Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Muna kawo maku sharhi da rahotanni kai-tsaye game da wasannin kwallon kafar Ingila na Premier League.
Umar Mikail and Buhari Muhammad Fagge
Tottenham ta gaza kai hari na-ci a minti 45 din farko a wasan Premier, wanda wannan ne karon farko da hakan ta faru a kowane wasa a gida a gasar Premier, tun wasan da Tottenham din ta yi da Manchester United a Wembley a watan Junairu.
Danny Ings ya Farke wa Southampton kwallon da aka sa mata.
Anjima kadan Real Madrid za ta take wasan La Liga mako na 13 tsakaninta da Eibar kuma mai horarwa Zinedine Zidane ya ce Bale da James Rodriguez lafiyarsu kalau amma ba za su buga wasan ba.
A wani taron manema labarai da ya yi jiya gabanin wasan, Zidane ya ce:
"Ba rauni suka ji ba amma ba sa nan. Za su tafi tawagogin kasashensu a cikin kwana biyar zuwa shida, za mu duba mu gani idan za su iya buga wasa. Ba su ji rauni ba kawai dai ba sa yin atasaye da sauran abokan wasansu ne. Ba za su buga wasan gobe (yau) ba. Ba ni zan yanke hukunci ba, su ne ba su shirya ba."
Burnley 2-0 West Ham
Newcastle 1-1 Bournemouth
Tottenham 0-0 Sheffield United
Southampton 0-1 Everton
Burnley ta kara kwallo ta biyu ta hannun dan wasa ChrisWood.
Mintina kadan bayan dan wasan ya ci wata kwallo da aka duba VAR aka ce ya yi satar gida.
DeAndre Yedlin ya farke wa Newcastle kwallonta
Duka wasa 4 an sanya kwallo banda wasan Tottenham da Sheffield United
Burnley na buga kwallo yadda ya kamata a Turf moor, West Ham na kara nuna gajiya wa saboda ciwon Mark Noble, babu dai alamar zare kwallo a yanzu.
Mummunar hari guda biyu a jere, da ci ya zo da yanzu an jefa wa Tottenham kwallo a raga.
Wilson ne ya ci wa Bournemouth a minti na 14
Etric Dier ya yi keta ta biyu. Wajibi ne ya yi taka-tsantsan saboda tuni an ba shi katin gargadi a baya.
Ashley Barnes ya ci wa Burnley kwallo.
Da alamun Sheffield United sun fito wannan wassan da gaske, kuma ba za su bar Tottenham ta yi abin da take so ba.
Tom Davies ne ya jefa kwallo a ragar Southampton.
An bai wa Eric Dier katin gargadi
Everton ta jefa kwallo.
An take duka wasannin 4 da za su gudana a yanzu.
Sheffield United na da damar komawa matsayi na 5 akan teburi da zarar sun samu nasara kan Tottenham, sai dai ita ma Tottenham na bukatar wannan maki domin samun damar baro matsayi na 11 da take a yanzu a kan tebur.
Mauricio Pochettino ya yi canji biyu a kungiyar cikin 'yan wasan da suka cinye Red Star Belgrade a Champions a tsakiyar mako.
Matashin dan wasa Giovani Lo Celso zai buga wasansa na farko a gasar Premier, yayin da Serge Aurier da Ben Davies suma za su kasance cikin wasan.
An aje Juan Foyth a benci tare da Christian Eriksen, har ma da Danny Rose baki daya.