DR Congo: Cardinal Laurent Monsengwo Pasinya yapfiriye muri France
Ahavuye isanamu, Vatican News
Cardinal Laurent Monsengwo Pasinya wo muri DR Congo yapfiriye mu Bufaransa kuri iki cyumweru ku myaka 81, azize uburwayi.
Urupfu rwe rwemejwe na Cardinal Fridolin Ambongo Besungu - ari nawe wamusimbuye agiye mu kiruhuko cy'izabukuru mu 2018, wasabye rubanda kumusabira iruhuko ridashira.
Mu cyumweru gishize nibwo Laurent Monsengwo yajyanywe kuvurirwa mu Bufaransa uburwayi butatangajwe.
Mu 2010 nibwo yagizwe Cardinal, usibye kuba umunyedini ukomeye azwi kandi nk'impirimbanyi y'amahoro, ibiganiro n'uburenganzira bwa muntu.
Mu 2011, Cardinal Monsengwo yanyuranyije n'uwari Perezida Joseph Kabila ubwo yavugaga ko amatora yari yabaye "atarimo ukuri cyangwa ubutabera".
Mu 2013, yari mu ba-cardinal bashoboraga gutorwamo Papa, ndetse yari mu nteko y'abatoye Papa Francis uriho ubu.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Monsengwo yize Tewologiya n'amasomo yimbitse ya Bibiliya i Roma n'i Yeruzalemu, mbere yo kugaruka muri Africa mu butumwa.
Yagizwe umupadiri mu kwezi kwa 1963 na Musenyeri mu 1980. Mu 1981 yagizwe Arkepiskopi wa Kisangani mu 2007 agirwa Arkepiskopi wa Kinshasa.
Monsengwo ntiyacecetse ku byo yabonaga bitagenda ku butegetsi bwa Mobutu Sese Seko, Laurent-Désiré Kabila cyangwa Joseph Kabila.
Padiri Jean-Marie Konde ushinzwe itumanaho muri Kiliziya i Kinshasa yanditse kuri Twitter ati: "Umusoda w'icyatwa wa Kritu, ruhukira mu mahoro".
