Joorjiyaan Saloomee Zurabishviiliin pirezidantii dubartii jalqabaa gootee filatte

Daataa qusachuuf barreeffama qofa dubbisi
Saloomee Zurabishviiliin bara Sadaasa 28, 2018 Tibliis keessatti

Madda suuraa, EPA

Ibsa waa'ee suuraa, Saloomee Zurabishviiliin intala baqqattootaa warra bara 1921 gara Firaansitti baqataniiti
Maxxanfame

Saloomee Zurabishviiliin pirezidantii dubartii jalqabaa Joorjiyaa ta'un filataman.

Yeroo ammaa sagaleen lakkaa'amee wayita dhumaa jiru kanatti dubartiin duraan dippilomaatii turteefi Firaansitti dhalatte kun sagalee kenname keessaa morkataa ishee iriigool Vashaadiiziin %59'n injifatteetti.

Morkataan isanii immoo sagalee %40 argatan.

Saloomee Zurabishviiliin paartii kan biyya Joorjiyaa bulchaa jiruun kan deggeramu yommuu ta'u kan Vashaadiiziin ammoo kaadhimamaa tokkummaa mormitootaati.

Heerri haarawaan hojiirra ooluuf jiru ammoo aangoo pirezidantii kana kan maqumaaf ta'u taasisuuf heda.

Saloomee Zurabishviiliin hariiroo Joorjiyaan Raashiyaafi biyyoota gama Lixaa waliin qabdu madaalawaa gochuu deeggaru.

Vashaadiiziin - kan bara 2008 yeroo walitti bu'insi Joorjiyaafi Raashiyaa gidduu turetti Ministira Dhimma Alaa turaniifi Biyyoota Lixaa caalsifatu jedhama.

Vashaadiiziin

Madda suuraa, EPA

Ibsa waa'ee suuraa, Vashaadiiziin deeggaraa Biyyoota Lixaa akka ta'e himama

Filannoon pirezidantii amma gaggeeffame kun filannoo kan paarlaamaa 2020 gaggeeffamuuf agarsiiftudhas jedhameera.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Gareen paartii mormitootaa filannichi akka rakkoo qabuufi warra duula filannoo gaggeessanirra miidhaan akka ga'e himataa jiraatus paartiin biyya bulchaa jiru ammoo himannaa kana waakkateera.