ፕሬዝዳንት ፑቲን የሩሲያ የኑክሊየር ኃይል በተጠንቀቅ እንዲቆም አዘዙ

የቀጥታ ሽፋን

1. 25 የካቲት 2022የዩክሬን ባለሥልጣን ሩሲያ በኪዬቭ ላይ የሚሳኤል ጥቃት መፈጸሟን ገለጹ

   የዩክሬን የውጭ ጉዳይ ሚኒስትር ደማይሮ ኩሌባ ሩሲያ በዩክሬን መዲና ኪዬቭ ላይ ‘አስከፊ’ የሚሳኤል ጥቃት መፈጸሟን አስታወቁ።

   የውጭ ጉዳይ ሚኒስትሩ ይህን የሩሲያ የሚሳኤል ጥቃት በሁለተኛው የዓለም ጦርነት ወቅት ናዚ ጀርመን በዩክሬን ላይ ካደረገው ጥቃት ጋር አነጻጽረውታል።

   የ X ይዘትን ይለፉት

   ይዘቱን X ይፈቅዳሉ?

   ይህ ጽሑፍ በX. የቀረበ ይዘት ይዟል። ገጹ ቴክኖሎጂዎች ወይም ኩኪዎች ሊኖረው ስለሚችል ገጹ ከመከፈቱ በፊት የእርስዎን ፍቃድ እንጠይቃለን። ፍቃድዎን ከመስጠትዎ በፊት የX ኩኪ ፖሊሲ እና የ ማንበብ ይፈልጉ ይሆናል። ይዘቱን ለማንበብ ‘እቀበላለሁ ቀጥል’ የሚለውን ይምረጡ።

   Accept and continue

   ማሳሰቢያ: በሌሎች ገጾች ላይ ላሉ ይዘቶች ቢቢሲ ኃላፊነት አይወስድም።

   የ X ይዘት መጨረሻ

   በኪዬቭ ያለው የቢቢሲ ዘጋቢ ፖል አደምስ የአደጋ ማስጠንቀቂያ ደወል እና ቢያንስ አንድ የፍንዳታ ድምጽ በከተማዋ መስማቱን ተናግሯል።

   አንድ የዩክሬን ጋዜጣ የሩሲያ ታንኮች ወደ መዲናዋ እንዳይገቡ የዩክሬን ወታደሮች በኪዬቭ አቅራቢያ የሚገኝ ድልድይ ማፍረሳቸውን ዘግቧል።

2. 25 የካቲት 2022በዩክሬን ውስጥ የተቀሰቀሰው ጦርነት በአፍሪካ ላይ ምን አይነት ጫና ይኖረዋል?

3. 25 የካቲት 2022የዩክሬኑ ፕሬዝደንት ሩሲያ ተኩስ እንድታቆም ጠየቁ

   

   የፎቶው ባለመብት, UKRAINE PRESIDENT/FACEBOOK

   የዩክሬኑ ፕሬዝደንት ቮሎድሚየር ዜሌኒስኪ ጦርነቱ እንዲቆም ሩሲያ ልታነጋግረን ይገባል አሉ።

   ፕሬዝደንቱ በአገሪቱ ሰዓት አቆጣጠር ጠዋት 1፡30 ላይ በቴሌቪዥን ቀርበው በዩክሬን እና በሩሲያ ቋንቋዎች ንግግር አድርገዋል።

   ዜሌኒስኪ በንግግራቸው ዛሬ ዓርብ ንጋት ላይም ሩሲያ የጦር እና ሲቪል ተቋማትን በሚሳኤል ደብድባለች ካሉ በኋላ ሞስኮ ተኩስ እንድታቆም ጥሪ አቅርበዋል።

   “ይህን ወረራ እና ግጭት ለማቆም ይዘግይ እንጂ ሩሲያ እኛን ማነጋገሯ አይቀርም” ያሉት ዜሌኒስኪ፤ “ንግግሩን በፍጥነት መጀመር፤ ሩሲያ የሚደርስባትን ውድመት አነስተኛ ያደርገዋል” ብለዋል።

