ڈونلڈ ٹرمپ کو ری ٹویٹ کرنے کا معاملہ: امریکہ میں چینی سفارت خانے کا ٹوئٹر اکاؤنٹ ہیک ہوا، بیجنگ کا دعوی
،تصویر کا ذریعہGetty Images
امریکہ میں چین کے سفارت خانے نے دعویٰ کیا ہے کہ ان کا ٹوئٹر اکاؤنٹ اس وقت ہیک ہوا جب ان کو فالو کرنے والے صارفین نے نشاندہی کی کہ اس اکاؤنٹ نے امریکی صدر ڈونلڈ ٹرمپ کی جانب سے کی گئی ایک گمراہ کن مواد پر مبنی ٹویٹ کو ری ٹویٹ کیا تھا۔
صدر ٹرمپ نے اپنی ٹویٹ میں حالیہ امریکی انتخاب میں مبینہ دھاندلی کے بے بنیاد الزامات عائد کیے اور کہا کہ ’ایک ملک ایسے کیسے چل سکتا ہے؟‘
ٹوئٹر نے اس ٹویٹ پر تنبیہ کا نشان چسپاں کیا تھا کہ یہ متنازع دعویٰ ہے اور چینی سفارت خانے نے اس ٹویٹ کو فوراً ہی ری ٹویٹ کر دیا تھا۔
البتہ انھوں نے بعد میں اس کی تردید کرتے ہوئے کہا کہ یہ انھوں نے نہیں کیا۔
یہ بھی پڑھیے
End of سب سے زیادہ پڑھی جانے والی
سرکاری طور پر چین نے نومنتخب صدر جو بائیڈن کو ان کی جیت پر مبارکباد دی ہے اور چینی وزارت خارجہ نے کہا ہے کہ ’ہم امریکی عوام کی رائے کا احترام کرتے ہیں۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
تاہم دوسری جانب امریکی صدر ٹرمپ نے انتخاب کے بعد بھی مسلسل ثبوت دیے بغیر مبینہ دھاندلی کے الزامات لگانے نہیں چھوڑے ہیں۔
چینی سفارت خانے کی جانب سے کی گئی ری ٹویٹ کی ٹوئٹر پر صارفین نے نشاندہی کی اور کئی نے اس پر تبصرہ کیا کہ یہ ایک ایسا وقت میں ہوئی ہے جب امریکہ اور چین کے مابین تعلقات اچھے نہیں ہیں۔
صدر ٹرمپ کے دور صدارت میں دونوں ملکوں کے مابین تعلقات میں میں خرابی آئی ہے اور دونوں معاشی سپر پاورز ایک دوسرے کے ساتھ مختلف نوعیت کے اختلافات میں الجھے ہوئے ہیں جیسے تجارت، ٹیکنالوجی اور مبینہ جاسوسی۔
،تصویر کا ذریعہGETTY IMAGES/TWITTER/FACEBOOK
بدھ کو چینی سفارت خانے نے اس ری ٹویٹ سے مکمل طور پر لاتعلق کا اظہار کرتے ہوئے کہا کہ ’چینی سفارت خانے کا ٹوئٹر آج (بدھ) کی دوپہر ہیک ہو گیا اور ہم اس کی مذمت کرتے ہیں۔ ہم واضح کرنا چاہتے ہیں کہ سفارت خانے نے نو دسمبر کو کوئی ری ٹویٹ نہیں کی۔‘
البتہ یہ پہلا موقع نہیں ہے جب کسی چینی سفارت خانے کو اس طرح ٹوئٹر پر مسئلے کا سامنا کرنا پڑا ہو۔
ستمبر میں چین کی برطانیہ میں سفارت خانے نے سوشل میڈیا پلیٹ فارم سے مطالبہ کیا کہ وہ جانچ کریں کہ کس طرح ان کے برطانوی سفیر کے سرکاری ٹوئٹر ہینڈل سے ٹوئٹر پر فحش کلپ ’لائیک‘ کی گئی ہے۔
اس کے علاوہ صدر ٹرمپ پر سوشل میڈیا پر غلط خبریں پھیلانے کے حوالے سے مسلسل تنقید ہوتی رہی ہے۔
اس سال مئی میں ٹوئٹر نے ان کی ایک ٹویٹ پر پیغام چسپاں کیا کہ صدر ٹرمپ کا کیا گیا دعویٰ غلط ہے اور اس کے بعد وہ متعدد بار ایسی تنبیہ چسپاں کر چکے ہیں۔
