ટ્રૅક્ટર રેલી : હિંસા કરનારા સામે કાર્યવાહીનું પોલીસનું એલાન, ખેડૂત સંગઠનોએ કહ્યું- આંદોલન ચાલુ રહેશે

લાઇવ કવરેજ

1. 26 જાન્યુઆરી 2021ખેડૂતોની શાંતિમય ટ્રૅક્ટર રેલીમાં હિંસા કઈ રીતે થઈ?

2. 26 જાન્યુઆરી 2021દિલ્હીમાં ખેડૂતોની ટ્રૅક્ટર રેલી હિંસક બની, ઘર્ષણ દરમિયાન એકનું મૃત્યુ

3. 26 જાન્યુઆરી 2021એક આંદોલનકારીનું મૃત્યુ

   આઈટીઓ વિસ્તારમાં હાજર બીબીસી સંવાદદાતા વિકાસ ત્રિવેદીએ એક પ્રદર્શનકારીના મૃત્યુની ખરાઈ કરી હતી.

   તેમણે કહ્યું, "હું પહોંચ્યો ત્યારે એક ટ્રૅક્ટર પલટી ગયેલી અવસ્થામાં હતું અને એક આંદોલનકારીનું મૃત્યુ થઈ ગયું હતું."

   "જેની થોડી વાર બાદ પ્રદર્શનકારીઓ મૃતદેહ સાથે મુખ્ય ચાર રસ્તા પાસે બેસી ગયા હતા."

   ઉલ્લેખનીય છે કે સમાચાર એજન્સી પીટીઆઈ દ્વારા પણ આ અંગે ખરાઈ કરવામાં આવી છે.

   પીટીઆઈનું કહેવું છે કે ટ્રૅક્ટર પલટી ગયા બાદ એક પ્રદર્શનકારી ખેડૂતનું મૃત્યુ નીપજ્યું હતું.

4. 26 જાન્યુઆરી 2021હિંસા કોઈ સમસ્યાનો ઉકેલ નથી- રાહુલ ગાંધી

   દિલ્હીમાં ખેડૂતોની રેલી દરમિયાન દિલ્હીના રસ્તાઓ પર જે કંઈ થઈ રહ્યું છે, તેને લઈને કૉંગ્રેસનેતા રાહુલ ગાંધીએ કહ્યું કે હિંસા કોઈ સમસ્યાનો ઉકેલ નથી.

   તેમણે સરકારને અપીલ કરી છે કે તેઓ ખેડૂતોની વાત સાંભળે અને દેશહિત માટે કૃષિવિરોધી કાયદાઓ પાછા લે.

5. 26 જાન્યુઆરી 2021દિલ્હીમાં તણાવ વચ્ચે કેવી રીતે આગળ વધી રહ્યા છે ખેડૂતો?

6. 26 જાન્યુઆરી 2021ખેડૂતોને બદનામ કરવાની કોશિશ ન કરો - હાર્દિક પટેલ

   ગુજરાત કૉંગ્રેસના નેતા હાર્દિક પટેલે ટ્વીટ કરીને કહ્યું છે કે "બદનામ કરવાની કોશિશ ન થવી જોઈએ."

   હાર્દિક પટેલે ટ્વિટર પર લખ્યું છે, "ખેડૂતો છેલ્લા બે મહિનાથી શાંતિપૂર્ણ આંદોલન કરી રહ્યા હતા અને ખેડૂતોને બદનામ કરવાની કોશિશ ન થવી જોઈએ."

   તેમણે લખ્યું, "મોદી સલ્તનત ખેડૂતોના ભવિષ્ય સાથે રમત રમી રહી હતી, ત્યારે એક પણ મીડિયા સત્યા દેખાડવાની હિંમત નથી કરી રહ્યું."

7. 26 જાન્યુઆરી 2021બ્રેકિંગ, દિલ્હીના કેટલાક વિસ્તારોમાં ઇન્ટરનેટ બંધ - ANI

   સમાચાર એજન્સી એએનઆઈ પ્રમાણે દિલ્હી-NCRના કેટલાક વિસ્તારોમાં ઇન્ટરનેટ સેવાઓ બંધ કરી દેવામાં આવી છે.

   આ પગલું કાયદો અને વ્યવસ્થાની સ્થિતિને કાબૂમાં લેવા માટે લીધું હોવાનું એજન્સી જણાવે છે.

8. 26 જાન્યુઆરી 2021એક ખેડૂતે જ્યારે પોલીસ પાછળ પૂરપાટ ઝડપે ટ્રૅક્ટર દોડાવ્યું

9. 26 જાન્યુઆરી 2021નાંગલોઈમાં આંદોલનકારીઓ પર લાઠીચાર્જ

   દિલ્હીના નાંગલાઈ વિસ્તારમાં પણ સુરક્ષાકર્મીઓ દ્વારા આંદોલનકારીઓ પર લાઠીચાર્જ કરાયો હોવાનાં દૃશ્યો આવી રહ્યાં છે.