   ፕሬዝደንት ዜሌኒስኪ ያቀረቡት የተኩስ አቁም ንግግር ምላሽ እስኪያገኝ ድረስ “አገራችንን መከላከላችንን እንቀጥላለን” ብለዋል።

   ዜሌኒስኪ "ምዕራባውያኑ ሁኔታውን ከሩቅ ሆነው መመልከትን መርጠዋል" ካሉ በኋላ "እንደ ትናንቱ ሁሉ ዛሬም አገራችንን ለብቻችን እየተከላከልን ነን" በማለት ምዕራባውያን ለዩክሬን ድጋፍ እንዲሰጡ ዳግም ጠይቀዋል።

4. 25 የካቲት 2022'ሩሲያ ወደ ኃያልነቷ መልሰዋል' የሚባልላቸው ቭላድሚር ፑቲን ማን ናቸው?

5. 25 የካቲት 2022በጦርቱ አስካሁን 137 ሰዎች መገደላቸውን ዩክሬን አስታወቀች

   

   የፎቶው ባለመብት, Office of the president of Ukraine

   ሩሲያ በዩክሬን ላይ ወታደራዊ ዘመቻ ከጀመረች በኋላ እስካሁን137 ሰዎች መገደላቸውን ፕሬዝዳንት ቮሎድሚር ዜሌንስኪ አስታወቁ።

   ቪዲዮ ተቀርጾ ለሕዝብ በተላለፈው መልዕክት ፕሬዝደንት ዜሌኒስኪ በሩሲያ ወረራ 137 ዜጎቻቸው መገደላቸውንና ዩክሬናውያን አገራቸውን እንዲከላከሉ ጥሪ አቅርበዋል።

   ጨምረውም አቅሙ ያለው ዩክሬናዊ የቻለውን እንዲያደረግ እንዲሁም ዕድሚያቸው ከ18 አስከ 60 ያሉ ዜጎች አገራቸውን ጥለው እንዳይወጡ አሳስበዋል።

   "ሩሲያ የዩክሬንን መሪ በማስወገድ አገሪቱን ከፖለቲካው መድረክ ማስወገድ ትፈልጋለች” ያሉት ፕሬዝዳንቱ፤ የወረራው ዋነኛ ኢላማ እሳቸውና ቤተሰባቸው መሆናቸውን አመልክተዋል።

   ነገር ግን እሳቸውም ሆኑ ቤተሰባቸው እዚያው ዩክሬን ውስጥ መሆናቸውን ተናግረዋል።

6. 25 የካቲት 2022የኒው ዚላንድ ጠቅላይ ሚኒስትር የሩሲያ አምባሳደሮችን ሊያባርሩ ነው

   

   የፎቶው ባለመብት, Getty Images

   የኒው ዚላንድ ጠቅላይ ሚኒስትር ጃሲንዳ አርድነር በአገሪቱ ያሉ የሩሲያ አምባሳደሮችን ማባረርን እንደ አማራጭ እየተመለከትኩ ነው ብለዋል።

   ጠቅላይ ሚኒስትሯ አምባሳደሮች ከዌሊንግተን ማሰናበት ቀላል ውሳኔ ባይሆንም በጠረጴዛ ላይ ያለ አማራጭ መሆኑን አመልክተዋል።

   ሐሙስ ዕለት የኒው ዚላንድ መንግሥት በሩሲያ ወረራ ተሳትፎ አላቸው ባለቻቸው ሩሲያውያን ግለሶቦች ላይ የጉዞ እገዳ አስተላልፋለች።

   ከዚህ በተጨማሪም ኒው ላንድ ከሩሲያ ጋር ያላትን የሁለትዮሽ ግንኙነት የውጭ ጉዳይ ምክክርን አቋርጣለች እንዲሁም ለሩሲያ ጦር ግብዓት የሚሆኑ ምርቶች ከመላክ ተቆጥባለች።

   የሩሲያን ወረራ “ሕገ-ወጥ” ሲሉ የገለጹት ጠቅላይ ሚኒስትር ጃሲንዳ፤ የንጹሃንን ሕይወት ለመታደግ እና አላስፈላጊ ውድመት ከመድረሱ በፊት የሩሲያ ወታደሮች ወታደራዊ ዘመቻቸውን አቁመው ከዩክሬን ግዛቶች እንዲወጡ ጠይቀዋል።

7. 25 የካቲት 2022ሌሊት ምን ተከሰተ?

