Liverpool za ta sayar da Diaz, AC Milan da Juventus na zawarcin En-Nesyri

Liverpool za ta kasance cikin shiri wajan sauraron tayin sayan dan wasan gaban Columbia Luis Diaz, mai shekara 27, a bazara idan dan wasan gaban Masar, Mo Salah mai shekara 31, ya amince da sabon kwantaragi. (Sun)

Liverpool za ta bukaci kudi fiye da fam miliyan 100 domin sayar da Salah zuwa ga Saudi Pro League a wannan bazara, a dan haka kungiyar ta yi amannar cewa za ta samu isashen kudin maye gurbinsa a wannan bazara. (Football Insider)

Tottenham Hotspur na ci gaba da bibiyar halin da dan wasa tsakiya na Ingila Conor Gallagher ya ke ciki a Chelsea kuma a shirye ta ke ta dauko dan wasan mai shekara 24 a wannan bazara (Daily Mail)

Arsenal na gab da fara tattaunawa da dan wasan tsakiya na Italiya Jorginho, mai shekara 32, a kan sabon kwantaragi (Evening Standard)

Kocin Brighton Roberto de Zerbi shi ne a gaba -gaba a cikin wadanda za a zaba a matsayin kocin Manchester United. (Football Insider)

Getafe a shirye ta ke ta fara tattaunawa da Manchester United game da tsawaita zaman Mason Greenwood a kungiyar, ta hanyar amincewa da wata yarjejeniyar ba da da dan wasan gaban Ingila mai shekara 22 aro ko kuma ya koma dan wasanta na dindindin . (Times - subscription required)

Ita ma Barcelona na son ta ci gaba da rike ‘yan wasan Portugal da aka ba ta su aro watau Joao Cancelo da Joao Felix a kakar wasa mai zuwa kuma a shirye ta ke ta ba Manchester City yuro miliyan 15 zuwa 20 a kan dan wasan baya Cancelo mai shekara 29 da dan wasan gaba Felix mai shekara 24 domin Atletico Madrid ta sake ba da shi aro. (Sport - in Spanish)

Watakila Chelsea ta dauko mai tsaron ragar Arsenal Aaron Ramsdale dan shekara 25 ,a kasuwar sayar da ‘yan wasa ta bazara. (Football Insider)

Dan wasan bayan Ingila Trevoh Chalobah mai shekara 24 na son ya ci gaba da taka leda a Chelsea kuma ya nuna rashin jin dadinsa a kan cewa kungiyar tana son ta cefanar da shi a wannan bazara. (Teamtalk)

Dan wasan baya na Ingila Eric Dier mai shekara 30 ya cika sharuddan kwantaraginsa da ake bukata domin ya koma dan wasa na dindindin a Bayern Munich a karshen kakar wasanni. Tottenham ce ta ba da shi aro. (Athletic)

Manchester United da Aston Villa sun tura wakilai domin kallon dan wasan baya ta gefen dama na Torino da Italiya Raoul Bellanova, mai shekara 23 a wannan bazara. (Tuttosport - in Italian)

Roma na son ta ba Richard Hughes daraktan fasaha na Bournemouth mukami a kungiyar ta Serie A a kakar badi. (Telegraph - subscription required)

Bayern Munich a shirye ta ke ta biya kusan yuro miliyan 100 don sayan dan wasan bayan Portugal Antonio Silva dan shekara , 20 daga Benfica. (Sport - in Spanish)

AC Milan da Juventus na zawarcin dan wasa mai hari na Moroko Youssef En-Nesyri, mai shekara 26, idan tsohon dan wasan West Ham ya shiga shekararsa ta karshe a Sevilla a wannan bazara . (Il Corriere dello Sport, via Mundo Deportivo - in Spanish)