Man United ta ci Brighton 2-0, ta dawo ta hudu a Premier

Cristiano Ronaldo ne ya ci kwallon farko bayan an dawo hutun rabin lokaci, a wasan farko da United taci cikin wasanni hudu.

Jim kadan bayan haka mai tsaron bayan Brighton Lewis Dunk ya karbi jan kati.

Kuma kamar za su rama a minti karshe United ta kai kora ta hannun Bruno Fernandez, wanda ya gar gola kafin saka kwallon ta biyu a mintin karshe.

Sai a wannan karon Ronaldo ya ci kwallo a wasanni shida da ya buga wa United.

Dama kwanton wasa ne da United ke burin hawa na hudu dashi, bayan kasa cin wasanni uku a jere.

Da sakamaakon United ta sauko da West Ham zuwa na biyar da maki 43.

A ranar lahadi United za ta nika gari zuwa Elland road don karawa da Leeds United.