   

   የፎቶው ባለመብት, Getty Images

   ሩሲያ በዩክሬን ላይ ጥቃት ከከፈተች ሁለተኛ ቀን ሆኖታል። አስካሁን የተከሰቱ ዋና ዋና ሁኔታዎች ምንድን ናቸው?

   • አርብ ማለዳ ዋና ከተማዋ ኪዬቭ ውስጥ ፍንዳታዎች የተሰሙ ሲሆን አንድ አውሮፕላን ተመቶ መውደቁ ተነግሯል።

   • የዩክሬኑ ፕሬዝዳንት ቮሎድሚር ዜሌንስኪ የሩሲያ ‘ተላላኪዎች’ ወደ ዋና ከተማዋ መግባታቸውን ተናገሩ።

   • ጦርነቱ በመላዋ ዩክሬን በተለያዩ ግንባሮች እየተካሄደ ነው። በተለይ በምሥራቅ፣ በሰሜንና በደቡብ የአገሪቱ ክፍል ከባድ ከባድ ውጊያ እየተካሄደ ነው።

   • በአገሪቱ ሰሜናዊ ክፍል የሚገኘው የኑክሌር ማዕከል ቼርኖቤል በሩሲያ ኃይሎች ቁጥጥር ስር ገብቷል።

   • በሺዎች የሚቆጠሩ ዩክሬናውያን ጦርነቱ በሚካሄድባቸው አካባቢዎች ከሚገኙ ከተሞች እየለቀቁ ወጥተዋል። ወደ ምዕራባዊ ዩክሬን ከሄዱት በተጨማሪ ወደ አጎራባች ፖላንድና ሮማኒያም የተሰደዱ አሉ።

   • የአውሮፓ ሕብረት፣ አውስትራሊያ እና ጃፓን የሩሲያ ባንኮችን፣ ኩባንያዎችንና ባለሃብቶችን ኢላማ የሚያደርጉ አዳዲስ ማዕቀቦችን ጥለዋል።

   • ሞስኮና ሴንት ፒተርስበርግን ጨምሮ በተለያዩ የሩሲያ ከተሞች በሺዎች የሚቆጠሩ ሰዎች ወደ ጎዳናዎች ወጥተው ጦርነቱን ተቃውመዋል። በመቶወች የሚቆጠሩ ተቃዋሚዎች በፀጥታ ኃይሎች ተይዘው መታሰራቸው ተነግሯል።

8. 25 የካቲት 2022እንዴት አደራችሁ?

   

   የፎቶው ባለመብት, Reuters

   ዓለምን እያነጋገረ ያለው የሩሲያ ወረራ ሁለተኛ ቀኑን ይዟል።

   ዛሬ ላይ የሩሲያ ኃይሎች ከዩክሬን መዲና አቅራቢያ ደርሰው በሁለቱ አገራት ወታደሮች መካከል ከፍተኛ ውጊያ እየተካሄደ ስለመሆኑ መረጃዎች እየወጡ ነው።

   ዩክሬናውያን ከከባድ መሳሪያ ጥቃት እራሳቸውን ለመከላከል ከምድር በታች በሚገኙ የባቡር ጣቢያዎች ተጠልለዋል።

   ዛሬ የሚኖሩ ዋና ዋና ክስተቶችን በቀጥታ ዘገባ ገጻችን በፍጥነት እናቀርባለን።

   ትናንት የነበሩትን ዋና ዋና ክስተቶችን ማንበብ ከፈለጉ ከታች ይመልከቱ።

9. 24 የካቲት 2022የሩሲያ ወታደሮች ወደ ዋና ከተማ ኪዬቭ ተቃርበዋል

   

