دبئی میں پرانے مندر کی تعمیر کے 50 برس بعد بننے والا شہر کا سب سے بڑا مندر تصاویر میں
،تصویر کا ذریعہGetty Images
متحدہ عرب امارات کی جانب سے دبئی کا سب سے بڑے ہندو مندر کا افتتاح کیا گیا ہے۔
افتتاحی تقریب میں وزیرِ رواداری و ہم آہنگی شیخ نہیان بن مبارک النہیان اور انڈیا کے متحدہ عرب امارات کے لیے سفیر سنجے سدھیر نے بھی شرکت کی۔
،تصویر کا ذریعہGetty Images
چار اکتوبر کو دبئی کے جبل علی ولیج میں حکام اور بین المذاہب رہنماؤں کی جانب سے اس مندر کا افتتاح کیا گیا۔
اس حوالے سے جاری کی گئی تفصیلات کے مطابق اس مندر میں جس ہال میں عبادت کی جائے گی اس کا رقبہ تقریباً پانچ ہزار مربہ فٹ ہے جب کہ اس میں 1500 افراد ایک وقت میں عبادت کر سکیں گے۔
،تصویر کا ذریعہGetty Images
اس سے قبل دبئی میں دو چھوٹے مندر ہوا کرتے تھے جو پرانی عمارتوں کے کمروں میں بنائے گئے تھے۔
،تصویر کا ذریعہGetty Images
خبر رساں ادارے رؤٹرز کے مطابق یہ مندر دبئی میں پرانے مندر کی تعمیر کے 50 برس بعد بنایا گیا ہے اور یہ امید کی جا رہی ہے کہ یہ نہ صرف عبادت کی جگہ ہو گی بلکہ ایک 'علم کا مرکز' اور 'معاشرے میں ہم آہنگی پیدا کرنے کے لیے' بھی اہم ثابت ہو گا۔
اس مندر کا افتتاح ہندوؤں کے تہوار دسہرہ کے آغاز سے چند گھنٹے پہلے کیا گیا۔
،تصویر کا ذریعہGetty Images
اس افتتاحی تقریب کے منتظم راجو شروف نے اس موقع پر کہا کہ 'آج دبئی میں مندر کا باضابطہ افتتاح کیا جا رہا ہے۔ یہ مندر ’بر دبئی‘ میں پرانے مندر کی تعیمر کے 50 برس بعد تعمیر کیا گیا ہے۔ '
End of سب سے زیادہ پڑھی جانے والی
یہ بھی پڑھیے
انھوں نے یہ بھی کہا کہ اس مندر میں 16 مختلف مورتیاں رکھی گئی ہیں تاکہ تمام ہندوؤں کو یہاں عبادت کرنے کا موقع مل سکے۔
،تصویر کا ذریعہInstagram/HinduTempleDubai
اس مندر میں تمام مذاہب کے افراد کو آنے کی اجازت دی گئی ہے اور اس سے قبل اس کا غیر رسمی افتتاح یکم ستمبر کو کیا گیا تھا جب ہزاروں سیاحوں کو یہاں آ کر اس مندر کا فنِ تعمیر دیکھنے کی اجازت دی گئی تھی۔
