Barcelona ta kara kwantiragin kaka biyu ga Dembele

Barcelona ta kara kwantiragin kaka biyu ga dan kwallon tawagar Faransa, Ousmane Dembele, domin ya ci gaba da taka leda a Camp Nou.

A karshen kakar tamaula da ta wuce yarjejeniyar dan kwallon mai shekara 25 ya kare a kungiyar, yanzu an tsawaitata zuwa karshen 30 ga watan Yunin 2024.

Dembele ya koma Barcelona daga Borussia Dortmund a 2017 kan kwantiragin fam miliyan 96.8 da karin tsarabe - tsarabe da ta kai fam miliyan 135.5.

Ya ci kwallo 32 ya bayar da 34 aka zura a raga a wasa 150 da ya yi wa Barca.

Dan wasan ya yi fama da jinya karo da yawa, sai dai ya bayar da kwallo 13 aka zura a raga, shi kuma ya ci biyu a wasa 32 a kakar da ta wuce.

An yi ta alakanta Dembele da cewar zai koma taka leda a kungiyoyin Premier League da yawa, ciki har da Chelsea da kungiyar Faransa, Paris St-Germain.