Abdelmajid Tabboune ne sabon shugaban Algeria

Wannan shafi zai rika kawo maku abin da ke faruwa kai-tsaye a Najeriya da Nijar da Ghana da kuma Kamaru, har ma da sauran kasashen Afirka masu makwabtaka.

Rahoto kai-tsaye

Usman Minjibir and Fauziyya Kabir Tukur

16 Disamba 2019An kama buhu 700 na tabar wiwi a Edo, Curarren tabar wiwi guda 545 ne aka kama a wata maboya
Hadin gwiwar hukumar yaki da sha da fataucin miyagun kwayoyi NDLEA da rundunar soji a Najeriya ta kama buhu 725 na tabar wiwi. Sun kuma yi nasarar kwato bindigogi takwas kirar gida daga hannun bata garin.
Hukumomin sun kama buhunan curarren tabar wiwi guda 545 ne aka kama da daya daga cikin maboyar, baya ga wasu buhu 113 da aka kama a wani wuri, da kuma wasu 73
An kama buhunan tabar wiwin da aka cuccure ne a wasu manyan buhuna, Mai magana da yawun runduna ta hudun sojin Najeriya a Benin, Manjo Ojo Adenegan, ya ce ma'ajiyar tabar winin na wasu maboya uku ne a cikin kungurmin jeji a karamar hukumar Owan ta Yamma a jihar Edo.
13 Disamba 2019Kamaru, Yankin rainon Ingila na iya samun karuwar 'yanci
Asalin hoton, Getty Images
Majalisar dokokin Kamaru za ta fara muhawara kan wani kudirin doka da ka iya kara wa yankin kasar na rainon Ingila 'yanci.
An bayyana kudirin dokar ne yau a wani taron hadin-gwiwa na majalisun dokokin kasar da za a kwashe tsawon kwanaki 15 ana yi.
Taron na zuwa ne a lokacin da ake ci gaba da tattauna yadda za a gano hanyoyin magnace rikici a yankin rainon Ingila da ya yi sanadiyyar mutuwar mutane a kalla 3000 da kuma daidaita wasu mutanen 700,000.
13 Disamba 2019Coci ta hana sanya siket da wando jeans
Wata coci a birnin Nairobi na kasar Kenya ta haramta sanya siket ko wando jeans idan za a shige ta bisa hujjara cewa hakan ya saba al'adar cocin.
Cocin St Peter's Claver Catholic Church ta kafe wani hoto da ke nuna yanayin sa tufafi guda 10 da ba ta amince masu bauta a cocin su sanya ba.
To sai dai cocin ba ta bayani ba dangane da hukuncin da za ta dauka idan aka karya dokokin da ta shimfida.
Asalin hoton, Getty Images
13 Disamba 2019Abdelmajid Tabboune ne sabon shugaban Algeria
Abdelmadjid Tebboune ya lashe zaben Algeria da kaso 58 na kuri'un da aka kada kamar yadda hukumar zaben kasar ta tabbatar.
Hukumar ta kuma tabbatar da cewa an samu kaso 40 na fitowar masu zabe irinsa mafi karanci ga tsarin siyasar kasar.
Mutane da dama dai ne suka kaurace wa zaben a wani mataki na nuna rashin amince wa da dukkanin 'yan takarar shugabancin kasar bisa zargin kusancinsu da tsohon shugaban kasar.
Abdelmajid Tebboune, mai shekara 74, tsohon ma'aikacin gwamnati ne inda a 2017 ya zama firai minista na wata bakwai kacal sakamakon rikici tsakaninsa da 'yan kasuwar kasar masu fada aji.
Tebboune ya kuma kasance tsohon ministan gidaje da yada labarai
Asalin hoton, Getty Images
13 Disamba 2019Najeriya na da kananan yara masu kanjamau
Karamin ministan lafiyar Najeriya, Sanata Adeleke Mamora, ya ce Najeriya ce tafi kowacce kasa yawan jariran da ke dauke da kwayar cutar HIV mai karya garkuwar jiki.
Ya ce hakan ne ya sa gwamnati za ta ci gaba da gudanar da al'amaurna da suka shafin samar da garkuwa daga kamuwa da wannan kwayar cutar a fadin kasa.
Sanata Mamora kamar yadda jaridar Punch ta rawaito, ya ce gwamnati za ta zuba makudan kudade da ma'aikata da kayan aiki wajen ganin an dakile kamuwa da wannan cuta mai karya garkuwar jiki zuwa 2030.
