'Yan Real Madrid da suka je Athletic Bilbao buga La Liga
Asalin hoton, Getty Images
Real Madrid ta ziyarci Athletic Bilbao, domin buga wasan mako na 18 a gasar La Liga ranar Lahadi.
Real Madrid, wadda ta je filin wasa na San Mammes tana ta biyu a teburin La Liga da tazarar maki uku tsakaninta da Barcelona ta daya.
Athletic mai maki 26 tana ta takwas a teburin babbar gasar tamaula ta Sifaniya a bana.
Ranar Alhamis Real Madrid ta je ta doke Villareal 3-2 a Copa del Rey karawar zagayen kungiyoyi 19.
Real Madrid wadda ta fara daukar European Super Cup a bana ta yi rashin nasarar lashe Spanish Super Cup, bayan da Barcelona ta doke ta 3-1 a Saudi Arabia.
'Yan wasan Real da suka je Athletic:
Masu tsaron raga: Courtois, Lunin, Luis López.
Masu tsaron baya: E. Militão, Vallejo, Nacho, Odriozola, Rüdiger, F. Mendy.
Masu buga tsakiya: Kroos, Modrić, Camavinga, Valverde, D. Ceballos.
Masu cin kwallaye: Benzema, Asensio, Vini Jr., Rodrygo, Mariano.
