Qaamooleen Israa'el bakka bu'uun mari'ataa turan Kaataarii akka deebii'aniif ajajaman

Haguuggii Tamsaasa Kallattii

1. 3 Sadaasa 2023Lolli Israa'el-Hamaas gara biyyoota naannichaatti babal'achuu akka danda'u UAE ibsite

   Ministirri itti-aanaa dhimma alaa Yunaayitid Arab Emiratis (UAE) lolli Israa'el-Hamaas gidduutti gaggeeffamaa jiru gara biyyoota naannicha keessa jiraniitti babal'achuu danda'a jechuun sodaa qaban ibsan.

   Haalli naannicha keessa jiru "dho'uuf fiixeerra gaheera," jechuun ibsan ministirichi.

   "Walitti bu'insi kun hammaachuufi babal'achuun isaa amanamaadha. Gareen shororkeessitootaa ammoo carraa kana fayyadamuun ayidooloojii isaanii babal'ifachuurra darbanii gara maraamartoo walitti bu'insaatti nu galchuu danda'u," jechuun Nuuraa al-Kaabii Konfaransii Imaammataa Abudaabiitti gaggeeffamerratti dubbataniiru.

   Jaarsummaa Ameerikaatiin hariiroo dippilomaasii Israa'el waliin qabdu bara 2020 kan jaqabde UAE, dhukaasa dhaabuun namoomaa akka taasifamuuf "cimsitee" hojjechaa jiraachuu Al-Kaabiin ibsaniiru.

   "Carraaqiin hundinuu namoota nagaaf eegumsa taasisuufi walitti bu'insa kana atattamaan dhaabsisuurratti xiyyeeffata," jedhan.

2. 3 Sadaasa 2023Bilinkan haala miidhaan namoota nagaarra gahu itti hir'aturratta mari'achuuf Israa'el galan

   Ministirri Dhimma Alaa Ameerikaa Antoonii Bilinkan Israa'el galan.

   Bilinkan dawwana erga waraanni Israa'eliifi Hamaas jidduutti eegaleen booda yeroo lammataaf gara sanatti taasisan kanaan qondaaltoota mootummaa Israa'el waliin dhimma miidhaa namoota nagaarra gahu hir'isuurratti ni mari'atu jedhamee eegama.

   Israa'el erga Hamaas Okololeessa 7 haleellaa irratti banuun namoota 1,400 ajjeessee kaan butee fudhateen asi haleellaa haaloo bahuu qilleensaafi faloon Gaazaa keessatti gaggeessaa jirti.

   Imalli Bilinkan ammaas miidhaa namoota nagaa Gaazaa keessarra gahu haala itti xiqqaatu irratti mari'atu jedhame eegama.

   Bilinka osoo imala hin eegaliin dura akka jedhaniitti, Israa'el irraa ''tarkaanfii qabatamaa'' miidhaan namoonni nagaan Filisxeem ittiin hir'atu mirkanneessitu akka gaafatan himan.

   Joo Baayidan ammoo deeggarsa namoomaatiif dhukaasni akka dhaabbatu gaafataniiru.

   Akkasumas, Bilinkan Joordaan keessattis marii ni taasisu jedhameera.

   Imalli Bilinkan kunis bakka waraanni Israa'el gutummaatti Gaazaa marsuufi hidhattoota Hamaas waliin waraana fuulaafi fuulaatti seenuu beeksiisee kan ta'edha.

3. 3 Sadaasa 2023Badhaafamtuun Noobelii hijaaba uffachuu diduusheetiif wal’aansa dhorkamte

4. 3 Sadaasa 2023Ameerikaan namoota Gaazaatti butaman barbaaduuf diroonii bobbaafte

   Hamaas Onkoloolessa 7 haleellaa tasaa Israa'el irratti raawwachuun namoota butee gara Gaazaatti erga geesseen booda Ameerikaan namoota butaman barbaaduuf Gaazaa keessa diroonii bobbaasuun sakatta'aa akka turte gabaafame.

   Rooyitars aanga'oota Ameerikaa lama waabeffachuun akka gabaasetti, Ameerikaan bakka namoonni butaman jiran adda baasuuf carraaqqii taasifamu gargaaruudhaaf Gaazaa keessa diroonii balaliisaa turteetti.