Asalin hoton, Getty Images
13 Disamba 2019Ma'aikatan INEC za su kwashe shekara 12 a gidan kaso
Wata babbar kotu a Najeiya ta daure wasu ma'aikatan hukumar zaben kasar hukuncin daurin shekara 21 kowannensu saboda samun su da laifin karbar cin hanci da rashawa.
Kotun ta kuma ba da umarnin kamo wata tsohuwar minista a zamanin gwamnatin tsohon shugaba kasar Goodluck Jonathan, da ta ce jami'an sun karbi cin hancin daga wajenta.
Hukumar yaki da cin hanci da rashawa ta kasar EFCC ce ta shigar da karar, tana tuhumar ma'aikatan na INEC a jihar Adamawa, da suka hadar da Ibrahim Mohammed Umar, da Sahabo Iya Hamman, da karba rashawar naira miliyan dari uku da sittin daga hannun tsohuwar ministar man fetur Diezani Alison Maduke, da nufin amfani da su wurin yin magudi a zaben shugaban kasar na 2015.
Asalin hoton, Getty Images
13 Disamba 2019Heftar ya yi kira da a kutsa Tripoli domin kame ta
Janar Khalifa Heftar mai karfin fada aji a sojin kasar Libya, ya yi kira ga dakarun kasar da su kutsa da manufar kame birnin Tripoli.
Khalifa Heftar ya bayyana hakan ne a wani jawabi da ya gabatar na ba-sabun-ba a gidan talbijin na kasar.
A watan Afrilu ne dai Heftar ya gudanar da wani babban yunkurin mamaye birnin wanda ke karkashin ikon dakarun gwamnati da Majalisar Dinkin Duniya ke mara wa baya.
Rahotanni na rawaito cewa an samu karin tayar da kayar baya daga sojoji a yankin tun bayan wannan sanarwa.
13 Disamba 2019An dage shari'ar 'yan luwadi a Najeriya
An dage shari'ar da ake yi wa wasu maza 47 da suke bayyana soyayya ga juna a bainar jama'a har zuwa watan Fabrairu.
Karo na biyu dai kenan da mai shigar da kara na gwamnati ya gaza bayar da shaida kan zarge-zargen da suke yi wa wadanda ake tuhumar.
An dai kama mutanen yayin wani bikin murnar zagayowar ranar haihuwa a 2018, kuma dukkannin su sun ki amsa laifin.
A lokacin da aka kama mutanen sai da aka nuna su a gidan talbijin na kasa, al'amarin da wasu daga cikinsu suka shaida wa BBC cewa ya raba su da danginsu da ma ayyukansu.
13 Disamba 2019An gayyaci matar Omar al-Bashir amsa tambayoyi
An gayyaci mai dakin tsohon shugaban Sudan, Omar al-Bashir, Widad Babiker zuwa ofishin mai shigar da kara na gwamnati domin amsa tambayoyi kan wasu kadarorinta da ma asusunta na bankuna.
Widad Babiker wadda aka yi wa daurin talala tun bayan tunbuke mai gidanta a watan Afrilu an kai ta ofishin mai kara na gwamnati ranar Alhamis.
Rahotanni na cewa akwai yiwuwar ba za a sake ta domin komawa gida da wuri ba.
Asalin hoton, AFP
13 Disamba 2019An yi jana'izar sojojin da aka kashe 73
Shugaban kasar, Mohamadou Issoufou ne ya jagoranci jana'izar sojojin 71 da kungiyar IS ta hallaka yayin harin da ta kai kan wani sansanin sojin kasar a yankin Tillabery ranar Talata.
Tuni dai shugaba Issoufou ya sanar da fasa gudanar da bukukuwan bikin cikar kasar shekara 59 da samun 'yancin kai da za a yi ranar Laraba mai zuwa a birnin Niamey.
Da ma dai Mahamadou Issoufou ya snaar da katse ziyarar aikin da yake yi a Misra lokacin da ibtila'in ya faru, domin nuna alhinin rashin dakarun nasa.
Asalin hoton, BB
13 Disamba 2019Farawa
Masu bibiyarmu barkanku da warka da sake saduwa a ranar Juma'a wadda Hausawa ke yi wa kirari 'Juma'atu babbar rana'.
Da fatan za ku kasance da mu domin kawo muku wainar da ake toyawa a Najeriya da Niger da Kamaru da Chadi da ma sauran kasashen Afirka.
