Chelsea vs Liverpool: Chelsea ta yi rashin nasara har gida

Liverpool ta ci gaba da jan zarenta a wasa tsakaninta da Chelsea da ma Premier baki daya, inda Alexander-Arnold da Roberto Firmino suka hidimta mata a filin wasa na Stamford Bridge.

Kwallon da Ngolo Kante ya sharara a ragar Liverpool din a minti na 71 ta yi wa Chelsea kaimi kuma ta so ta farke ta biyun ma a hare-haren da Mason Mount da Batsuayi suka kai a cikin minti goman karshe na wasan.

Chelsea har yanzu ba ta ci wasa a gida ba a kakar bana, yayin da har yanzu ba a doke Liverpool ba a wasa shida na Premier,

Alexander-Arnold ne ya fara jefa kwallo a ragar Chelsea a minti na 14, kafin daga bisani Roberto Firmino ya kara ta biyu a minti na 30.

Game da wasan

Wasa daya kacal Chelsea ta ci a haduwa 10 ta baya-bayan nan da suka yi a Premier - canjaras 5, rashin nasara 4.

Ita kuwa Liverpool ta ci wasa shida daga cikin karawa 11 ta karshe da suka yi a Stamford Bridge a Premier.

Chelsea ta jefa kwallo a dukkanin wasa 20 na baya-bayan nan tsakaninta da Liverpool da suka yi a kowacce gasa.

Sakamakon wasannin Lahadi:

Sakamakon wasannin Asabar: