

Samu ƙarin bayani kan shafin tattalin data

Yadda Real Madrid ta lashe kofin Zakarun Turai

Real Madrid ta yi nasarar lashe kofin Zakarun Turai karo na uku a jere bayan ta doke Liverpool ci 3-1 a wasan karshe da suka fafata a birnin Kiev na Ukraine.

Rahoto kai-tsaye

Awwal Ahmad Janyau

  1. Ko ficewar Salah baraka ce ga Liverpool?, Real Madrid 0-0 Liverpool

  2. An sako Lallana, Real Madrid 0-0 Liverpool

    Lallana ya canji Salah

  3. Salah ya ji rauni an fitar da shi, Real Madrid 0-0 Liverpool

    Ya fita fili yana kuka

  4. Sau biyar Klopp na shan kashi a wasannin karshe

    Kocin Liverpool, Jurgen Klopp, ya sha kashi a wasannin karshe na muhimman gasa shida ciki har da wasan karshe na zakarun Turai biyu.

    A karon farko dai Klopp yana tare ne da Borussia Dortmund, a lokacin da suka sha kaye a hannun Bayern Munich a wasan karshe na gasar zakarun Turai ta shekarar 2013 da aka buga a filin wasa na Wembley, yayin da na biyun ya zo a lokacin da Liverpool ta sha kaye a hannun Sevilla a wasan karshe na gasar Europa.

    Idan Liverpool ta sha kaye a yau, Klopp zai zama koci na hudu - bayan Max Allegri (a shekarar 2015 da 2017), Diego Simeone (shekarar 2014 da 2016) da kuma Hector Cuper (shekarar 2000 da 2001) - da suka fuskanci irin wannan rashin nasarar a wasanni karshe na gasar zakarun Turai.

    Sai dai kuma kungiysar ba ta da irin wannan mummunar tarihin. Babu wani dan wasan da ya buga wa Liverpool a wannan kakar da ya taba buga wasan karshe a gasar zakarun Turai, sabanin 'yan kungiyar Real Madrid, inda takwas daga cikinsu ke fatan cin kofin a karo na hudu.

  5. Ramos ya yi wa Salah keta, Real Madrid 0-0 Liverpool

    Salah ya fadi ana duba lafiyarsa bayan Ramos ya ma sa mugunyar keta

  6. Liverpool na taba Madrid, Real Madrid 0-0 Liverpool

    Liverpool sun fara da karfinsu. Ko za su daure a haka?

  7. Liverpool ta kai hari amma golan Madrid ya kame kwallon, Real Madrid 0-0 Liverpool

  8. Kofin Zakarun Turai na biyar Ronaldo ke hari, Real Madrid 0-0 Liverpool

    Ronaldo na harin lashe kofin zakarun Turai na biyar, tarihin da ‘yan wasa hudu kawai suka taba kafawa

    Dan wasan ne kuma ya fi yawan cin kallaye a gasar a bana inda ya ci 15.

    Sau shida a jere ke nan Ronaldo ya fi kowa cin kwallo a raga a gasar Zakarun Turai.

  9. Ronaldo ya sauya wuri, Real Madrid 0-0 Liverpool

    Ronaldo ya koma gefen dama bayan ya fara a gefen hagu

  10. Ronaldo ya kai hari, Real Madrid 0-0 Liverpool

    Amma ya dirka kwallon saman ragar Liverpool

  11. Haduwa ta biyu tun 1981, Real Madrid 0-0 Liverpool

    Karo na biyu ke nan da Real Madrid ta hadu da Liverpool tun 1981 a Paris da Madrid ta yi nasara da ci 1-0

  12. Real Madrid ta koma tsaron gida, Real Madrid 0-0 Liverpool

  13. ‘Kwarewar Madrid a gasar ba komi ba ne’, Real Madrid 0-0 Liverpool

    Kocin Liverpool Jurgen Klopp ya ce lashe kofin zakarun Turai abu ne da ke jinin Liverpool. A cewarsa, duk da Madrid ta goge a gasar, hakan ba zai razana ‘yan wasan shi ba.

    Klopp ya taba jagorantar Borussia Dortmund wasan karshe a gasar zakarun Turai a 2013 amma ya sha kashi a hannun Bayern Munich.

  14. Liverpool ta matsawa Real Madrid, Real Madrid 0-0 Liverpool

    Liverpool na son ta yi gaggawar zura kwallo

  15. Modric ya tare kwallon da Salah ya buga a gidan Madrid

  16. Ramos ya yi wa Salah keta, Real Madrid 0-0 Liverpool

  17. An fara wasa da zafi, Real Madrid 0-0 Liverpool

    Liverpool ta kai kora biyu a gidan Madrid.

  18. Real ta kai hari, Real Madrid 0-0 Liverpool

    Ronaldo ya kai kora amma Isco ya yi satar gida

  19. Andriy Shevchenko ne ya gabatar da kofi a fili kafin soma wasan

  20. An fara wasa, Real Madrid 0-0 Liverpool