12 Disamba 2019Saliyo, 'Haramta wa 'yan mata masu ciki zuwa makaranta ba dai-dai ba ne'
Wata kotun ECOWAS ta yanke hukuncin cewa matakin da gwamnatin Saliyo ta dauka na haramta wa 'yan mata masu ciki zuwa makaranta ya kauce wa ka'ida kuma ya kamata a gaggauta soke shi.
Matakin kotun ya samu goyon bayan kungiyoyin kare hakkin dan Adam irinsu Amnesty International.
Kotun ta ce hukuncinta zai zama darasi ga sauran kasashe masu irin wannan haramcin kamar Tanzaniya da Equitorial Guinea.
Kotun ta ce haramta wa 'yan matan zuwa makaranta nuna wariya ne kuma ya kauce wa dokokin kare hakkin bil Adama.
Gwamnatin Saliyo ta kakaba haramcin ne shekaru hudu da suka gabata, lokacin da aka samu karuwar 'yan mata masu samun ciki a waje saboda illar da cutar Ebola ke yi.
Gwamnatin ta ce dalilin haramcin shi ne saboda 'yan matan ba za su samu kuzarin zuwa makaranta ba kuma za su gurbata tarbiyyar kawayensu.
An bude makarantun na musamman saboda 'yan mata masu ciki amma kungiyoyin kare hakkin dan Adam sun ce hakan bai isa ba.
Asalin hoton, Getty Images
12 Disamba 2019Ya kamata tsarin mulki ya fadada bangaren Shari'ar Musulunci – Alkalin Alkalan Najeriya
Asalin hoton, Others
Wasu 'yan Najeriya sun fara tayar da jijiyoyin wuya game da kiran da Alkalin Alkalan Najeriya ya yi na gyara kundin tsarin mulkin Najeriya domin fadada bangaren shari'ar Musulunci.
Jaridar Daily Trust ta ruwaito Mai Shari'a Muhammad Danjuma yana yin kiran a madadin Alkalin Alkalai Mai Shari'a Ibrahim Tanko Muhammad a wurin taron alkalai na shekara-shekara da aka gudanar a Jami'ar Ahmadu Bello, Zaria ranar Laraba.
Ibrahim Tanko ya ce wannan yunkuri zai yiwu ne idan jami'oi a Najeriya suka ware wa Shari'a sashenta daban, ba kamar yadda yake a yanzu ba.
Ya ce: "Kamar yadda muka sani akwai wani sashe na kundin tsarin mulki da ya bayar da damar aiwatar da tsarin Shari'ar Musulunci, amma bayan haka babu abin da za mu iya yi.
"Muna da yawan da za mu iya kawo wannan sauyi, kuma idan muna so to sai mun sauya tsarin mulki domin ya dace da bukatummu na Musulmai."
Tun da farar safiyar Alhamis ne shafin Twitter ya cika da ra'ayoyin wasu 'yan Najeriya, inda maudu'in #Shari'a yake ta tashe.
Sai dai akasarin kalaman na batanci ne ko kuma sun yi tsaurin da ba za mu iya saka su a nan ba.
12 Disamba 2019DSS ta gayyaci mai buga jaridar intanet ofishinta
Hukumar tsaro ta farin kaya a Najeriya ta gayyaci wani mai wallafa jarida a intanet mai suna Newsdiary, Danlami Nmodu mni don amsa tambayoyi.
Wasu jaridun Najeriya sun ruwaito cewa wani jami'in DSS da ya kira Danlami a waya ranar Laraba ya ce gayyatar ta jibanci wani labari da jaridar ta buga kwanan nan kan ayyukan Asusun Kare Muhalli na jihar Kano.
DSS ta bukaci Danlami Nmodu ya je ofishin nata ranar Larabar ko kuma Alhamis da safe.
12 Disamba 2019An kai Faisal Maina gidan gyaran hali na Kuje
Alkalin wata babbar kotu a Abuja, Mai shari'a Okon Abang ya bayar da umarnin mayar da Faisal Maina dan gidan tsohon shugaban kwamitin yi wa tsarin fanshon Najeriya garanbawul, Abdulrasheed Maina, zuwa gidan gyara hali na Kuje.
A ranar Laraba ne dai alkalin ya bayar da wannan umarni bayan Faisal ya kwashe makonni a tsare a hannun 'yan sanda.