   የፎቶው ባለመብት, Getty Images

   የሩሲያ አየር ወለዶች ከዩክሬን መዲና ኪዬቭ በ30 ኪሎ ሜትሮች ርቀት ላይ ይገኛሉ።

   ከረፋድ ጀምሮ የሩሲያ አየር ወለዶቹ የዩክሬንን አንቶኖቭ ጦር ካምፕን በቁጥጥራቸው ስር አስገብተዋል።

   በሌላ በኩል ደግሞ የዩክሬን ብሔራዊ ዘብ የመልሶ ማጥቃት ዘመቻ መጀመሩን አስታውቋል።

   በምድር፣ በአየርና በባሕር ሐሙስ ጠዋት በዩክሬን ላይ ጥቃት የከፈተችው ሩሲያ ከፍተኛ ውግዘት እየገጠማት ቢሆንም ዘመቻዋን ቀጥላለች።

   የሩሲያ ጦር በተለያዩ አቅጣጫዎች ጥቃት የከፈተ ሲሆን ብረተ ለበስ ሜካናይዝድ ጦር ፈጣን ግስጋሴ እያደረገ ነው። በዚህም ከደቡብ አቅጣጫ በቤላሩስ ድንበር በኩል እንዲሁም በሰሜን ከክሬሚያ አቅጣጫ ወደ ዩክሬን አምርቷል።

   በኪዬቭ የሚገኘው የቢቢሲ ዘጋቢ ፖል አደምስ ሩሲያ በቀጣይ ምን ልታደርግ እንደምትችል ግልጽ አይደለም ብሏል።

   ምናልባት የአየር ኃይሉን ጦር ካምፕ የተቆጣጠሩት አየር ወለዶች ባሉበት ሆነው ሜካናይዝድ ጦሩን ሊጠብቁ እንደሚችሉ አመልክቷል።

   አልያም አየር ወለዶቹ የያዙትን የአየር ኃይል ካምፕ በኪዬቭ ላይ የአየር ጥቃት ለመክፈት ይጠቀሙበት ይሆናል ብሏል።

10. 24 የካቲት 2022በምስል: ፍርሃት እና ድንጋጤ በዩክሬን ጎዳናዎች ላይ

    የሩሲያ ጦር በዩክሬን ወታደራዊ ጥቃት መክፈቱን ተከትሎ ዩክሬናውያን ድጋጤ ውስጥ ገብተዋል።

    ከዚህ በታች የሚታዩት ምስሎች በዩክሬን ጎዳናዎች ላይ ያለውን ሁኔታ ያሳያሉ።

    

    የፎቶው ባለመብት, Getty Images

    

    የፎቶው ባለመብት, Getty Images

    

    የፎቶው ባለመብት, Getty Images

    

    የፎቶው ባለመብት, Getty Images

    

    የፎቶው ባለመብት, Getty Images

    

    የፎቶው ባለመብት, Getty Images

11. 24 የካቲት 2022የሩሲያ እና የዩክሬን ፍጥጫ አሁን ካለበት እንዴት ደረሰ?

12. 24 የካቲት 2022ሩሲያ ላይ የሚጣለው ማዕቀብ ከሞስኮ ጥቃት ጋር የሚስተካከል ይሆናል- ማክሮን

    

    የፈረንሳይ ፕሬዝደንት ኢማኑኤል ማክሮን ሩሲያ ላይ ጠንካራ ማዕቀብ እንደሚጥሉ አስታወቁ።

    ማክሮን ሞስኮ ላይ የሚጣለው ማዕቀብ ሩሲያ በዩክሬን ላይ ከከፈተችው ጥቃት ጋር የሚስተካከል ይሆናል ብለዋል።

    ፕሬዝደንቱ የሩሲያን ጦር፣ ምጣኔ ሃብት እና የኢነርጂ ዘርፍ የሚያሽመደምዱ ማዕቀቦች ይጣላሉ ብለዋል። “ያለ ማቅማማት ዩክሬንን እንደግፋለን፤ የአውሮፓ አጋሮቻችንን ሉዓላዊነት እና ደኅንነት የመጠበቅ ኃላፊነታችንን እንወጣለን” ሲሉ ለፈረንሳይ ሕዝብ በቴሌቪዥን መስኮት ቀርበው ተናግረዋል።

