Haaland na kafa tarihin cin kwallaye duk da kakar farko a Premier

Ranar Asabar Manchester City ta doke Southampton da ci 4-0 a gasar Premier da suka kara a Etihad.

Tun kan hutu City ta ci kwallo biyu ta hannun Joao Cancelo da Phil Poden, bayan da suka koma zagaye na biyu Riyad Mahred da Haalamd suka kara cin kwallaye.

Kwallo na 15 kenan tsohon dan wasan Borussia Dortmund ya ci a babbar gasar tamaula ta Ingila a bana.

Kenan Haaland ya zura 20 a raga a dukkan wasa 13 da ya yi wa kungiyar Etihad, wadda ta dauko shi a kakar nan daga Jamus.

Hakan na nufin ya kan ci kwallo daya a duk wasa kenan a Premier League.

Ya zama na biyu a City, bayan Sergio Aguero a kakar 2019, wanda ya ci kwallo a wasa bakwai a jere a gasar Premier League da ya yi.

Dan wasan da ta dauka kan fam miliyan 51 daga Borussia Dortmund ya ci kwallo iri daya da yawan wadanda Kevin de Bruyne ya zura a raga a kakar 2021/22 da City ta lashe Premier League.

Kafin fara kakar nan Micky Quinn shi ne kan gaba a cin kwallaye a wasa tara da fara babbar gasar tamaula ta Ingila a tarihi mai 11 a raga a lokacin.

Sai dai dan wasan da ya ci kwallo da wuri da fara kakar Premier League shi ne Andy Cole mai 15 jumulla.

Kungiyoyin da Haaland ya ci a Premier ta kakar 2022/23.

Premier League Lahadi 7 ga watan Agusta               

Ya ci kwallo biyu

Premier League Asabar 13 ga watan Agusta                

Bai ci kwallo ko daya ba

Premier League Lahadi 21 ga watan Agusta                

Ya ci kwallo daya

Premier League Asabar 27 ga watan Agusta                 

Ya ci kwallo uku

Premier League Laraba 31 ga watan Agusta               

Ya ci kwallo uku

Premier League Asabar 3 ga watan Satumba        

Ya ci kwallo daya

Premier League Asabar 17 ga watan Satumba 

Ya ci kwallo daya

Premier League Lahadi 2 ga watan Oktoba       

Ya ci kwallo uku

Premier League Asabar 8 ga watan Oktoba        

Ya ci kwallo daya

Wadanda ke kan gaba a cin kwallaye a Premier a bana: