Kapiteni wa Arsenal yanze kujyana nayo muri Amerika kwitegura shampiyona

Inyandiko gusa
Koscielny amaze gukinira Arsenal imikino 353 ndetse yayifashije kwegukana igikombe cya FA mu mwaka w'imikino wa 2013-2014 no mu wa 2014-2015

Ahavuye isanamu, Reuters

Insiguro y'isanamu, Koscielny amaze gukinira Arsenal imikino 353 ndetse yayifashije kwegukana igikombe cya FA mu mwaka w'imikino wa 2013-2014 no mu wa 2014-2015
Yatangajwe

Kapiteni wa Arsenal Laurent Koscielny yanze kujyana n'iyi kipe muri Leta Zunze Ubumwe z'Amerika mu mikino yo kwitegura shampiyona itaha.

Myugariro Koscielny w'imyaka 33 y'amavuko, kontaro ye izarangira mu mwaka utaha w'imikino wa 2019-2020 ndetse bivugwa ko ari kwifuzwa n'amakipe y'iwabo mu Bufaransa nka Bordeaux, Rennes na Lyon.

Ubuyobozi bwa Arsenal bwagize buti: "Tubabajwe cyane n'ibikorwa bya Laurent, binyuranyije n'amabwiriza yacu asobanutse neza".

Arsenal yongeyeho iti: "Twizeye gucyemura iki kibazo kandi kuri ubu nta yandi makuru tuributangaze".

Bivugwa ko umutoza Unai Emery yarakariye bikomeye Koscielny kubera kwanga kujyana na bagenzi be muri Amerika

Ahavuye isanamu, Getty Images

Insiguro y'isanamu, Bivugwa ko umutoza Unai Emery yarakariye bikomeye Koscielny kubera kwanga kujyana na bagenzi be muri Amerika

Amakuru avuga ko Bordeaux yemereye Koscielny kumuha kontaro y'imyaka itatu.

Koscielny yageze muri Arsenal ku mpeshyi yo mu mwaka wa 2010 aguzwe arenga gato miliyoni 10 z'amapawundi.