અમેરિકાના રાષ્ટ્રપતિપદની ચૂંટણીનું અમારું ખાસ લાઈવ કવરેજ જો તમે હાલ જોવાનું શરૂ કર્યું હોય તો હાલ સુધીમાં શું-શું થયું
છે તે અમે તમને દેખાડીએ છીએ.
એક દિવસ પછી ચૂંટણી પરિણામોમાં કોઈ મોટો ફેરફાર
થયો નથી. છ રાજ્યોમાં મતગણતરી ચાલુ છે અને અહીં રાજ્ય ઊલટફેર થઈ શકે છે. જો બાઇડન
માટે રાષ્ટ્રપતિપદનો રસ્તો થોડો સરળ દેખાય છે પરંતુ ગમે તે સમયે રાષ્ટ્રપતિ ડોનાલ્ડ ટ્રમ્પ બાજીને પલટી શકે છે.
બાઇડનની પાસે આ સમયે 243 ઇલેક્ટોરલ કૉલેજ વોટ છે
જ્યારે ટ્રમ્પની પાસે 214 વોટ છે. વ્હાઇટ હાઉસમાં પહોંચવા માટે 270 વોટની જરૂરિયાત
છે.
મિશિગન પર જો
બાઈડનની જીતની સંભાવના છે. પારંપરિક રીતે આ રાજ્યને ડેમૉક્રેટિક માનવામાં આવતું
હતું, પરંતુ 2016માં હિલેરી ક્લિન્ટન અહીંથી હારી ગયાં હતાં.
જ્યોર્જિયામાં
અધિકારીઓએ કહ્યું છે કે જ્યાં સુધી વોટ ગણી લેવામાં નહીં આવે ત્યાં સુધી તે
સંપૂર્ણ પણે મતગણતરી કરશે. રાત્રે ત્યાં 90 હજાર મત બચ્યા હતા અને ટ્રમ્પની લીડ
ઘટીને 28 હજાર થઈ ગઈ હતી.
નેવાડામાં આકરી
ટક્કર જોવા મળી રહી છે. જ્યાં બાઇડન 7647 મતથી આગળ છે. અધિકારીઓએ બુધવારે કહ્યું
હતું કે આગામી પરિણામ ગુરુવારે સ્થાનિક સમય અનુસાર સવારે 9 વાગે જણાવવામાં આવશે.
એરિઝોનામાં મોટા
ભાગના મતની ગણતરી ચાલુ છે પરંતુ એ સ્પષ્ટ નથી કે જીતનું અનુમાન ક્યાં સુધીમાં
આવશે.
વિસ્કૉન્સિનમાં
અમારા સહયોગી રૉયટર્સે કોઈ અનુમાન કર્યું નથી. ત્યાં બાઇડનની 20,510 મતની લીડ છે.
પેન્સિલ્વેનિયામાં
ટ્રમ્પની લીડ ઓછી થઈ ગઈ છે, ત્યાં 90 ટકા મતની ગણતરી થઈ ચૂકી છે અને ટ્રમ્પ
1,64,414 મતથી આગળ છે. બુધવારે બપોરે ટ્રમ્પ અહીં 3,79,639 મતથી આગળ હતા.
નૉર્થ કેરોલાઇનામાં
96 ટકા મતની ગણતરી થઈ ગઈ છે અને ટ્રમ્પની 76,737 મતની લીડ બનેલી છે.
ટ્રમ્પના કૅમ્પેને
જ્યોર્જિયમાં કાયદાકીય કાર્યવાહી શરૂ કરી છે. આ એવું ચોથું રાજ્ય છે જ્યાં તેમની
ટીમે કથિત અનિયમિતતાનો આરોપ લગાવ્યો છે.
ડેટ્રોયટ,
મિશિગનમાં બંને ઉમેદવારોના સમર્થકોએ પ્રદર્શન કર્યું છે. ત્યાં ફિલાડેલ્ફિયા,
પેન્સિલ્વેનિયામાં મતગણતરી કેન્દ્રોની સામે ડેમૉક્રેટ્સ સમર્થક એકઠા થયા છે અને ‘મારો વોટ ગણો’ના નારા પોકારી રહ્યા છે.
એરિઝોનામાં
ટ્રમ્પના સમર્થકોએ મતગણતરી કેન્દ્રની બહાર પ્રદર્શન કર્યું અને મતગણતરી બંધ
કરવાની માગ કરી.
સૅનેટમાં
રિપબ્લિકન્સે પોતાની પકડ મજબૂત રાખી છે જેના કારણે કૉંગ્રેસમાં ફેરફાર થવાની
સંભાવના ઘણી ઓછી છે.