فرنیچر کمپنی آئیکیا کے عجائب گھر کا افتتاح

سویڈن کی عالمی شہرت یافتہ فرنیچر کمپنی آئیکیا نے سویڈن کے قصبے آمہلٹ میں کمپنی کے سفر کے حوالے سے عجائب گھر کا افتتاح کیا ہے۔

آمہلٹ وہی قصبہ ہے جہاں آئیکیا کا پہلا سٹور کھلا تھا۔

اس عجائب گھر میں کمپنی کے مشہور ڈیزائنز اور مصنوعات رکھی گئی ہیں جن میں کوفتوں سے لے کر بک شیلف تک شامل ہیں۔

یہ عجائب گھر اس جگہ قائم کیا گیا ہے جہاں آئیکیا کے بانی انگوار کمپراڈ نے سنہ 1958 میں پہلا سٹور کھولا تھا۔

آئیکیا کے سٹور اب 25 ممالک میں ہیں اور اس کی سالانہ آمدنی 21.5 بلین یورو ہے۔

اس عجائب گھر میں عارضی طور پر بھی کچھ مصنوعات رکھی ہیں جو سال بھر تبدیل ہوتی رہیں گی۔ ابتدائی موضوع کچن کے گرد زندگی پر مرکوز ہوگا۔