   આ પહેલાં મધ્ય દિલ્હીના આઈટીઓ વિસ્તારમાં લાઠીચાર્જ કર્યો હોવાના સમાચાર આવ્યા હતા.

10. 26 જાન્યુઆરી 2021ખેડૂત આંદોલનની છબિ ખરાબ કરવાની કોશિશ : રાકેશ ટિકૈત

    સમાચાર એજન્સી એએનઆઈ અનુસાર, ભારતીય કિસાન યુનિયનના નેતા રાકેશ ટિકૈતે કહ્યું કે "અમે એ લોકોને જાણીએ છીએ, જેઓ અડચણ પેદા કરવાની કોશિશ કરી રહ્યા છે, તેમની ઓળખ થઈ ગઈ છે. આ લોકો રાજકીય પાર્ટીના લોકો છે, જે આંદોલનની છબિ ખરાબ કરવાની કોશિશ કરી રહ્યા છે."

    રાકેશ ટિકૈતને સવાલ કરવામાં આવ્યો હતો કે શું ખેડૂત આંદોલન ખેડૂતનેતાઓના હાથમાંથી નીકળી ગયું છે?

11. 26 જાન્યુઆરી 2021દિલ્હીના લાલ કિલ્લા પર કેવો છે માહોલ? જુઓ LIVE

    પ્રદર્શનકારી ખેડૂતો દિલ્હીના લાલ કિલ્લા સુધી પહોંચી ગયા હતા. હાલ કેવી છે સ્થિતિ? જુઓ LIVE વીડિયો.

12. 26 જાન્યુઆરી 2021લાલ કિલ્લા પર ખેડૂતોએ તેમનો ધ્વજ ફરકાવ્યો

    ટ્રૅક્ટર રેલી લઈને નીકળેલા ખેડૂતો લાલ કિલ્લા સુધી પહોંચી ગયા હતા.

    સમાચાર એજન્સી એએનઆઈ પ્રમાણે લાલ કિલ્લા સુધી પહોંચેલા ખેડૂતોએ ધ્વજદંડ પર પીળા રંગનો ધ્વજ ફરકાવ્યો હતો.

13. 26 જાન્યુઆરી 2021બ્રેકિંગ, 'ITO ખેડૂતોના કાબૂમાં', એક ખેડૂતનું મૃત્યુ

    આઈટીઓ ખાતે હાજર બીબીસી સંવાદદાતા કીર્તિ દુબેનું કહેવું છે કે આઈટીઓ વિસ્તાર પર ખેડૂતોએ કબ્જો કરી લીધેલો દેખાય છે.

    તેઓ કહે છે, "અહીં ખેડૂતો ટ્રૅક્ટર દોડાવી રહ્યા છે અને પોલીસ બૅકફૂટ પર જણાઈ રહી છે."

    "ખેડૂતોનું કહેવું છે કે પહેલાં પોલીસે તેમની પર ટિયરગૅસના શેલ્સ છોડ્યા હતા."

    બીબીસી સંવાદદાતા વિકાસ ત્રિવેદીએ એક ખેડૂતના મૃત્યુની ખરાઈ કરી છે.

    તેઓ જણાવે છે કે "મેં બે-ત્રણ લોકોને ઈજાગ્રસ્ત થતા જોયા છે. ખેડૂતો રસ્તા પરના ડિવાઇડર્સ તોડવાના પ્રયાસ કરી રહ્યા છે."

    "ટિયરગૅસ છોડવાનો અવાજ સતત સંભળાઈ રહ્યો છે."

14. 26 જાન્યુઆરી 2021બ્રેકિંગ, ખેડૂતો લાલ કિલ્લા સુધી પહોંચ્યા

    સમાચાર એજન્સી એએનઆઈ પ્રમાણે આંદોલનકારી ખેડૂતો હવે દિલ્હીના લાલા કિલ્લા પાસે પણ પહોંચી ગયા છે.

    તો બીજી તરફ આઈટીઓ પાસે ખેડૂતો અને પોલીસ વચ્ચે ઘર્ષણ બાદ તણાવપૂર્ણ સ્થિતિ છે.

15. 26 જાન્યુઆરી 2021મધ્ય દિલ્હીના ITOમાં કેવો છે માહોલ?

    ગાઝીપુર બૉર્ડર તરફથી દિલ્હી તરફ આવેલા ખેડૂતો હવે દિલ્હીની મધ્યમાં આવેલા આઈટીઓ વિસ્તાર સુધી પહોંચી ગયા છે.

