Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Aston Villa yaguze Bertrand Traoré imukuye muri Lyon
Aston Villa yaguze Umunya-Burkina Faso Bertrand Traoré imukuye muri Lyon kuri miliyoni 17 z'amapawundi.
Traoré w'imyaka 25, agarutse muri shampiyona ya Premier League nyuma yo kumara imyaka itatu akina mu Bufaransa.
Yamaze imyaka itatu akina muri Chelsea, ubu yongeye guhura na John Terry bahoze bakinana, usigaye ari umutoza wungirije wa Villa.
Umutoza Dean Smith wa Villa yagize ati: "Twishimiye ko Bertrand yahisemo kuza muri Villa".
"Ni umukinnyi ufite impano nyinshi uzateza imbere uruhande rwacu rwo gusatira izamu".
Traoré abaye umukinnyi wa kane ukomeye Villa iguze kuri iyi mpeshyi, nyuma y'umunyezamu Emiliano Martinez yakuye muri Arsenal, rutahizamu Ollie Watkins yaguze muri Brentford na myugariro Matty Cash yakuye muri Nottingham Forest.
Villa ishobora kuba imaze gutanga miliyoni 83 z'amapawundi zose hamwe kugeza ubu kuri iyi mpeshyi.
Kandi nubwo umutoza Dean Smith akireba niba hari abandi yabona bo kunganira iyi kipe, bishoboka ko Traoré ari we wa nyuma iguze ukomeye kuri iyi sizeni, keretse habonetse andi mahirwe y'umukinnyi itateganyaga.