Ko Yamal zai taka rawa a lamba 19 da Barcelona ta sauya daga 27?

Lamine Yamal zai saka riga mai lamba 19 a kakar 2024/25 a Barcelona, lambar da Patrick Kluivert da Leo Messi da Sergio Aguero suka yi amfani da ita a baya.

Ɗan wasan zai bi sawun fitattun ƴan ƙwallon ƙungiyar da suka taka rawar gani a Barcelona, kuma lambar da ya yi amfani da ita kenan a Euro 2024 a tawagar Sifaniya.

Sifaniya, wadda ta lashe Euro 2024 ta ɗauki kofi na hudu jimilla, babu wadda ta ɗauki kofin da yawa kamarta, kuma Yamal ne matashin da ya yi fice a wasannin da aka yi a Jamus.

Ɗan wasa Vitor Rogue ne ya saka lamba 19 a bara a Barcelona, kuma lamba ce da matasa da yawa da fitattun da suka yi amfani da ita tun daga 1995.

Jerin waɗanda suka yi amfani da lamba 19 a Barcelona:

Lamine ya cika shekara 17 da haihuwa ranar 13 ga watan Yulin 2024, ya saka riga riga mai lamba 27 a bara a Barcelona.

A karkashin koci, Xabi Hernandez a 2023/24 ya buga wasa 50, inda Ilkay Gündoğan ne kan gaba a yawan yi wa ƙungiyar wasanni a bara mai 51.