Украина уруши: Умримда биринчи марта қўлимга қурол олдим - Видео Ukraina Rossiya

Published
Ўқилиш вақти: 1 дақ

"Умрингда қўлингга қурол олмаган бўлсанг ҳам, сен ватанинга кераксан"

Украина ҳукумати ана шундай мурожаат билан барча ёшдаги украиналикларга мурожаат қилган, ҳали Россия Украина босқинини бошламасдан олдин ёшу қарилар, турли касб эгалари ўқотар қуроллардан фойдаланишни ўргатадиган ҳарбий тайёргарлик машқларидан ўтишни бошлаган эдилар.

Россия армияси Украинага бостириб кирганидан кейин кўп сондаги эркаклар ўз ихтиёрлари билан фронтга кўнгилли бўлиб қўшилдилар.

Шу кеча-кундузда эса пойтахт Киев четидаги ишлатилмаётган завод биноси ҳудудида эркак ва аёллар учун нишонга олиш машқлари билан бандлар.

Улар "Карпатска Сич" деб номланган кўнгиллиларнинг гуруҳи аъзоларидир.

Улардан бири Уляна.

У урушдан олдин от ўргатувчи эди.

"Умримда биринчи марта қўлимга қурол олдим. Отишни ўрганганимдан кейин мени мақташаяпти: "Бургуткўз экансан, бехато нишонга ураяпсан, деб", дейди Уляна.

Skip Энг кўп ўқилган and continue reading
Энг кўп ўқилган

End of Энг кўп ўқилган

Дугонаси Олександра эса татуировкачи бўлиб ишлаган.

Россия Украина шарқида қандай уруш қилмоқчи?

Ватани Украинани ҳимоя қилишга отлангани ўзини руҳлантиришини айтади у.

"Уруш фронтидан қайтган йигитлар "биз кучлимиз, биз ҳужум қилаяпмиз, улар эса чекинаяпти", дейишади. Бундан янада руҳланиб, менинг уларга кўпроқ ёрдам бергим келади", дейди Олександра.

"Карпатска Сич" кўнгиллилар батальони аъзолари билан суҳбатлашган Би-би-си мухбири Бен Браун айтишича, батальон кўнгиллиларининг 20 фоизчасини хориждан борган инсонлар ташкил этади.

Видео. Россия Украина шарқида нималар қилаяпти? Вазият шунчалик хавотирлими?

"АҚШ, Буюк Британия, Канада, Колумбия, Бразилия, Аргентина, собиқ совет мамлакатлари Грузия ва Латвиядан. Москва таҳдид солаяпти, деб билган инсонлар", дейди мухбиримиз.

Россия Украинанинг Донбасс минтақаси устидан тўла назоратни қўлга киритишга ҳаракат қилиб ҳужумларини кучайтирган.

Аммо охирги бир неча ҳафта давомида уруш жабҳасида катта илгарилашга эришолгани йўқ.

Украина ҳукумати шарққа имкони борича тезроқ қўшимча кучлар юборишга ҳаракат қилаяпти.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek