Rashin buga gasar cin kofin duniya ya tsuma Haaland
Asalin hoton, Getty Images
Erling Haaland na amfani da damuwar da ya shiga na rashin buga gasar cin kofin duniya wajen zura ƙwallaye a gasar Firemiya ta Ingila.
Haaland ya ci ƙwallo 20 a cikin wasa 14 tun da ya koma Manchester City daga Dortmund.
Ya kafa tarihi a matsayin wanda ya fi kowane ɗan ƙwallo wajen zura yawan ƙwallaye 20 a ƙanƙanin lokaci.
A baya ɗan ƙwallon Sunderland Kevin Phillips ne ke da tarihin a lokacin yana Sunderland a shekara ta 2000.
"Ina zaune a gida, cikin fushi bana buga gasar cin kofin duniya," Haaland ya shaida wa Amazon Prime.
"Kallon wasu na cin ƙwallo a gasar cin kofin duniya ya tsuma ni. Ina ƙishirwan cin ƙwallo."
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Karshen labarin da aka sa a X
Guardiola ya ji daɗi sosai da ɗan ƙwallon wanda ya ɗauko daga Borussia Dortmund a kan fiye da fan miliyan 50 ya zura ƙwallo biyu a ragar Leeds.
Amma a cewar sa kamata ya yi Haaland ya ci ƙwallo biyar ba domin ƙwazon da golan Leeds Illan Meslier ya nuna ba.