    ማክሮን የፈረንሳይ፣ የአውሮፓ ሕብረት እና የዩክሬን ሰንደቅ ዓላማዎችን ከጀርባቸው አድርገው የሩሲያ ጥቃት “የአውሮፓን ታሪክ የቀየረ ነው” ሲሉ ተናግረዋል።

    “ለዚህ የጦርነት ቅስቀሳ እርምጃ በአንድነት፣ በቁርጠኝነ እና በእርጋት ምላሽ እንሰጣለን” ብለዋል።

13. 24 የካቲት 2022ዩክሬን የሩሲያን ሄሊኮፕተር መትታ ጣለች

    

    የፎቶው ባለመብት, Unknown

    ዩክሬን የሩሲያን ተዋጊ ሄሊኮፕተር ዋና ከተማዋ ኪዬቭ አቅራቢያ መትታ ጣለች።

    ቢቢሲ የተከሰከሰ የሩሲያ ሄሊኮፕተርን የሚያሳይ ተንቀሳቃሽ ምስል ምንጭን ማወቅ ባይችልም ትክክለኛነቱን ግን አረጋግጧል።

    ሄሊኮፕተሩ ተመትቶ የወደቀው ሆስፖሜል በተሰኘ የዬክሬን አየር ማረፊያ አቅራቢያ ነው።

    ኪዬቭ አቅራቢያ የሚገኘውን ይህን የአየር ማረፊያ ለመቆጣጠር ሩሲያ ጥቃት ስለመክፈቷ የዩክሬን ከፍተኛ ጦር አባል ለሮይተርስ የዜና ወኪል ተናግረዋል።

    ሆስፖሜል አየር ማረፊያ የዩክሬን ግዙፉ የእቃ ጫኝ አውሮፕላኖች ማረፊያ እና የጦር ካምፕ ነው።

14. 24 የካቲት 2022ጎረቤት አገራት በዩክሬናውያን ስደተኞች ሊጥለቀለቁ ይችላሉ ተባለ

    

    የፎቶው ባለመብት, Reuters

    የተባበሩት መንግሥት በዩክሬን ያለው ሁኔታ በፍጥነት እየተቀያየረ ስለሆነ ጎረቤት አገራት ለስደተኞች በሮቻቸውን ክፍት እንዲያደርጉ ጠየቀ።

    የተመድ የሰደተኞች ከፍተኛ ኮሚሽን ኮሚሽነር ፊሊፖ ግራንዲ፤ “ገና ከአሁኑ ጉዳት የደረሰባቸውን ሰዎች እየተመለከትን ነው። በርካታ ሰዎችም ከጥቃት ለመዳን ቤቶቻቸውን ጥለው እየሸሹ ነው” ብለዋል።

    በርካታ የዩክሬን ጎረቤት አገራት የሩሲያን ወረራ ተከትሎ መኖሪያቸውን ጥለው የሚሰደዱ ሰዎችን ለመቀበል በዝግጅት ላይ እንገኛለን ብለዋል።

    የፖላንድ ጤና ሚኒስትር በአገሪቱ ድንበር አቅራቢያ የስደተኞች መቀበያ ስፍራ መዘጋጀቱን ተናግረዋል።

    ሃንጋሪ እና ስሎቫኪያ በተመሳሳይ ስደተኞችን ለመቀበል ዝግጁ መሆናቸውን እና ከፍተኛ ቁጥር ያለው ስደተኛ ለማስተናገድ ጦራቸውን ወደ ድንበር እንደሚልኩ አስታውቀዋል።

    ጀርመን በበኩሏ ስደተኞችን ለሚቀበሉ አገራት የሰብዓዊ እርዳታ ድጋፍ እንደምታደርግ ገልጻለች።

15. 24 የካቲት 2022ቤላሩስ በዚህ ጦርነት ተሳትፎ እንዳታደርግ የአውሮፓ ሕብረት አሳሰበ

    

    የፎቶው ባለመብት, AFP

    ሩሲያ በዩክሬን ላይ በምትደርገው ጥቃት ቤላሩስ ተሳትፎ እንዳይኖራት የአውሮፓ ሕብረት አሳሰበ።

    የአውሮፓ ሕብረት ካውንስል ፕሬዝደንት ቻርልስ ሚሼል ለቤላሩስ መንግሥት እና ሕዝብ፤ “የሩሲያን የአጥፊነት መንገድ መከተል የለባችሁም” ሲሉ መልዕክት አስተላልፈዋል።