   Aanga'aan akka maqaan isaa hin eeramne barbaade tokko Ameerikaan torban tokkoo oliif diroonii balaliisaa turteetti.

   Namoota Hamaas Israa'el keessaa butee fudhate keessaa 10 Ameerikaanota ta'uun ibsameera.

5. 3 Sadaasa 2023Hamaas lafa jalaa bahee haleellaa raawwatee baqataa jira -Israa'el

6. 3 Sadaasa 2023Amma nu gahe, Lola lafoo Gaazaa keessatti deemaa jiruun loltoonni Israa'el afur biroo ajjeefaman

   Lola lafoo Gaazaa keessatti lafa deemaa jiruun loltoonni Israa'el afur dabalataan ajjeefaman.

   Humni Waraanaa Israa'el akka beeksisetti, loltoonnisaa lola lafoo Gaazaa keessatti gaggeessaa jiran irratti hirmaachaajiran afur dabalataan ajjeefamaniiru.

   Kun ammoo lakkoofsi loltoota Gaazaa keessaatti osoo waraanaa jiranii ajjeefaman waliigalatti 23 akka qaqqabu taasiseera, jechuun gabaaseera gaazexaanHaaretz.

7. 3 Sadaasa 2023Israa’eloonni kuma dhibbaan lakkaa'aman maaliif hayyama meeshaa hidhachuu gaafachaa jiru?

8. 3 Sadaasa 2023Mormii guutummaa addunyaarratti gaggeeffamaa jiru suuraan

   Guutummaa addunyaarratti, mormitoonni Gaazaatti dhukaasni dhaabbachuu qaba jechuun daandiiwwanitti ba'anii gaafachaa jiru. Kaan ammoo haleellaa Hamaas Onkoloolessa 7 Israa'el irratti raawwate hordofee deeggarsa Israa'eliif qaban agarsiisuuf daandiitti bahan.

   Mormitoota kanneen garii isaanii suuraawwan kanneen irraa hibadhaa. demonstrations:

9. 3 Sadaasa 2023Tamsaasa kallattiin deebineerra

   Tamsaasa kallattii waraana Israa'el-Hamaas irratti isiniif dhiyeessinuun deebineerra.

   Nu hordofaa!

10. 2 Sadaasa 2023Waraanni Israa'el guutummaa magaala Gaazatti marsuu beeksise

    Waraanni Israa'el guutummaaa magala Gaazatti marsee xumuruu beeksise.

    Dubbi himaan Humna Waraana Israa'el Daani'eel Hagaarii akka jedhanitti, waraanni isaanii magaala Gaazaa marfama keessa galchuun haleellaa garaa garaa raawwachaa jira.

    Wiirtuwwan, bu'uraaleefi guddugala ajaja Hamaas irratti haleellaa gaggeessaa akka turan himan.

    Magaalli Gaazaa Kaaba Gaazatti kan argamuu fi waraanni osoo hin eegalin dura iddoo namoonni heddu jiraataniidha.

    Israa'e namoonni kaaba Gaazatii gara kibbaatti akka baqatan jalqabarraa kaatee akeekkachiisaa turte.

    Haata'u garuu yeroo ammaa namoonni meeqa magaala Gaazaa keessatti akka hafan hin beekamu.

11. 2 Sadaasa 2023Hanqiina bishaan Gaazaa suuraadhaan

    Suuraaleen haaraan Gaazaa keessaa nu qaqaban akka agarsiisaniitti jiraattoonni hanqina bishaanin rakkataa jiru.

    Filisxeemoonni haala garaa garaatiin hanqina bishaan isaan mudate dandamachuuf yoo socho'an mul'atu.

12. 2 Sadaasa 2023Israa'el Gaazaaf boba'aa dhiyeessuurratti murtee hin dabarsine- Neetaaniyaahu

    Ministirri Mummee Israa'el Beenjaamin Neetaaniyaahun har'a yeroo ibsa kennaniitti, motummaan isaanii deeggarsa namoomaa kan akka nyaataafi bishaanii Gaazaa akka galuuf deeggarsa taasisuu kaasan.

    Haata;u malee, boba'aa dabarsuurratti garuu murtee homaatuu hin taasifne jedhan.

    Itti dabalunis, ''Nuti baba'aa dabarsuurratti murteen taasifne homtuu hin jiru. Ani ajaja homaatuu hin kennine. Kaabiinee waraanaas akkasumas murtee kana akka hojiirra ooluuf hin ajajne'' jedhan.