A ranar 25 ga watan Oktoba ne dai aka gurfanar da Faisal a gaban kuliya bisa tuhuma guda uku da suka hada da safarar kudade da kuma mallakar asusun banki ba bisa ka'ida ba.
12 Disamba 2019Kamaru, Shugaba Biya ya kira zaman hadin-gwiwar majalisun dokoki
Gabanin cikar wa'adin Majalisa Dinkin Duniya na daukar mataki kan rikicin yankin rainon Ingilishi a mako mai zuwa, Shugaba Paul Biya ya kira taron majalisun kasar biyu ranar Juma'a.
Babu wani karin bayani kan gayyatar, amma ana tunanin cewa yana da nasaba da matsayi na musamman da aka bai wa yankin da ma wasu yankunan kasar.
Asalin hoton, Getty Images
12 Disamba 2019Muna kira da a saki El-zakzaky - IMN
Kungiyar 'yan Shi'a karkashin jagorancin Sheikh Ibrahim Elzakzaky, IMN, ta yi kira ga gwamnatin Shugaba Buhari da ta saki jagoranta da ya kwashe shekaru hudu cif-cif yana hannun hukuma tun bayan rikicin da 'yan kungiyar suka yi da sojoji a Zaria a 2015.
A wata sanarwa da mai magana da yawun kungiyar ta IMN, Ibrahim Musa ya fitar, kungiyar ta ce "Yayin da muke bikin zagayowar ranar kisan kiyashin Zaria da mutuwar mambobin IMN, muna kira da a gaggauta sakin Sheikh tare da duk sauran jama'ar da ke tsare ba tare da wani sharadi ba."
IMN ta kuma bukaci da a hukunta dukknain sojojin da suke da hannu a 'kisan mutum kusan 1000' da kungiyar ta yi zargin an yi a Zaria.
Asalin hoton, Others
12 Disamba 2019An tarwatsa zaben shugaban kasar Algeria
Masu zanga-zangar kin amincewa da zaben shugaban kasa a Algeria sun tarwatsa rumfunan zabe a yankin Kabylie da ke gabas da Algiers babban birnin kasar.
Ana gudanar da zaben ne bayan tilasta wa tsohon shugaba Abdelaziz Bouteflika, yin murabus bayan shekara 20 yana jagorancin kasar.
Bouteflika ya sauka ne a watan Afrilu bayan zanga-zangar kyamar gwamnatinsa da aka shafe makonni a na yi a kasar.
Masu zanga-zangar sun cigaba da bukatar kakkabe ragowar jami'ai da mukarraban gwamnatin Abdelaziz Bouteflika, daga shugabancin kasar.
Suna kuma barazanar kaurace wa zaben na yau Alhamis. Akalla rumfunan zaben guda biyu ne cincirindon masu zanga-zangar suka mamaye a yankin inda suka tarwatsa al'amura.
Dukkan 'yan takara biyar a shugaban kasar na yau Alhamis mukarraban tsohon shugaban ne.
Masu lura da al'amura na ganin rundunar sojin Algeria na tunanin cewa zaben ita ce kadai hanyar da za ta daidaita al'amura a kasar.
Asalin hoton, EPA
Bayanan hoto, Dukkan 'yan takara biyar a zaben mukarraban tsohon shugaba Abdulazeez Bouteflika ne.
12 Disamba 2019Al-Shabab ta kai hari sansanin soji a Mogadishu
Asalin hoton, Reuters
Gwamman mayakan al-Shabab sun kai hari kan wani sansanin soji a Somaliya.
Wasu da suka shaida lamarin sun ce mayakan sun mamaye sansanin Hilweyn a Mogadishu babban birnin kasar kuma sun lalata motoci da gine-gine kafin suka janye.
Majiyoyin rundunar sojin kasar sun ce dakarun gwamnati sun janye kuma na kashe masu soja daya.
Wanda suka shaida lamarin sun ce fararen hula hudu sun mutu a harin na daren Alhamis.
Al-Shabab ta ce ta kashe sojoji 4.
12 Disamba 2019Ghana, Ana fuskantar hauhawar farashi a Ghana
Hauhawar farashi a Ghana ta karu sosai a watanni hudu bayan da babban bankin kasar ya kaddamar da sabon ma'unin gwada hauhawar farashi a watan Agusta.
Duk da da cewa an yi hasashen daidaita hauhawar farashin, kudin cedi ya fadi kuma wannan ya taimaka wajen kara farashin kayayyaki a Ghana.
Asalin hoton, Getty Images