    “በጎረቤታችሁ ላይ በተፈጸመ በዚህ አላስፈላጊ አፍራሽ ተግባር ላይ ያለመሳተፍ ምርጫ አላችሁ” ብለዋል የካውንስሉ ፕሬዝደንት።

    የአውሮፓ ሕብረት በሩሲያ ላይ ማዕቀብ ለመጣል አስቸኳይ ስብሰባ ያደርጋል ተብሎ ይጠበቃል።

    በቀጠናው የሩሲያ የቅርብ አጋር እና ከዩክሬን ጋር በድንበር የምትዋሰነው ቤላሩስ፤ ወታደሮቿን ከሩሲያ ጎን ስለማሰለፏ ሪፖርቶች ወጥተዋል።

    ከዚህ በተጨማሪም የሩሲያ ወታደሮች በቤላሩስ በኩል ወደ ዩክሬን ዘልቀው እንዲገቡ ቤላሩስ ፈቅዳለች በማለት የኪዬቭ ባለሥልጣናት ቅሬታ አቅርበዋል።

16. 24 የካቲት 2022በዩክሬን ተማሪ የሆነችው ኢትዮጵያዊት፡ "የሚሳኤል ፍንዳታው ርችት መስሎኝ ነበር"

17. 24 የካቲት 2022ኢስቶኒያ ለዩክሬን ያላትን ድጋፍ ገለጸች

    

    የኢስቶኒያ ጠቅላይ ሚኒስትር ካጃ ካላስ በተቻለን መጠን ዩክሬንን እንደግፋለን ሲሉ ለቢቢሲ ተናገሩ።

    ከሩሲያ ጋር ድንበር የምትጋራው ኢስቶኒያ የሰሜን አትላንቲክ የጦር ቃል ኪዳን ድርጅት (ኔቶ) አባል አገር ነች።

    ጠቅላይ ሚኒስትሯ በአውሮፓ ሕብረት እና በኔቶ ደረጃ ይህ የሩሲያ ጥቃት እንዳይስፋፋ የተቻለንን ሁሉ ማድረግ አለብን ብለዋል።

    ቀደም ሲል የኔቶ ዋና ፀሐፊ የንስ ስቶለተንበርግ በሰጡት መግለጫ፤ “በአንድ አባል አገር ላይ የሚሰነዘር ጥቃት በሁሉም አባል አገራት ላይ የተሰነዘረ ጥቃት ተደርጎ ይወሳዳል” ብለው ነበር።

    ይህ የኢስቶኒያ መንግሥት አቋም የተሰማው ቤላሩስ ከሩሲያ ጎን በመሰለፍ ወታደሮቿን ወደ ዩክሬን ልካለች የሚል መረጃ ከወጣ በኋላ ነው።

    ሩሲያ በዩክሬን ላይ የጀመረችው ጦርነት ወደተቀሩት የአውሮፓ አገራት ሊስፋፋ ይችላል የሚል ስጋት አለ።

    ይህ በእንዲህ እንዳለ የሊቱዌኒያ ፕሬዝደንት የአስቸኳይ ጊዜ አዋጅ ደንግገዋል።

    ከሩሲያ ጋር ድንበር የምትጋራው ሊቱዌኒያ የሩሲያ እና የቤላሩስ ወታደሮች በስፋት በመሰማራታቸው ድንበር ለመጠበቅ ወታደሮቻቸው እስፈላጊውን እንደሚያደርጉ ፕሬዝደንት ጊታናስ ናኤሱዳ ገልጸዋል።

    በተመሳሳይ ሊቱዌኒያም የኔቶ አባል አገር ናት።

18. 24 የካቲት 2022ኔቶ የአባል አገራት ደኅንነትን አረጋግጣለሁ አለ

    

