You’re viewing a text-only version of this website that uses less data. View the main version of the website including all images and videos.
ગુજરાતમાં ભારે વરસાદની આગાહી, કયા જિલ્લાઓમાં પડશે અતિભારે વરસાદ?
- હવામાનવિભાગે ગુજરાતમાં વરસાદની કરી આગાહી
- સમગ્ર રાજ્યમાં 15 સપ્ટેમ્બર સુધી પડી શકે વરસાદ
- અગાઉ ઘણા જિલ્લામાં સરેરાશથી વધુ વરસાદ પડ્યો
ગુજરાતમાં શનિવારથી અનેક જિલ્લામાં વરસાદ પડ્યો છે. સૌરાષ્ટ્ર અને દક્ષિણ ગુજરાતમાં અન્ય જિલ્લાની સરખામણીએ વધુ વરસાદ જોવા મળ્યો છે.
જોકે, હવામાનવિભાગ દ્વારા આગામી દિવસોમાં પણ વરસાદની આગાહી કરવામાં આવી છે અને ઘણા વિસ્તારોમાં 15 સપ્ટેમ્બર સુધી વરસાદ વરસે તેવી શક્યતા છે.
બંગાળની ખાડીમાં આંધ્ર પ્રદેશ અને ઓડિશાના દરિયાકાંઠા પાસે લો પ્રેશર એરિયા સર્જાયો છે. જેના કારણે 11થી 15 સપ્ટેમ્બર સુધી સમગ્ર ગુજરાતમાં વરસાદ પડવાની શક્યતા છે.
15 સપ્ટેમ્બર બાદ વરસાદની માત્રા ઘટે તેવી શક્યતા છે.
ક્યા જિલ્લામાં ભારે વરસાદની શક્યતા?
બંગાળની ખાડીમાં પેદા થયેલું લૉ પ્રેશર હાલ ગુજરાત તરફ આગળ વધી રહ્યું છે. જેથી આવનારા પાંચ દિવસ દરમિયાન સમગ્ર રાજ્યમાં સામાન્ય વરસાદ વરસી શકે છે. જોકે, હવામાનવિભાગે કેટલાક જિલ્લામાં ભારે વરસાદની આગાહી કરી છે. જે આ મુજબ છે.
- 11 સપ્ટેમ્બર: ડાંગ, વલસાડ, દમણ, દાદરા નગર હવેલી, જૂનાગઢ, પોરબંદર, જૂનાગઢ, અમરેલી, ગીર સોમનાથ અને દીવ
- 12 સપ્ટેમ્બર: છોટા ઉદેપુર, નર્મદા, સુરત, તાપી, રાજકોટ, પોરબંદર, જૂનાગઢ, અમરેલી, ગીર સોમનાથ અને દીવ
- 13 સપ્ટેમ્બર: સુરત, નવસારી, વલસાડ, દમણ, દાદરા નગર હવેલી, જૂનાગઢ અને ગીર સોમનાથ
- 14 સપ્ટેમ્બર: નર્મદા, તાપી, ભરૂચ, સુરત, નવસારી, વલસાડ, દમણ, દાદરા નગર હવેલી, ખેડા, અમદાવાદ, આણંદ, પંચમહાલ, દાહોદ, ભાવનગર, રાજકોટ,જૂનાગઢ, અમરેલી, ગીર સોમનાથ અને બોટાદ
- 15 સપ્ટેમ્બર: ભરૂચ, સુરત, નવસારી, વલસાડ, ખેડા, અમદાવાદ, આણંદ, વડોદરા, છોટા ઉદેપુર, ડાંગ, તાપી, અમરેલી, ભાવનગર, ગીર સોમનાથ, સુરેન્દ્રનગર, રાજકોટ, જૂનાગઢ, મોરબી અને બોટાદ.
ગુજરાતમાં જૂન મહિના સુધી ગુજરાતમાં વરસાદની અછત હતી. તે સમયે રાજ્યમાં સરેરાશ કરતાં 49 ટકા ઓછો વરસાદ પડ્યો હતો.
જોકે, જુલાઈ મહિનો ગુજરાતમાં વરસાદ માટે સારો રહ્યો હતો અને અનેક જિલ્લામાં પૂર જેવી સ્થિતિ સર્જાઈ હતી.
ગુજરાતમાં 10 ઑગસ્ટ સુધી સરેરાશ કરતાં 30 ટકા વધુ વરસાદ પડ્યો હતો. પરંતુ ઘણા જિલ્લા એવા પણ હતા. જ્યાં હજી પણ વરસાદની અછત છે.
End of સૌથી વધારે વંચાયેલા સમાચાર
ઉલ્લેખનીય છે કે 10 ઑગસ્ટ સુધીમાં અમદાવાદ, દાહોદ અને ગાંધીનગરમાં સરેરાશ કરતાં ઓછો વરસાદ પડ્યો છે.
જ્યરે કચ્છ, પોરબંદર, દેવભૂમિ દ્વારકા, વલસાડ, નર્મદા જેવા જિલ્લામાં સરેરાશ કરતાં વધુ વરસાદ પડ્યો છે.
તમે બીબીસી ગુજરાતીને સોશિયલ મીડિયા પર અહીં ફૉલો કરી શકો છો