በኢትዮጵያ በኮሮናቫይረስ የተያዙ ሰዎች ቁጥር ወደ 21 ሺህ ተጠጋ

የቀጥታ ሽፋን

1. 31 ሀምሌ 2020ሪፐብሊካን ለትራምፕ፡ ምርጫውን ማዘግየት አይችሉም

2. 31 ሀምሌ 2020በኤርትራ በኮቪድ-19 የተያዙ ሰዎች ቁጥር 279 ደረሰ

   ኤርትራ 14 ሰዎችን በኮሮናቫይረስ መያዛቸውን በምርመራ ማረጋገጧን ገለፀች።

   ይህም በአገሪቱ በኮቪድ-19 መያዛቸው የተረጋገጠ ሰዎች ቁጥርን 279 ያደረሰው መሆኑን የአገሪቱ ጤና ሚኒስቴር ያወጣው መግለጫ ያሳያል።

   በተያያዘ ዜና በሆስፒታሎች ህክምና እየተከታተሉ የነበሩ 34 የኮሮናቫይረስ ህሙማን ሙሉ በሙሉ አገግመው ከሆስፒታል መውጣታቸው ተገልጿል።

   በኤርትራ የኮሮናቫይረስ ወረርሽኝ መከሰቱ ከታወቀበት ዕለት ጀምሮ እስካሁን ድረስ ከበሽታው ሙሉ በሙሉ ያገገሙ ሰዎች ቁጥር 225 ደርሷል።

3. 31 ሀምሌ 2020አፍሪካውያን የጣሉትን የእንቅስቃሴ ገደብ እንዳያነሱ ዓለም ጤና ድርጅት አሳሰበ

   የዓለም ጤና ድርጅት አፍሪካውያን በኮቪድ-19 ምክንያት ጥለውት የነበረውን የእንቅስቃሴ ገደብ ማላላታቸው ስርጭቱን እንደሚያሰፋው በመጥቀስ ምርመራ እና ንክኪ መለየት ላይ አጠናክረው እንዲሰሩ ለመንግሥታቱ ጥሪ አቀረበ።

   የድርጅቱ የአፍሪካ ዳይሬክተር ማትሺድሶ ሞይቲ "ሁላችንም ደህንነታችን ካልተጠበቀ ማንም ደህነቱ እንደማይጠበቅ" የአፍሪካ አገራት ማወቅ ይኖርባቸዋል ብለዋል።

   በአሁኑ ሰዓት በአህጉሪቱ በቫይረሱ የተያዙ ሰዎች ቁጥር 800,000 የደረሰ ሲሆን አንዳንድ አገራት የጣሉትን የእንቅስቃሴ ገደብ ማላላት ጀምረዋል።

   እንደ ሞሮኮ ያሉ አገራት ደግሞ ወረርሽኙ ዳግም መስፋፋት በመጀመሩ አላልተውት የነበረውን የእንቅስቃሴ ገደብ ዳግም አጥብቀዋል።

   "እንደ አፍሪካ ወደ አንድ ሚሊዮን እየተጠጋን ነው፣ አህጉሪቷ በወሳኝ ጊዜ ላይ ትገኛለች" ሲሉ የተናገሩት ዶ/ር ሞይቲ ናቸው።

   አክለውም ''አምስት የአፍሪካ አገራት በመላው አፍሪካ አገራት በወረርሽኙ ከተያዙት ሰዎች 75 በመቶ ያህሉን አስመዝግበዋል'' ብለዋል።

   እንደ አፍሪካ በሽታ መቆጣጠርና መከላከል ከሆነ በአፍሪካ በኮሮናቫይረስ የተያዙና በዚሁ ምከንያት የተከሰቱ ሞቶችን ካስመዘገቡ አገራት መካከል ከአራቱ ሶስቱ ከደቡብ አፍሪካ፣ግብጽ፣ ናይጄሪያ አልያም ሱዳን የተመዘገቡ ናቸው ተብሏል።

4. 31 ሀምሌ 2020ከኮሮናቫይረስ በእጅጉ እያተረፉ ያሉት ትልልቅ ድርጅቶች

5. 31 ሀምሌ 2020350 ህሙማንን ከኮሮናቫይረስ ፈወስኩ የምትለው አወዛጋቢዋ ዶክተር

6. 31 ሀምሌ 2020እንደምን አደራችሁ የቢቢሲ ቤተሰቦች!

   በኢትዮጵያ እስካሁን ድረስ 413 ሺህ 397 የላብራቶሪምርመራተካሂዶ 16 ሺህ 615ሰዎች ኮቪድ-19 እንዳለባቸው ተረጋግጧል። ከእነዚህም መካከል 263ያህሉ ህይወታቸውን አጥተዋል።

   እስካሁን ድረስ ከበሽታው ሙሉ በሙሉ ያገገሙ 6763 ሰዎች ቢኖሩም የቫይረሱ ስርጭት ከጊዜ ወደጊዜ እየተስፋፋ ነው። በተለይ እንደ አዲስ አበባ ባሉ ትልልቅ ከተሞች ስርጭቱ ከየትኛውም ስፍራ ልቆ ይታያል። የህክምና ባለሙያዎችም ሆኑ መንግሥት በነዋሪዎች ዘንድ አሁን የሚታየው ቸልተኝነት ከፍተኛ ዋጋ ሊያስከፍል እንደሚችል አዘውትረው ይናገራሉ። ስለዚህ የኮሮናቫይረስን ስርጭትን ለመከላከልና ባለበት ለማቆም እጃችንን በየጊዜው በሳሙናና በውሃ መታጠብ፣ አፍና አፍንጫ መሸፈኛ ማድረግ እንዲሁም አካላዊ ርቀትን መጠበቅ ተገቢ መሆኑን ሁሌም ማስታወስ ተገቢ ነው።

   እናም ከዚህ ሰኣት ጀምሮ ከመላው ዓለም ከኮሮና ጋር የተገናኙ ዘገባዎችን በመሰብሰብ ወደ እናንተ እናደርሳለን።

   መልካም ቀን!