An yi wa Kroos jan kati a wasan da Real Madrid ta yi 1-1 da Girona

Real Madrid ta raba maki da Girona, bayan da suka tashi 1-1 a wasan mako na 12 a gasar La Liga da suka fafata a Santiago Bernabeu ranar Lahadi.

Saura minti 20 a tashi daga wasan Real ta ci kwallo ta hannu Vinicius Junior.

To sai dai Girona ta farke ta hannun Cristhian Stuani a bugun fenariti, saura minti 10 lokaci ya cika.

Real ta karasa fafatawar da 'yan kwallo 10 a cikin fili, bayan da aka bai wa Toni Kroos jan kati daf da za a tashi daga wasan.

Karo na biyu da Real ta tashi 1-1 a gasar La Liga ta bana, bayan wanda ta yi a gida da Osasuna ranar 2 ga watan Oktoba a babbar gasar tamaula ta Sifaniya.

Da wannan sakamakon Real Madrid ta koma ta daya a kan teburin La Liga da maki 32 da tazarar maki daya tsakaninta da Barcelona ta biyu.

Ranar Laraba 2 ga watan Nuwamba, Real Madrid za ta karbi bakuncin Celtic a wasan karshe a cikin rukuni a Champions League.

Kafin wannan karawar kungiyoyin sun yi wasa shida a tsakaninsu, inda Real Madrid ta yi nasara a hudu, Girona ta ci wasa biyu.

Karawar da kungiyoyin suka yi:

2018/2019

Spanish La Liga Lahadi 17 ga watan Fabrairun 2019        

Copa del Rey Alhamis 31 ga watan Janairun 2019

Copa del Rey Alhamis 24 ga watan Janairun 2019

Spanish La Liga Lahadi 26 ga watan Agustan 2018           

2017/2018

Spanish La Liga Lahadi 18 ga watan Maris 2018          

Spanish La Liga Lahadi 29 ga watan Oktoban 2017

'Yan wasan da Carlo Ancelotti ya fuskanci Girona a gida.

'Yan wasan Real Madrid:

Masu tsaron raga: Courtois, Lunin, Luis López.

Masu tsaron baya: Carvajal, E. Militão, Alaba, Vallejo, Nacho, Odriozola, Lucas V., Rüdiger, F. Mendy.

Masu buga tsakiya: Kroos, Modrić, Camavinga, Valverde, Tchouameni, D. Ceballos.

Masu cin kwallaye: Hazard, Asensio, Vini Jr., Rodrygo, Mariano.