    Gaazaan erga onkolooleessa 7 hidhattoonni Hamaas Israa'el irratti haleellaa raawwachun namoota 1,400 ajjeessanii kan 242 ta'an butanii fudhataniin booda dhiyeessiwwan akka ibsaa, bishaaniifi boba'aa irraa akka dhaabbatuuf ajajni waraana Israa'eliin darbuu ni yaadatama.

13. 2 Sadaasa 2023Rookkeettiin Hamaas Israa'elitti dhukaase namoota lama madeesse

    Magaala Israa'el Kiryaat Shimoonaa kan dhiheenya daangaa Liibananiitti, erga haleellaan rookkeettii raawwatameen booda namoonni miidhaaf saaxilaman.

    Gareen hidhattoota Hamaas,Birgeediin Al- Qaasaam, kan Leebaana keessa socha'u rookeettiiwwan heddu gara magaalatiitti dhukaasuu himeera.

    Namoota miidhaan irra qaqabe keessaa tokko ''dargaggeessaa umuriin waggaa 25 yoo ta'u haala fayyiinaa gaariirratti aragama'' jedhe tajaajilli wallaansa Israa'el wayita ejansii oduu AFPtti himeetti.

    Gama biraatiin ammoo gareen siyaasaa fi waraanaa Liibaanon Hizboollaan naannawa Qannaa Shebaa / Gaara Dov kan daangaa Lebaaniiniifi Israa'el irratti argamuutti buufataalee waraana Israa'el irratti diroonii lamaan haleellaa raawwachuu beeksise.

14. 2 Sadaasa 2023Hizbollaan buufata waraana Israa'elirratti haleellaa diroonii raawwadhe jedhe

    Green Hizbollaa Libaanos keessa socho'u buufata waraana Israa'el irratti haleellaa diroonii raawwachuu beeksise.

    Haleellaa kana loltoota Israa'el daangarra jiranirratti raawwachuu beesksise.

    Garichi diroonii dhootuu guddaa fe'atteen loltoota Israa'el haleeluu beeksise.

    Akka Hisbollaan jedhetti haleellan diroonii kun kan gaggeeffame loltoota Israa'el bakka Sheebaa Faarm/Maawunt Doov jedhamu buufatanirratti.

    Haleellaa diroonii kanaan miidhan loltoota Israa'eliirra gahe hin baramne.

    Libaanos irraa dhukaasni heddu gara Israa'elitti ergamuu kan ibse Waraanni Israa'el gamasaan buufataalee Hizbollaa heddu haleelaa jiraachuu bdeeksise.

    Hizbollaan garee hidhaatee Libaanos keessa socho'uufi Iraanin deeggaramu yoo ta'u Hamaas caalaa humna waraanaa akka qabutu himama.

    Erga waraanni Israa'elifi Hamaas gidduutti eegalee kaasee karaa Kaaba Israa'el, Libaanos irraa gara israa'elitti dhukaasuu hin dhaabne.

    Walitti bu'iinsi Israa'elifi Hizbollaa gidduu jiru akka kan Gaazaa ta'uu baatus inuma walitti dhukaasu.

    Hizboollan humna guutun Hamaas cinaa hiriiree waraanatti gala taanan, Israa'el gama lamaan dhifamuunshee hin oolu sodaa jedhutu jira.

    Waraanni kun Israa'elifi Hamaas gidduudhaa bahee waraana naannoo Baha Giddu Galeessaa akka hin taanef biyyoonni akka Ameerikaa akeekkachiisaa jiru.

15. 2 Sadaasa 2023'Gaazaatti waraana cimaatti jirra' jedhan Netanaahoon

    Muummen Ministeeraa Israa'el Beniyaamin Netanaahon Gaazaatti "waraana cimaa gaggeessaa jirra" jedhan.

    Netanaahuun har'a ibsa kennaniin kana jedhan.

    "Milkaa'ina ajaa'iba argannee jirra. Ulaa magaala Gaazaa seensisu dabarree jirra. Itti muddinee fulla'aa jirra," jedhan.

    Kan jechuun alatti odeffannoo bal'aa waa'ee waraana Gaazaatti gaggeeffamaa jiruu homaa hin kennine.

