Van Dijk ya tsawaita zamansa a Liverpool

Kyaftin ɗin Liverpool Virgil van Dijk ya sanya hannu kan sabuwar yarjejeniya tsakaninsa da ƙungiyar.

Tsohon kwantaragin ɗan ƙasar Netherlands ɗin mai shekara 33 zai ƙare ne a ƙarshen wannan kakar.

Yanzu ɗanwasan bayan ya bi sawun Mohamed Salah, wanda ya sanya hannu kan yarjejeniyar shekara biyu a makon da ya gabata.

"Da ma kodayaushe Liverpool ce [a raina]," a cewar Van Dijk da aka dinga alƙantawa da komawa Paris St-Germain.

"Abin da ya faru kenan. Abin da ke cikin zuciyata kenan, tsarin kenan da ma."

Van Dijk wanda ya buga wa Liverpool wasa 314, an naɗa shi kyaftin a 2023 bayan Jordan Henderson ya bar kulob ɗin.

"Babu wata tantama a raina cewa ba a nan zan ci gaba da taka leda ba ni da iyalina," kamar yadda Van Dijk ya bayyana.

Van Dijk ya koma Liverpool kan fam miliyan 75 daga Southampton a watan Janairun 2018.

Tun daga lokacin ne kuma ya taimaka wa Liverpool lashe kofin Premier ɗaya, da Champions League, da FA Cup, da Club World Cup, da EFL Cup biyu.