    የፎቶው ባለመብት, AFP

    የሰሜን አትላንቲክ የጦር ቃል ኪዳን ድርጅት (ኔቶ) የአባል አገራትን ደኅንነት አረጋግጣለሁ አለ።

    የኔቶ ዋና ጸሓፊ የንስ ስቶለተንበርግ የኔቶ ዋነኛ ዓላማ አባል አገራትን መከላከል ነው ብለዋል።

    ዋና ሥራ አስፈጻሚው ከደቂቃዎች በፊት በሰጡት መግለጫ፤ “በአንድ አባል አገር ላይ የሚሰነዘር ጥቃት በሁሉም አባል አገራት ላይ የተሰነዘረ ጥቃት ተደርጎ ይወሳዳል” ብለዋል።

    ኔቶ አሜሪካ፣ ዩናይትድ ኪንግደም፣ ፈረንሳይ፣ ጀርመን እና ቱርክን ጨምሮ በርካታ አውሮፓውያን አገራት የተካተቱበት 30 አባል አገራት አሉት።

    ዩክሬን የኔቶ አባል አገር አይደለችም። ይሁን እንጂ ዩክሬን የኔቶ አባል አገር የመሆን ፍላጎት እንዳላት ፕሬዝደንት ዜሌኒስኪ ከዚህ ቀደም በይፋ ተናግረው ነበር።

    ሞስኮ ዩክሬን በየትኛውም መንገድ የኔቶ አባል አገር መሆን የለባትም በማለት ስትቃወም ቆይታለች።

    ኔቶ ሩሲያ በዩክሬን ላይ ጦርነት መክፈቷ በተቀሩት ጎረቤት አባል አገራት ላይ የደኅንነት ስጋት ነው ብሎ ያምናል።

    ከሩሲያ ጋር የሚዋሰኑት ላቲቪያ እና ኢስቶኒያ የኔቶ አባል አገራት ናቸው።

    የኔቶ ዋና ፀሐፊ በመግለጫቸው ሩሲያ ከኃይል ይልቅ ዲፕሎማሲን መምረጥ አለባት ብለዋል።

19. 24 የካቲት 2022ምዕራባውያን በሩሲያ ላይ ምን አይነት ማዕቀቦችን ሊጥሉ ይችላሉ?

    

    የፎቶው ባለመብት, Reuters

    ፑቲን ዩክሬን ላይ ወታደራዊ ዘመቻ መጀመራቸውን ተከትሎ ምዕራባውያኑ በሞስኮ ላይ ጠንካራ ማዕቀብ እንደሚጥሉ እየዛቱ ነው።

    ቀደም ሲል አሜሪካ እና ዩናይትድ ኪንግደም ሞስኮ ላይ ማዕቀብ ጥለዋል። ይሁን እንጂ ይህ ማዕቀብ የፑቲን አስተዳደርን ለመቅጣት በቂ አይደለም የሚሉ መከራከሪያዎች እየተሰሙ ነው።

    ለዚህም ይመስላል ምዕራባውያኑ በሞስኮ ላይ ተጨማሪ ጠንካራ ማዕቀብ እንደሚጥሉ እየገለጹ የሚገኙት።

    ለመሆኑ ምዕራባውያኑ በሩሲያ እና ፑቲን ላይ ምን አይነት ማዕቀቦችን ሊጥሉ ይችላሉ?

    ዘገባውን ለማንበብ እዚህ ይጫኑ። https://bbc.com.im/amharic/news-60158165%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">

    24 የካቲት 2022የዩክሬን ወታደራዊ እና ደኅንነት ተቋማት ጥቃት ተፈጸመባቸው

    

    የፎቶው ባለመብት, Reuters

    የዩክሬን ወታደራዊ እና የደኅንነት ተቋማት በሩሲያ የሚሳኤል ጥቃቶች ዒላማ መደረጋቸውን የዩክሬን ባለሥልጣናት እና የዓይን እማኞች ተናገሩ።

    ከደቂቃዎች በፊት ሮይተርስ የዜና ወኪል በዩክሬን መዲና ኪዬቭ ከሚገኘው የአገሪቱ ጦር ደኅንነት ዋና መሥሪያ ቤት ጥቁር ጭስ ሲወጣ ታይቷል ሲል ዘግቧል።