    આઈટીઓ ખાતે ઉપસ્થિત બીબીસી સંવાદદાતા કીર્તિ દુબે જણાવે છે કે અહીં ખેડૂતોને આગળ વધતાં રોકવા માટે પોલીસ સતત ટિયરગૅસના શેલ્સ છોડી રહી છે.

    તેમનું કહેવું છે કે બસોવે પણ નુકસાન થયું છે. દુબે કહે છે, "આઈટીઓ તરફ જતી ગાડીઓને પોલીસે રોકી લીધી છે અને દૂર સુધી ટિયરગૅસ શેલ્સના અવાજ સંભળાઈ રહ્યા છે."

16. 26 જાન્યુઆરી 2021દિલ્હીનાં અનેક મેટ્રો-સ્ટેશન બંધ

    દિલ્હી મેટ્રો રેલ કૉર્પોશન દ્વારા સમયપુર બાદલી, રોહિની સેક્ટર 18-19, હૈદરપુર બાદલી મોર, જહાંગીર પુરી, આદર્શ નગર, આઝાદપુર, મોડલ ટાઉન, જીટીબી નગર, વિશ્વવિદ્યાલય, વિધાનસભા અને સિવિલ લાઇન્સ મેટ્રો-સ્ટેશનના પ્રવેશ તથા બહાર નીકળવાના ગેટ્સ બંધ કરી દેવામાં આવ્યા છે.

17. 26 જાન્યુઆરી 2021ITO પાસે પોલીસ દ્વારા લાઠીચાર્જ

    ખેડૂતોની રેલી દિલ્હીની મધ્યમાં આવેલા ITO સુધી પહોંચી ગઈ હતી. ખેડૂતો ગાઝીપુર સરહદેથી બૅરિકેડ્સ તોડીને દિલ્હીમાં આવ્યા હતા.

    સમાચાર એજન્સી પીટીઆઈ પ્રમાણે પોલીસ સાથે ખેડૂતોનું ઘર્ષણ થતાં પોલીસ દ્વારા લાઠીચાર્જ કરવામાં આવ્યો છે.

18. 26 જાન્યુઆરી 2021બ્રેકિંગ, દિલ્હીના ITO પાસે ખેડૂતો અને પોલીસ વચ્ચે ભારે ઘર્ષણ

    દિલ્હીની મધ્યમાં આવેલા ITO વિસ્તારમાં જાહેર માર્ગ પર ખેડૂતો અને પોલીસ વચ્ચે ઘર્ષણ થયું હતું.

    સમાચાર એજન્સી એએનઆઈ પ્રમાણે ખેડૂતોએ બસો અને પોલીસના વાહનોમાં તોડ-ફોડ કરી હતી.

    પ્રદર્શનકારીઓએ પોલીસ પર હુમલો પણ કર્યો હોવાનું એજન્સી જણાવે છે.

19. 26 જાન્યુઆરી 2021બ્રેકિંગ, ખેડૂતો પોલીસનાં વાહનો પર ચડ્યા

    મધુબન ચોક પર સિંઘુ સરહદ તરફથી આવેલા યુવાન ખેડૂતોના સમૂહે બૅરિકેડ્સ તોડવાના પ્રયાસ કર્યા હતા.

    જેના જવાબમાં પોલીસ દ્વારા ટિયરગૅસના શેલ્સ છોડવામાં આવ્યા હતા. ઓછામાં ઓછા પાંચ વખત શેલ્સ ફાયર થયા હોવાનો અવાજ બીબીસી સંવાદદાતા વેંકટ પ્રસાદે સાંભળ્યો છે.

    જે બાદ ખેડૂતો પોલીસનાં વાહનો પર ચઢી ગયા હતા અને પોલીસને વૉટર કૅનની ગાડી પર પણ કાબૂ મેળવી લીધો હતો.

    જોકે બીજી તરફ વડીલ ખેડૂતો યુવાનોને શાંત કરવાના પ્રયાસમાં જોતરાયેલા દેખાય છે. અહીં ખેડૂતો અને પોલીસ વચ્ચે માહોલ ગરમાયો છે.

20. 26 જાન્યુઆરી 2021બ્રેકિંગ, ખેડૂતોએ DTC બસમાં તોડફઓડ કરી - ANI

    સમાચાર એજન્સી પ્રમાણે દિલ્હીના ITOમાં આવી પહોંચેલા ખેડૂતોએ ડીટીસીની બસોમાં તોડફોડ કરી છે.

    ગાઝીપુર સરહદેથી રેલી લઈને આવેલા ખેડૂતો પ્રગતિ મેદાન અને આઈટીઓ સુધી આવી પહોંચ્યા હતા.