Wasannin da suke gaban Arsenal a cikin watan Oktoba

Karanta rubutu kawai domin rage cin data
Arsenal

Asalin hoton, Getty Images

An wallafa
Lokacin karatu: Minti 1

Karshen makon nan babu gasar Premier League, domin za a buga wasan kasa da kasa, ko dai a Nations League a Turai ko na neman shiga gasar kofin duniya.

Haka kuma za a ci gaba da wasannin neman shiga gasar kofin Afirka da wasan sada zumunta da Fifa kan ware ranakun a irin wannan lokacin.

Arsenal wadda ta buga wasa bakwai a Premier League kawo yanzu, tana ta ukun teburi da maki 17, wadda ta ci karawa biyar da canjaras biyu.

Da zarar an kammala wasan kasa da kasa, Gunners za ta yi karawa biyu a Premier League da wasa ɗaya a Champions League da kuma a League Cup a Oktoban.

Kenan Gunners za ta ci gaba da fuskantar kalubalen kakar nan, wadda za ta je gidan Bournmouth a Premier League karawar mako na takwas.

Daga nan kuma Arsenal za ta karɓi bakuncin Shakhatar Donesk a wasa na uku a Champions League, bayan da ta ci Paris St German 2-0 a makon jiya.

Haka kuma Gunners za ta yi wasa mai zafi na hamayya a Premier League da Liverpool a Emirates a dai cikin watan Oktoban karawar mako na tara.

Wasan karshe da za ta fafata a watan nan shi ne a gasar League Cup, inda Arsenal za ta je gidan Preston.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Wasannin da ke gaban Arsenal a cikin watan Oktoba:

Premier Asabar 19 ga watan Oktoba

  • Bournemouth da Arsenal

Champions League Talata 22 ga watan Oktoba

  • Arsenal da Shakhtar

Premier Lahadi 27 ga watan Oktoba

  • Arsenal da Liverpool

League Cup Laraba 30 ga watan Oktoba

  • Preston da Arsenal