Украина ва ўзбеклар: Бекзод Харкивда нималарни кўрди? - Видео. O‘zbekiston Rossiya Ukraina Yangiliklar

Бекзод Исломов Украинада халқаро ҳуқуқ йўналишида таҳсил олиб, Ўзбекистонга қайтганди.

Ўтган ойда Бекзод Харкивда бўлди.

Россия босқинидан кейинги Украинани кўриш унинг учун жуда оғриқли бўлганини айтади.

Алоқадор мавзулар:

- Россия бомбалаганидан кейин шаҳар электрсиз қолган. Кечки пайт ҳаммаёқ қоп-қоронғу. Кўпқаватли уйларда деярли ҳеч ким йўқ. Масалан, бир 24 қаватли уйнинг 10 та йўлаги бор. Шундай катта уйда битта ё иккита хонадонда одам бор, - гапириб берди Бекзод.

У шаҳар кўчаларида олган турли йилларда тасвирларини кўрсатди.

Видеолавҳани кўриш учун "Қабул қилинг ва давом этинг" сўзини босинг:

- Харкив - хорижлик талабалар, сармоядорларни ўзига жалб қилган, тобора ривожланиб бораётган, ранг-баранг шаҳар эди. Кўчаларда мусиқа овозлари доим янграр, кўча мусиқачиларидан кимдир гитара, кимдир скрипка чалган, инсонларни юз-кўзида қувонч бор эди. Одамлар жуда очиқ, хушчақчақ эди, - хотирлайди Бекзод.

Ҳозирги Харкив бутунлай бошқа.

- Шаҳар оқ-кулранг, қора шаҳарга айланган. Одамларнинг кўзида фақат ғамни кўрасиз, - дейди у.

Бекзод қишнинг совуқ кунлари чироқсиз ва газ милтиллаб ёниб турган уйда совқотиб ухлаганини айтади.

Бекзод Исломов Украинада яна нималарни кўрди ва кўнглидан қандай кечинмалар ўтди?

Видеолавҳамизда батафсил кўринг.

Telegram каналимиз: https://t.me/bbcuzbek

BBC.COM/UZBEK билан Telegram орқали +44 7858860002 номери билан боғланинг.