    Gaazexeessaan BBC Gaazaa jiru waraanni Israa'el Kaaba Gaazaa keessatti bakka shanitti hidhattoota Hamaas wajjin wal-lolaa akka turan gabaase.

    Haleellaa Israa'el gaggeessituun namoonni 9,000 ol Gaazatti ajjeefamuufi 20,000 kan ta'an madaa'anii jiraachuu Ministeerri Fayyaa Gaazaa beeksise.

16. 2 Sadaasa 2023Itoophiyaarra dhorkaa kan kaahe, AGOAn, biyyoota Afrikaa hangam fayyade?

17. 2 Sadaasa 2023'Gaazaatti waraanni yeroo muraasaf dhaabbachuu qaba' - Joo Baayidan

18. 2 Sadaasa 2023Mana barnootaa UN Gaazaa cinatti namoonni 27 ajjeefaman - Ministeera Fayyaa

    Ministeerri Fayyaa Gaazaa Hamaasiin hogganamu akka ibsetti yoo xiqqaate namoonni 27 halellaa xiyyaara Israa’el Kaaba Gaazaa mana barnootaa Dhaabbata Biyyoota Gamtoomanii Jabaaliyaatti raaawwatteen ajjeefaman.

    BBC’n dhiimma kanarratti Dhaabbata Biyyoota Gamtoomanii kan gaafate ta’ullee, lakkoofsa namoota du’an addatti hin mirkaneeffanne.

    Viidiyoon AFP irraa argame akka agarsiisutti, namoonni hedduun haleellaa kanaan madaa’aniiru.

19. 2 Sadaasa 2023Israa’el biyyoonni dooniwwan hospitaalaa qaban namoota Gaazaatti mada’aan akka gargaaran gaafatte

    Jarmanitti Ambaasaaddarri Israa’el biyyoonni biroo dooniiwwan hospitaalaa qaban gara Masriitti akka ergan gaafatan.

    Ambaasaaddar Roon Piroosor, dooniwwan kun lammiilee Filisxeem madaa’an Gaazaarraa gara Masrii seenan yaaluuf kan oolu ta’uu dubbatan.

    Gaaffii fi deebii raadiyoo hawaasa Israa’el Kaan jedhamu waliin taasisaniin: "Hanga ammaatti ergamaa jiraachuu isaa hin beeku, kana gaafanneerra. Dhimma kanarratti mari'atamaa jira jedheen yaada,’’ jedhan.

    Torban darbe Faransaay ''hospitaalota Gaazaa deeggaruuf'' doonii gara baha Meditiraaniyaaniitti ergaa jiraachu ibsiteetti.

    Israa'eel Xaaliyaaniis gaafatte turte garuu qondaaltonni hanga ammaatti deebii hin dhageenye jedhan.

20. 2 Sadaasa 2023Biyyi Arabaa dhiyeenya michuu Israa’el taate Bahareen ambasaddara ishee gara biyyaatti waamte

    Paarlaamaan sadarkaa gadii Bahareen dhiheenya kana hariiroo Israa’el waliin jalqabee ture.

    Ammammoo Paarlmaaan kun haleellaa Israa’el Gaazaatti raawwateef deebii kennuuf ambasaaddara biyyattii Israa’elirraa biyyatti waame.

    Ambaasaaddarri Israa’el Bahareen jirus biyyaa ba’uun, hariiroon dinagdee akka dhaabbatu yaa’ichi ibseera.

    Erga waraanni Onkoloolessa 7 jalqabee biyyoota Liigii Arabaa afran bara 2020 eegalee waliigaltee seena- qabeessa Israa’el walin mallatteessan keessaa tokko kan taate Bahareen yeroo jalqabaatiif tarkaanfii akkanaa Israa’elirratti fudhatte.

    Biyyoonni lamaan waliigaltee Ameerikaan deeggaramu erga mallatteessanii as hariiroon Bahareen fi Israa’el guddataa ture.

    Kunis waldhabdee Israa’el fi Arabootaa waggoota kurnaan lakkaa’amuuf qabbaneessuu keessatti akka boqonnaa guddaatti ilaalama.

    Bahareen tarkaanfii kana kan fudhatte biyyoota Arabaa Israa’el waliin nagaa buusan keessatti dheekkamsi hawaasaa yeroo hammaatettidha.